ابغى ابدا ادرب كلبي

[luffy228]

السلام عليكم

كلبي جيرمن كمل ثلاث شهور وابغى ابدا تدريبه اوامر الطاعه

بس المشكلة انه مزعج بشكل غير طبيعي
مزعج من ناحية لما يشوفني يظل يلعب على طول

واحيانا بشكل مؤذي مثل انه يهجم علي ويعضني كثير

حاولت ابدأ ادربه بس ما فيه فايدة كل ما احاول ادربه على امر يجلس يهجم علي ويلعب

وش الحل معاه
+
وش الاوامر اللي ادربه عليها تدريجيا

[ابن سورية]

ابدأ بتدرلايبة على مكان قضاء الحاجة واوامر الطاقة وبالنسبة لكثرة حركة الجرو فهذا الامر طبيعي لازال صغير وبيكون لديه طاقة زائدة افرغها له باللعب والمشي الطويل

[مجنون الجيرمن]

شوف يا صديقي في تدريبات كثيرة مره مره لا حصر لها
لكن خليني اسولف معك شويه
انت ايش يعني انت تبيه شراسه دلع اللي تبي طبعا يعتمد عليك
لك راح اسولف معك في تدريبات الطاعه وبالنسبه لحركة الجرو ابخليك تستفيد منها << كيف تخليني استفيد منها
بكل بساطه لمن تكون مع الكلب اول ما تشوفه العب معه واستانس شوي ووسع صدرك عشر دقايق سبع دقايق بعد كذا ابدا وقت الجد وقف وقفه عسكريه >>>> يا ساتر ههههههه
خلي الكلب قدامك وخلي معك شيء عشان تكافئ الكلب بيه خلينا نقول مثلا بسكوته او لحمه تري تقدر تكافاه بالاكل حقه مو مشكله يعني تدربه قبل لاتحط له الاكل بس مو دايما حاول تنوع بالمكافئات عشان ما يتعود علي نمط واحد
ندخل علي تدريبنا الاول >>>>>> لا تنسي الوقفه العسكريه ههههههه
قل للكلب اجلس او sit اللي تبي طبعا يفضل انجليزي احسن لك
طبعا بتلقي الكلب مو فاهم اي شيء ضايع
اضغط علي موخرة الكلب يعني اخر ظهره مره وانت تقول له اجلس طبعا اعيد الامر اللي تبيه لمن يجلس اعطيه المكافاة صدقني راح تكرر التمرين سبع عشر مرات خمسة عشر مرة وتلقي من اول ما تقول اجلس راح يجلس علي طول
خلك مستمر مع الكلب علي هذا التمرين الين تتاكد ان الكلب اتقنه ميه بالميه
تمرين ثاني داون يعني يجلس علي اربع ارجل <<<< اتوقع فهمتني
لمن تقول للكلب اجلس راح يجلس علي طول اعطه المكافاة وقل له داون واسحب ايدينه اللي قدام لحد ما يبقي جسمه علي الارض بالكامل ويدك بالمكافاه علي الارض اول ما يجلس كذا اعطه المكافاة علي طول احيانا في كلاب ترفض انها تجلس وتعاند يوقف علي طول انت خلك معاند <<<<<< عسكريه يا رجال لازم انت تعانده
وتخلي يدك والمكافاة داخلها هو بيحاول ياخذها باي طريقه انت اجلس كررله داون داون >>>> كان مسجل خخخ
واسحب يدينه وخله يرجع يجلس بالداون اذا شفته استقر علي الارض اعطيه المكافاه

باختصار كلامي شرح مبسط قسم التدريب راح تحصل منه اللي تبي بطريقه احترافيه


بالنسبه لحركته ونشاطه العب معه العاب كثيره اطلع اركض انت وياه يعني امشوا كثير
جيب قطعة قماشه وضايقه فيه شوي وارميها وخله يعضها ويلحقها واسحبه منه بخفيف <<< بخفيف عشان لا تطير راسه السكين ولا تطلع اسنانه ههههههههه


انا عن نفسي العب لعبه مره حلوة مع كلبي عمره خمس شهور اعطيه كوره صغيره او قطعة قماشه واحطها بفمه وبعدين اركض وهو ينحاش احاول اخذها منه بالعربي حبشه خخخخخخخخخخخخ
سعة صدر واشياء تقدر تستغل طاقة كلبك فيه

[luffy228]

يعطيكم العافية

انا بحاول فيه هالفترة
او بارسله لمركز تدريب كلاب
حصلت مركز يدرب بس يقولي لازم عمره 5 شهور

..
اذا تعرفون مراكز تدريب فالرياض ياليت تدلوني
لأن المركز اللي حصلته غالي شوي