قررت أشتري أصلة بورمية ولكن عندي استفسارات [الأرشيف]

عاشق عود

16-07-2012, 02:09 PM

السلام عليكم

يا شباب انا قررت اشتري اصلة بورمية
صغيره كلمت صاحبها وبعد بكره استلمها

وش أجهز لها
مع العلم اني في منطقة تبوك ما يتوفر فيها أحواض ومسلتزمات الزواحف

من وين أجيب لي حوض مناسب ؟؟

الشي الثاني وش أأكلها ؟؟
هامستر ووش غيره بعد لان ما ودي تبقا على شي واحد ودي اشكل لها
الشي الثاني لو اجيب لها سمان من المجمد اللي يباع في الثلاجات مذبوح وجاهز
هل بتآكله ؟؟ او اذا جبت لها كبده نيه

وهل ينفع أعطيها الأكل ميت ؟؟
مثلا لو عطيتها هامستر أخاف يعضها ولا يسبب لها مشكلة
ودي اقتله واعطيها تآكلها
واخاف اذا قتلته ما تآكله

واعذروني لكثرة اسئلتي لكن تعرفون الأصلة غالية
ومابي اشتريها وتموت عندي
ابي ادلعها آخر دلع

وعندي برضو سؤال عن الأنياب
هل لها انياب أو اسنان
واذا عضتني عضتها قوية ممكن تقطع عروق ولا عادي ما تضر

وشكرا لكم

ريان!

16-07-2012, 03:03 PM

وعليكم السلام

موب لازم حوض زواحف عادي اي حوض سمك
دامها صغيره لاتنوع خلك على الفيران البيضا الصغار عطها كم وجبه وبعدها ابدا بتأكيلها الصوص الصغير , السمان توها صغيره عليه , والهامستر مانصحك فيه لني اشوفه يعض كثير وممكن يأذي الثعبان
-
ينفع تعطيها الاكل الميت بس تقتله وتقدمه بوقته او تجمده .. ( لو تروح الفهرس بتلقا طريقة القتل والتقديم والتجميد من اخونا جاسم )
-
وبخصوص العضه لها اسنان بس عضتها عاديه وماتضر لكن اذا كبرت ممكن تضرك ..

عاشق عود

16-07-2012, 03:37 PM

ألف شكر أخوي ريان لتواجدك وافادتك
خلك على الفيران البيضا الصغار
للأسف مو موجوده بتبوك

ما فيه الا هامستر
وغالي بعد

أذا فيه طريقة اقدر اجيب بها فيران بيض علموني

واذا اي حوض عادي طيب وش اسوي بخصوص لمبة UV
برضو ما حصلتها

بلاك بيري

16-07-2012, 03:53 PM

اشتري ذكر وانثى فيران بيضاء وخلها تتكاثر هذا افضل حل لأن الأصلات لها القدره على الصبر على الجوع

ريان!

16-07-2012, 04:20 PM

مايحتاج لمبة uv , واذا موب عندك اللمبه هذي لازم تطلعها تتشمس , ومرتين بالاسبوع كافي
وبخصوص الفيران لو بتروح قسم البيع اتوقع بتلقا ناس يبيعون بالجمله , قبل كم يوم كنت شايف موضوع كذا ..

jassim99

16-07-2012, 05:33 PM

الاخ ريان ماقصر.... كفى ووفى

هذا الموضوع بيفيدك (موسوعة قتل الهامستر والفار)

http://2zoo.com/vb/showthread.php?t=232962

اما بالنسبه للهامستر ممكن تشتري ذكر و 3 نثاي وتنتج منهم بالبيت ولا تظطر للشراء

وبالموضوع راح تعرف اذا انتجت كيف تقتل وتجمد الهامستر وكيف تقدمه كوجبه للثعبان

بالتوفيق

عاشق عود

16-07-2012, 06:55 PM

اشتري ذكر وانثى فيران بيضاء وخلها تتكاثر هذا افضل حل
احسها صعبة
ما اتقبل وجود فيران عندي بالبيت

