الكاسكو مزعج وودي اذبحه @_@

[Arashi]

السلام عليكم

عندي كاسكو صغير صار له اكثر من اسبوعين عندنا...في الاسبوع الاول كان هادي وكيوت ويتقبل الكل يلمسه وحتى كان يقرب ويلحس اصابعنا...وفجأه بعد اسبوع وبدون أي سبب او ازعاج سببنا له صار وايد يصارخ ومايرضى أحد يمسكه...تعبنا من صراخه ومب عارفين شلون نسكته

ZeVh633Hx5Y

ملاحظه: ما يتودد لي ولايحب ألمسه الا لما يكون واقف عالارض فقط :confused:...هو مايعضني لكن صار يعض غيري...أبغيه يتعود على كل الناس ويتودد لهم مثل اي ببغاء مدرب وجاهز للبيع (جابوا لنا واحد مدرب خوش تدريب بس مع الاسف مرض ومات :( )

اما هذا مزاجي ومب عارفه شلون صار جذي وشلون أحل المشكله...الكل قام يشتكي منه وانا الحين اكتب وانا مصدعه من صراخه >_>

[storm blue]

ماشاء الله
الطير جميل
اسمع ياخوي انا كان عندي مثل هذا ونفس حركاته بس شرية له استاند ورتاح فيه

ياساعدونك الاخوان اكثرر

[Xnx]

الله يخليه لك جيبلو ستاند وحطو بمكان يكثر فيه الناس

[Arashi]

تقصدون المشكله من القفص نفسه؟ يعني لازم أحطه خارج القفص يرتاح اكثر؟ @@

بس خوفي يتعود عالطلعه ولو غبت عنه كم يوم سفر يتعقد من القفص ويموت (نفس ببغائي السابق) ><

[Arashi]

نسيت اقول...حتى لما أطلعه خارج القفص يصارخ...بس انا ما أطلعه اكثر من 4 ساعات في اليوم لأنه مزعج >_>

[Xnx]

طيب اذا سافرت خلي احد من اهلك يطلعو على الاستاند
طبيعت البغبغاوات انها تصارخ حاول تعلمه تصفرات
لكي يخف صراخه موفق

[Arashi]

حاولت أعلمه...في البدايه لقط كم تصفيره...بس الحين مايسوي شي غير الصراخ ويرتجف من الخوف...مب فاهمه سبب خوفه...دايما أحط البال عليه وماجفت أحد يضايقه!!

والله تأذينا من كثر الصراخ وودي أسرع طريقه لحل المشكله...خاصة ان احنا مشرفين على رمضان وما بكون عندي وقت أدربه >_>

[Love kasko]

والله ما عندي خبره في الكاسكو بس اظن انه ضايق من القفص يا تجيبي له العاب تسليه ولا اطلعيه على الاستاند مثل ما قالوا لج الاخوان

وبالتوفيق يااااااااااااااااااااارب

[Arashi]

أعطيه ألعاب واطلعه عالستاند كل يوم...بس الصراخ يزيد -__-

[Xnx]

امكن عشان عمره صغير اصبري عليه
وحاولي تمسحي على راسه
وتاكليه من يدك

[Arashi]

هل العمر له دور؟
الصراحه هاذي اول مره اربي واحد صغير...أصغر شي حصلته كان 7 شهور وتروض في اسبوع ونص بس الدلع الزايد قتله ^^"


بس عندي سؤال مهم جدا...شلون أقدر أعوده على كل الناس بشكل عام؟ لأني ما أبغيه يعض غيري وابغيه يتوالف مع كل الاسره -__-

[FAHADnn]

اهم شي وخر الاطفال عنه , لانه الكاسكو اذا توتر خلاص المزاج يصير عصبي , والاطفال بطبعهم يسون عليه دائره ومن المعروف الكاسكو لاتخلي احد وراه وخصوصا اذا كان طفل لانه ملقوف ويمد ايده على الطير والطير يخاف ويتوتر وماراح يركز معاك واذا توالف معاك يتوالف مع الكل ولحق على عمر الطير هذا افضل عمر للتدريب والله يبارك لك فيه .

[Arashi]

الحمدلله ماعندنا أطفال أصغرنا عمره 17 سنه ^_^

يعطيكم العافيه النصايح...بنتظر أسبوع واطبق اللي قلتوه وان شاء الله خير
لو واجهت مشاكل بعد الاسبوع فتحملوني شوي ^^"

[سلطان الفضاله]

حسب المواضيع الي قريتها ان يبيله وقت عشان يأخذ على الوضع
و بعدين احسه في نشاط زايد و متضايق من القفص

و عطيه انواع اكل مختلفه كل يوم يمكن مزاجه يتعدل

[alsindrella]

على فكره هاذى الحركه معناها انه يريد الخروج من القفص
و انه محتاج شىء أكل او لعب مع صاحبه

عندى يسوى هالحركه لما يريد يخرج و لما يخلص الاكل و يكون محتاج ارتب و انظف القفص

و حرام هالجمال و هالعمر الصغير يضل محبوس بالقفص
يتروض و يصير أليف بساعه و مع كل الناس لو ضل خارج القفص

عوده الصبح يدخل القفص يأكل و يتشمس و اخر اليوم يدخل المنزل يلعب معاك خارج القفص
و عند النوم يدخل القفص او على الاستاند
اخلاقه حتتحسن و حتزول هالعصبيه
و الله معك

[Arashi]

