الطير مدري وش فيه : ياليت مساعده من المختصين :

[AlMo7TaReF_966]

السلام عليكم ورحمة الله وبركاته
مسااكمـ الله بالخير جميعآ ..


أنا عندي بغبغاء إفريقي تجيه حالات غريبه هاليومين
الأولى إنه يجيـه زي الإستفراغ وإنتم بكرامـه أو بيطلع شئ من فمـه أو يتثاوب والله ما أدري بالضبط
بس إنه يفتح منقار بقوه ويطوول رقبتـه وبعدها ينزلها :(

ثاني شئ إنه هاليومين يحب يجلس في أرضية القفص كثير :(

وترى هالمشكلين يسويها تقريبآ يوميآ .. بس بقله !

وإلي مخوفتني أكثر المشكله الأولى
كان ودي إني صورته وحطيت الفديو هنا وتشوفون وش يسوي بالضبط
بس مالحقت عليه يوم جيت أصوره ويركد ولا سواها .. :cool:

--
وسؤال أخير وأتمنى إني ما طولت عليكمـ
فيه دواء للببغاء لريشه لأنه منتف شوي ولا وش الحل معه ؟
-

على فكره الطير عمره حوالي 7 - 8 شهور
وله إسبوعين عندي بس :(

[كاسكو البحرين]

أنا عندي بغبغاء إفريقي تجيه حالات غريبه هاليومين
الأولى إنه يجيـه زي الإستفراغ وإنتم بكرامـه أو بيطلع شئ من فمـه أو يتثاوب والله ما أدري بالضبط
بس إنه يفتح منقار بقوه ويطوول رقبتـه وبعدها ينزلها - تأكد من الأمر وكلمة ( ما أدري ) صعبة اشوي عموماً الطير يتثاوب مثل وصفك بفتح المنقار بقوة ويطوول رقبتة فهذا شيئ طبيعي ناتج أحياناً عن عدم نوم الطير بالشكل المطلوب أو أحياناً الطير ياخذ له ( غفوه ) او نقول قيلوله للنوم للبعض الدقائق فترة الظهيرة فلا داعي للخوف

ثاني شئ إنه هاليومين يحب يجلس في أرضية القفص كثير
- وفر له لعبه صغيرة مناسبة للطير ابحيث يكون يلعب فيها لأنه احس من كلامك انه بعاني من ملل نوعاً ما او وحده في أغلب الأوقات ، هناك إهتمام من المربي السابق في الفترة السابقة اللي قبل لا يجيك الطير وتربيه حاول تعوضه بالجلوس معه بالوقت اللي لا تنشغل فيه او اتركه مع الأهل اللي يجيد حسن المعامله مع الطيور

وترى هالمشكلين يسويها تقريبآ يوميآ .. بس بقله !

- يومين :rolleyes: لكي لا تزداد حالة الملل حاول التعويض

وسؤال أخير وأتمنى إني ما طولت عليكمـ
فيه دواء للببغاء لريشه لأنه منتف شوي ولا وش الحل معه ؟
إنتظر ولاتهتم الى مظهر الطير كثر ما تهتم بصحة الطير الجسدية والنفسية
فهناك فترة القلش (تبديل الريش) ستمر عليه ان شاء الله ويتبدل ريشة بالكامل

على فكره الطير عمره حوالي 7 - 8 شهور
وله إسبوعين عندي بس
- إسبوعين فترة جداً جداً قليلة فأنصحك بالتريث والصبر ولا تطلب من الطير أكثر من اللازم حالياً اصبر فالصبر صفة المربي الناجح اصبر حتى لو تطلب 5 شهور او سنة فهذه الطيور مزاجية ومختلفة بين الإستجابة من المربي من طير الى آخر

الصبر جميـــــــــــــــــل :)

امنياتي لك بالتوفيق

[AlMo7TaReF_966]

يعطيك العافيه أخوي وماقصرت والله يالغالي
وأشكرك بصراحه على جهودكـ المبذوله في القسمـ ..


وبخصوص كلمة ما أدري ..
إيه بصراحه ما أدري وش سالفته بالضبط
--
سؤال :-
طير الببغاء يتثاوب ؟
وهل يتثاوب 4 -8 مرات ورى بعض .؟

يعطيك العافيه يالغالي مره ثانيه

[الطاير]

حياك الله اخ AlMo7TaReF_966

والله الاخ كاسكو البحرين ماخلى لي مجال ازيد شي

مشاالله ردوه وافي .. كفى ووفى ,,,,


لاكن بخصوص انه يجلس على ارضية القفص ,,,
يسوي الطير الحركة هذي اكثر شي اذا كان خايف ...,,, جرب ترفع القفص شوي فوق ...



واما بخصوص التثاوب
فاكيد الببغاء يتثاوب ...:)
اما 4-8 مرات ورى بعض :eek:
حطم رقمي القياسي الطير هذا !! انا اتثاوب مرتين ورى بعض :D

يعطس اربع خمس مرات ورى بعض عادي ... بس يتثاوب :confused: مادري صراحة

خل الاخوان الي عندهم نفس الطير هذا يعلمونك تسوي طيورهم كذا ولا لا ؟؟ :)

وسلامتك يالغالي ..



