وين الدكاتره والمربين المحترفين الدخول للاهميه

[ابو عيسى 1]

السلام عليكم ورحمة الله وبركاته

اخواني ابي مساعدتكم عندي فرخ هولندي عمره تقريبأ 5 او 6 اشهر له اسبوع عندي ظعيف ةدايم جالس باسفل القفص امس تقيى واليوم كاش وخامل ولا ياكل بس يشرب الماء بكثره وبرازه اعزكم الله ماء فقط وحاولت اغره يرفض حاولت اكله بيدي ياخذها ويجلس يحركها داخل فمه وبعدها يرميها سريلاك اعطيته ويرفض تفاح ويرفض خبز منقوع يرفض فلفل رومي يرفض فول سوداني ياخذها ويطيحها حتى العسل اعطيته عسل اصلي وسدر بعد ولا في فايده ورحت للبيطر ي قالي عنده برد واعطاني علاج اسمه داد تريل 10% ما ادري ايش الحل ساعدوني الطير من امس ما اكل شي بس يشرب ماي ونايم بس

[aburagad123]

وعليكم السلام ورحمة الله وبركاته
ألف لا بأس عليه .

شربة ماء الرز .. ولا تكثر عليه الفواكه
وعطه خلطة الثوم بالليمون
3 فصات ثوم تهرس جيداً + نص ليمونه + 1 لتر ماء ... تخلط مع بعض وتترك لـ 6 ساعات وتقدم للطير

شافاه الله وعافاه

[aburagad123]

اتمنى ان يفيدك هذا الرابط

http://2zoo.com/vb/showthread.php?t=274386

[ابو عيسى 1]

شكرا اخي الكريم قبل شوي خلطة نصف بصله + 3فصات ثوم وضربتها في الخلاط وصفيتها واخذتها بالحقنه وشربته وبعد نصف ساعه خلطة الدواء واحد ملم مع السريلاك واضفت عليه الماء الين صار مائي عشان يسهل شربه واطعمته ولكن لاظت انه جلس يتقيى وخامل حيل وسوف اجرب الطريقه الي قلت عليها وعلى الله تصدق انه محزني حيل الله يشفيه

[سلطان البلوشي]

اخوي ثوم و ليمون
مش بصل

[ابو عيسى 1]

شكله بيودع لانه كان فوق الاستاند ولقيته تحت في الصحن وله يوم ما اكل شي وخلطة اليمون والثوم سويتها يمكن الين اخليها 6 ساعات وبعدها اعطيه هذا اذا عاش الله يعين

[none!!!]

اخوي مو شرط 6 ساعات يكفي ساعتين او ثلاث حاول تخليه ف مكان دافي وسوله اي اكل مهروس وحاول تغيره ان شاءالله راح يعيش

[ابو عيسى 1]

هذي صور توضح مرض الطير

http://im28.gulfup.com/2012-06-22/1340315413753.jpg

http://im28.gulfup.com/2012-06-22/1340315412221.jpg

وهذا برازه وتقيئه اعزكم الله

http://im28.gulfup.com/2012-06-22/1340315412662.jpg

[storm blue]

الله يشفه يارب شكله يكسر الخاطر

انا اظن انه مريض مرض شديد وصعب تعالجه بخلطات

انا اقول ان لم تجد له علاج ابدا توجه الى الله بدعاء له ورقيه عله وشربه ماء زمزم


ماقول الا الله يشفيه

روح فيه لبيطري ثاني

هذا الي اقدر افيدك فيه

[حنون القلب]

الله يشافيه لك

[ابو عيسى 1]

الله يشفيه وربي كاسر خاطري توني سلقت له جزر وبازلا وفاصولياء وذره حلوه وضربتها في الخلاط الين سارت ماء وغريته وجالس انا وياه في كفاح يبي يرجع وانا ارفع راسه لفوق عشان ميرجع ابي جسمه يستفيد منه ولو قليل والساعه الثلاثه ان شاء الله بعطيه خلطة الليمون مع الثوم والله يسرها انا وياه سهاره اليوم

[الكاسكو تومي]

يارب تشفيه مره شكله يحزن راح ادعيله وانت ادعيله اليوم جمعه ان شاء الله دعائك يوافق وقت استجابه

ووديه بيطري ثاني وشوف ايش يقولك واستمر ع العلاج واذا كان العلاج اللي تستخدمه مضادحيوي مايصلح

تستخدم خلطة الثوم بنفس الوقت لان الثوم يعتبر مضادوبكذا يتفاعلون مع بعض ويعطي نتيجه عكسيه

[الكاسكو تومي]

الكلام هذا قالته لي دكتوره وانت تأكد من البيطري عشان لايمرض طيرك اكثر

[ابو عيسى 1]

الله يعطيكم العافيه انا معاه وان شاء الله يطيب نمت ساعتين وصحيت والحين بشوف اسوي له خلطة فواكه عشان ياكل والله مدري ويش اسوي له محتار حيره مايعلم فيها غير ربي

[بلاك بيري]

لا حول ولا قوة الا بالله ربي يشافيه ويعافيه حالته شوي متأخره

[بلاك بيري]

انصح بتنويمه عند بيطري للعنايه الفائقه به