يعطيكم العافيه جميعا

مع الأسف ماجفت أي تقدم...طلعته من القفص وجربت اسحب منه الصحن واعطي اكل بيدي (صار لي أعطيه من يدي اكثر من اسبوع)
صار ينفر مني أكثر وحتى الاكل ياكل لقمتين ويبتعد (قبل كان ياكل عادي) مع اني ما حاولت ألمسه أثناء الاكل عشان لايكره الفكره
اما اللمس فجربت طريقة القماش لكنها ابدا مافادت ولا زال ينفر مني

انا جدامي اسبوعين وماراح أفضى له ولا دقيقه قي رمضان...تظنون بشخصيته هاذي تدريبه بياخذ شهر؟ تنصحوني أبيعه أحسن؟
الصراحه ماقدر أشغل نفسي بشي في رمضان لأني بكون 24 ساعه مشغوله ولو وقفت تدريبه شهر كامل ما ينفع

[Arashi]

امممم سؤال اخر: هل يضر لو وقفت تدريبه في رمضان؟ يعني وقفت تدريب اللمس والاكل باليد وبس خليته خارج القفص عالستاند عادي بدون ما أسوي شي؟ ويكون طبعا أكله في صحنه وانا علي بس شوي اكمله واعطيه ألعاب

[حايلي111]

من ناحية الاكل ..عادي انا عندي كاسكو صار له قريب ثلاث اسابيع عندي ولا مره اكل من ايدي اهم شي وفر له العاب وحاول تتقرب منه باللمس والمسح ع الراس بطريقة لطيفة . وبطريقة حلوه وفعاله لترويض الكاسكو بسرعه وتغيير تصرفه 120 درجه مابغى اقول 180 درجه لكن بتلاحظ تغير كبير بسلوكه . وهي انك تضمه ببطانيه وتلحفه فيها مثل الطفل الصغير ماراح تصدق ردة فعله وتشوف كيف ينسجم وينبسط ويسمح لك تلمسه وحتى لو دخلت صبعك بافمه راح يدفع اصبعك بلسانه ولا يعضك كرر هالطريقه معه يومين كل مره من ساعتين لثلاث ساعات وراح تشوف الفرق واكيد لو تكررها اكثر راح تجيب نتايج احلا ع حسب تفرغك له,, وآسف ع الإطالة . وبالتوفيق ..

[Arashi]

مع الاسف جربت كل هالطرق ولا نفعت...جابت نتيجه عكسيه -___-
وتسلم اخوي ^^

[حايلي111]

لا تيأسي الكاسكو يتعلم بالنهاية ويتوالف خصوصاً ان طيرك صغير .., ماعليك راح يتغير بعدين وتتفاجئي كيف كل هالخوف والجعير راح بمجرد مايحس بالامان وينبسط ع الالعاب والاكل .., اهم شي اكثري من الالعاب .وطولي بالك عليه وبالتوفيق لنا جميعاً.

[Arashi]

انا ماعندي مشكله اطول بالي لو عندي وقت ^_^...بس وقتي ضيق وراح أوقف تدريب في رمضان @@...اذا الامر راح يطول ويمنع توقف التدريب في رمضان فالاحسن أبيعه...هذا سؤالي...هل أوقف تدريب عادي او أبيعه احسن؟ .... لأني فكرت لو بعته باخذ واحد كبير مدرب وجاهز بعد رمضان لأن احتمال أنشغل أيضا بالعمل
اسفه لو اكثر أسئله بس ماتوقعت ان هالطير مايتروض بسرعه...اللي شريتهم قبل أصغر واكبر منه خذوا اسبوع إلى اسبوع ونص بدون ما استعمل قماش ولا شي....هذا عندي 3 اسابيع والوضع يسوء >_<

[HAKOGYNNN]

شكله محسود اقرى عليه المعوذات

[Arashi]

ههههه لا منو يحسد طير؟ XD

[HAKOGYNNN]

جرب مب تخسر شي

[Arashi]

امممم تبي الصراحه ترى سويتها بعد ماشريته باسبوع...وحتى عطيته ماي زمزم مقري يشربه (لأنه قديم غير صالح لنا للشرب)
بس الظاهر مب عين...العيب منه هو -__-

[alsindrella]

الطير ما شاء الله عليه جميل و هادى بده حب و صبر
رأيى الاصلح لك و له تبعه حتى لا يكبر و يصبح شرش
و بعد رمضان ان شاء الرحمن اشترى غيره

[Arashi]

هو من الحين شرس ويتعمد يخرب في القفص ههههه
مشكور اخوي وكلامك ريحني...باذن الله اعرضه للبيع واشتري أحسن منه بعد رمضان ^__^
عالاقل تأكدت ان ما في فايده دام رمضان قريب وبنشغل عن تدريبه

شكرا لكل اللي ردوا على استفساري ^^

[HAKOGYNNN]

انصحك لو ماتبيعه اذا كنت متعلق بطائر حيللل

انصحك توديه حق مروض يروضه لك ارخص - وافضل

ويجيبه لك بعد الرمضان عال العال

[Arashi]

مروض يروضه؟
والله فكره...تعرف وين احصل أحد يروضه في قطر؟ @@

[HAKOGYNNN]

مروض يروضه؟
والله فكره...تعرف وين احصل أحد يروضه في قطر؟ @@

ايه مروض يروضه

لا والله بس انصحك تكتب موضوع مروض في قطر

يمكن واحد من الاخوه الي في المنتدى يعرف

[Arashi]

تسلم اخوي ^^
الحين اكتب الموضوع والله يعين ^_^