ارجو .. المساعده من خبراء طيور الكوكاتو

[xdidox]

اخواني الأعزاء عندي استفسار عن كوكاتو ابو عرف اصفر بس مني متأكد نوعه بالظبط

بس اعتقد نوعه السيلفر كريستد وحجم الطير مو صغير ولا كبير وجفن العين ابيض

عموما الطير جدا جدا اليف ما شاء الله ورقيص .. ما شاء الله يهز راسه ويفرد جناحه لمن احد

يغنيله ولا يشغله موسيقى

وعنده كلمات كثير على حسب كلام راعيه وسمعت منه ( السلام وعليكم - ولمن يسمع نغمة

جوال او تقرب الجوال جمبة يتكلم ) والرجال يقول الكلام على الشرط اخذ الطير عندي من اسبوع

الى عشره ايام الين ما أتأكد ... وبعدها ادفعله المبلغ .. والطير انثى عمرها سنتين محجل حجل

ضيق بس ما تأكدت هل مكتوب سنة الانتاج على الحجل ولا لا ..

والاهم السعر 7500 ريال ... ومسيوم من واحد معروف وخبره بالطيور عندنا وصاحب محل بـ 7000

السؤال للخبراء :

هل الطير يستاهل هالسعر بما انه يتكلم... لأني اسمع كثير انه الكوكاتو قليل الكلام

ولاني شفت كثير من هالنوع من الكوكاتو في السوق سواءا عندنا بالمدينة ولا جده

سعره ماينزل عن ال 5000 ريال وما يتكلم بس اليف ...

ارجو من اهل الخبرة يفيدوني .. وانا ما استغنى عن خبرتكم والاستفاده منه

تحياتي

[ماجد علي]

أنا أفضل أن تأخذ واحد رخيص وأنت تروضه لأنه سعره شوي غالي.

[يمر طيفكَ ..]

هالنوع مايتكلم كثير على الاغلب اليف بس
انا اقول رجعه ماشوفه يستاهل وانت براحتك

[اقول الحق]

عندنا بالاحساء الكوكاتو ترايتون 4500 ريال والطير اليف

[بلاك بيري]

انا اشوف ان السعر غالي لو كان ترايتون كان نقول اوك لكن سيلفر ما يستحق هالسعر

[::@عـشـقـي الكـاسـكـو@::]

حط صوره ادامك ما تعرف نوعه صوره

4 صور او 3 صور واضحه

ونعلمك عشان ما تغلط ولا نغلط