تحية
الطاير

[كاسكو البحرين]

يعطيك العافيه أخوي وماقصرت والله يالغالي
وأشكرك بصراحه على جهودكـ المبذوله في القسمـ ..


وبخصوص كلمة ما أدري ..
إيه بصراحه ما أدري وش سالفته بالضبط
--
سؤال :-
طير الببغاء يتثاوب ؟
وهل يتثاوب 4 -8 مرات ورى بعض .؟

يعطيك العافيه يالغالي مره ثانيه


4-8 اعتقد اذا كان الطير غير مرتاح فهذا رقم طبيعي وانا شخصياً مره من المرات كان الجو بارد جداً
وطريت اني ادخل القفص معاي في الغرفة وطبعاً جهاز الكمبيوتر الخاص بي شغال وانا كهواية أيضاً اعمل كمهندس صوت مش محترف طبعاً بس امشي الحال :D
فأطر اني ارفع على صوت السماعات للعمل في الهندسة الصوتية
وبعدها جلست الصباح والطير المسكين مارتاح من الإزعاج وفي الصباح وفترة الظهر أصبح يتثاوب
عدة مرات وهذا شيئ سبحان الله يصبح مثل مايكون مع الإنسان
الإنسان وقت اللي يجيه النوم يتثاوب أكثر من 15 مره :D
فبعد الشك عنك أخي وعليك بتوفير الراحه اللازمة في اوقات الراحه
فقم بإغلاق اللمبات بالكامل ويفضل نوم الطير في الظلام الداااااامس
ويكون من الساعة 11 بالكثير 11:30 حتى الصباح الباكر
وان شاء الله مايكون الا العافيه
والله يحفظ طيرك من كل سوء

بخصوص تعليك الأخ العزيز والمبدع ( الطاير )
ما شاء الله عليه ذكر نقطة جداً مهمة وعليك اتباعها
عليك برفع القفص من على الأرض برتفاع مترين او مترين ونص
إذا كان على الأرض لايحس بالأمان الكافي وركز ان يكون القفص
في زاوية من زوايا المكان الموجود فيه ويكون خلفه حائط والواجهه طبعاً باب القفص
ولا تغير مكان القفص كل مره لانه الطيور تحب الإستقرار وقراءة المكان بالملي :cool:
كذالك نفس الكلام ينطبق مع القفص

تحية

[النوخذه]

الف شكرا لك اخوى كاسكو البحرين بس عندى سوال عن وقت تغير الريش

مادرى متى يكون العاده

اخوك النوخذه

[Mr. MeMo]

اخي الكريم


ما شاء الله الشباب ما قصروا


بس مكوث الطائر في ارضيه القفص تدل في غالب
الامر على مرض الطائر فالببغاوات تفضل اعلى نقطه في القفص
دائما

اخي الكريم الافضل ان تقوم بتفحص برازه هل هو سائل ام لا و ما هو لونه
و ايضا هل الطائر يأكل جيدا ام لا

و النقطه الاخيره هل الطائر يقوم بلوي رقبته و وضعها في ظهر ام لا ؟

ارجو الاجابه بشكل سريع على هذه الاسئله لكي نستطيع ان
نفيدك اخي الكريم

[AlMo7TaReF_966]

اخي الكريم


ما شاء الله الشباب ما قصروا


بس مكوث الطائر في ارضيه القفص تدل في غالب
الامر على مرض الطائر فالببغاوات تفضل اعلى نقطه في القفص
دائما

اخي الكريم الافضل ان تقوم بتفحص برازه هل هو سائل ام لا و ما هو لونه
و ايضا هل الطائر يأكل جيدا ام لا

و النقطه الاخيره هل الطائر يقوم بلوي رقبته و وضعها في ظهر ام لا ؟

ارجو الاجابه بشكل سريع على هذه الاسئله لكي نستطيع ان
نفيدك اخي الكريم


ياهلا بكم والله منوريين ..
ويعطيكم الف عافيهي الغالين بصراحه كلمتة شكرآ ماتوفيكمـ حقكمـ ..
--

أخوي مستر ميمو براز الطير مو سائل .. بس فيه سائل خفيف جدآ جدآ ..
وأعتقـد برازه مافيه أي شئ يدل على مرض ..

الطير ولله الحمد يا كل جيد جدآ يعني أكله تمام التمام إن شاء الله ..
وبخصوص لوي الرقبه يلوي رقبتـه بس قليل مرره ..

ويعطيك العافيه أخوي كاسكو البحرين , الطاير , مستر ميمو

ألف شكر لكم :)

[كاسكو البحرين]

الف شكرا لك اخوى كاسكو البحرين بس عندى سوال عن وقت تغير الريش

مادرى متى يكون العاده

اخوك النوخذه

في شهور الصيف اعتبارا من يوليو وحتى سبتمبر

تحية