محتاج مساعدتكم

[طير المملكة]

السلام عليكم ورحمة الله وبركاته

كيف الحال ؟؟
يارب بخير وبصحة وعافية

المهم يالغاليين فجأة صارت عندي مشكلة كبيرة جدا جدا جدا
وهي ان في حشرة لونها اسود او بني غامق صغيرة منتشرة عندي في البيت بكثرة
في كل مكان وكل جهه كل شوي تلاقي منهم يمشون

البيت طابقين ومنتشرين تحت وفوق وتلاقيهم على السرير وحتى على الملابس
واحيانا انت جالس تحس بشيء يمشي على الرقبة تمسك الا واحده منهم
انا ما اعرف اسمها لامن
لو بنقارن شكلها هي نفس شكل الصرصور لاكن هو مو صرصور
نفس الشكل لاكن صغير جدا

والمشكلة انه يجيب الحك في الجسم
ويوميا رش مبيدات عليهم واقتل منهم الكثير لاكن شكلهم ما يخلصوا
انا راح اختنق من كثرة المبيد وهم ما راح يخلصوا

ياريت تفيدونا ما عليكم امر ايش الحل معاهم ؟؟
والف شكر

[طير المملكة]

للتوضيح الحشرة هاذي عموما تجي من الطيور
انا محصل مثلهم بالضبط قبل 5 شهور في عش الطيور
كانوا ما يخلون الطيور تبقى في العش

واعتقد سبب انتشارهم في البيت شيء واحد
اني يوم عملت تصفية للحشرات ونظفت قفص الطيور
نظفت العش بالمكنسة واكيد شفطت الحشرات
والمكنسة دخلتها البيت واظن انها ما تنظفت بعد العملية
اظن انهم خرجوا منها وتكاثروا وانتشروا

للأسف انا نسيت المكنسة واضطريت ابيع اغلى شيء في حياتي وهم
طيوري لاني ظنيت انهم السبب :(

[Octopus]

http://www.youtube.com/watch?v=uH4roWTUMoA

هل هذه هي الحشرة المقصودة ارجو منك الجواب :)

[بنت عمان]

اشتري لك حربآءءء تآكل لكك الحشرآت ذيُ ..

ياليت تصور لنآ الحشرة عشان نقدر نعطيك الحُلُ ..

وبالنسبة للطيورُ .. كيف قدرت تبيعهمم ..!؛

[طير المملكة]

http://www.youtube.com/watch?v=uH4roWTUMoA

هل هذه هي الحشرة المقصودة ارجو منك الجواب :)

هلا اخوي لا مب هذي الحشرة
انا حاولت اصورها لاكنها صغيرة ما تطلع عدله في الصورة

هذي الحشرة تطلع في عش الطيور تمنع الطيور من الجلوس على البيض
والله ناسي اسمها

[طير المملكة]

اشتري لك حربآءءء تآكل لكك الحشرآت ذيُ ..

ياليت تصور لنآ الحشرة عشان نقدر نعطيك الحُلُ ..

وبالنسبة للطيورُ .. كيف قدرت تبيعهمم ..!؛

بحاول اصورها

اما عن الطيور خليها على الله يالغالية
الاهل كلهم وقفوا ضدي وخلوني ابيعهم
وللأسف عندي كان كوكتيل اجواز نادرة
ومختارهم بيدي واحد واحد ومعتني فيهم
واجواز منتجة وانباعوا بأقل من نص سعرهم
الله كريم بس ما اقدر اقول شيء ثاني

[Octopus]

هلا اخوي لا مب هذي الحشرة
انا حاولت اصورها لاكنها صغيرة ما تطلع عدله في الصورة

هذي الحشرة تطلع في عش الطيور تمنع الطيور من الجلوس على البيض
والله ناسي اسمها


و حاول تصورها حتى لو هي صغيرة و في حشرتين يشبهان الصرصور


اهدهما هو البرغوث
http://www.youtube.com/watch?v=CDo6nSdEvaI


و الثاني هو المن

http://www.youtube.com/watch?v=rLtUk-W5Gpk

[طير المملكة]

والله يالغالي الثنتين مو هم الحشرات انا حاولت اصور لك
رغم ان الصورتين ما اظن انهم ينفعون
لاكن هذا كل ما قدرت احصله
http://up.m0dy.net/2012/m0dy.net-13425539911.jpg

http://up.m0dy.net/2012/m0dy.net-13425543031.jpg

ياريت الافادة

[Octopus]

الحشرة صغيرة جدا

[طير المملكة]

الحشرة صغيرة جدا

ايوه صغيره ومن حيث لا تدري تحس بدغدغة خفيييييفة الا وحده تمشي على رجلك او رقبتك

انا مو معورني قلبي على انتشار الحشرات كثر ما هو معورني على طيوري الي راحوا

بس بعد الحساسية ذبحتني الصراحة

[بائعة الور]

و الله صغيره بس جيب احد الشركات يرشون البيت

[حــلآا]

http://im24.gulfup.com/2012-07-19/134265996252.jpg (http://www.gulfup.com/show/Xs48df84f3k04g)

يمكن نوع من انواع الفمل

لازم شركه مثل ما قالت الاخت
والملابس و الفراش غسلوها و انشروها للشمس
والطيور لازم هي نفسها ترش بعلاجات
وتغير الاعشاش والاقفاص تغسلها بمبيديات خاصه او بقاز بس احرص الطيور تكون بعيده عن الريحه
حتى الاطفال وحتى ابعد اي شعله نار لو شراره
واشتري بودره بايقون بعد التنظيف من الشركه ورش الشقوق في البيبان والدرايش واي مكان قد شقتها فيه واتركه يوم لكن اكرر انتبه اذا في اطفال

طرق صعبه بس ما في حل الا كذا
والله يعينك