مايحتاج لمبة uv , واذا موب عندك اللمبه هذي لازم تطلعها تتشمس , ومرتين بالاسبوع كافي
وبخصوص الفيران لو بتروح قسم البيع اتوقع بتلقا ناس يبيعون بالجمله , قبل كم يوم كنت شايف موضوع كذا ..
طيب اي نوع من التشميس
وكم اتركها بالشمس ؟؟ ساعه ولا نص ساعه ولا ثلاث ساعات ؟؟
وتحت اي شمس
شمس الصبح والعصر ولا شمس القايلة !!
شفت المواضيع لكن للأسف بالرياض وانا بتبوك

الاخ ريان ماقصر.... كفى ووفى

هذا الموضوع بيفيدك (موسوعة قتل الهامستر والفار)

http://2zoo.com/vb/showthread.php?t=232962

اما بالنسبه للهامستر ممكن تشتري ذكر و 3 نثاي وتنتج منهم بالبيت ولا تظطر للشراء

وبالموضوع راح تعرف اذا انتجت كيف تقتل وتجمد الهامستر وكيف تقدمه كوجبه للثعبان

بالتوفيق

فعلا ما قصر الأخ ريان الله يعافية
ولا يهونون باقي الأخوان هنا كلهم تفاعلوا لهم جزيل الشكر والعرفان
والموضوع افادني والطريقه حلوه مع اني نهائيا ما افكر بسالفة التجميد مستحيل ادخل فار بالفريزر لو كان عليه الف طبقة عازلة
وفكرة اني اجيب ذكر وثلاث اناثي من الهامستر هذي حلوه وباذن الله اطبقها

ريان!

16-07-2012, 07:26 PM

حاضريين للطيبين ^.*

اخوي التشميس ساعه احسها كافيه , الاوقات شروق الشمس ولا الغروب , يعني يابعد الفجر ولا قبل العصر
وياعاشق لازم تتقبل اي شي وتتحمله دامك اشتريت ثعبان , وانا مستحيل امسك الفيران لكن غصب اربيهم

ريان!

16-07-2012, 08:11 PM

تعددديل : التشميس قبل المغررب

عاشق عود

16-07-2012, 11:11 PM

ألف شكر لكم وباذن الله بعد بكره تكون عندي ويا رب توصل بالسلامه

عاشق عود

16-07-2012, 11:13 PM

وياعاشق لازم تتقبل اي شي وتتحمله دامك اشتريت ثعبان , وانا مستحيل امسك الفيران لكن غصب اربيهم

يمكن في المراحل المتقدمة اربي فيران
اذا صار عندي مجموعة ثعابين وعندي مكان للفيران

لكن الآن انا مجرد مبتدي أول ثعبان أربية وبتكون عندي بالبيت

|| PyTHoN ||

17-07-2012, 12:05 AM

على اجواءنا ما اعتقد في فارق كبير الحين
جونا عالعموم تقريباً من الساعه 11 الى 3 العصر يكون حول الـ 48
الجو صراحةً إبداع :D

يفضل بعد هالوقت يعني قريب المغرب و مع ان الجو حار فشمسها مده
مو اكثر من ثلث ساعه ، ساعه كثير بهالجو ، لو درجة الحراره حول الـ 30
مافي مشكله تتركها مده ، لكن زياده الحراره بهالشكل تكون مضره لها ،

و بالنسبه للأكل مالك الا الإنتاج أو انك تدور أحد يبيع بالمنطقه الي انت فيها
غير المحلات ، المحلات لو ان عندهم ببيعون غالي بشوفلك احد ينتج منهم
لو انك مستبعد فكرة الإنتاج نهائياً ،

و الحوض يفضل يكون تفصال خصوصاً أنك بتاخذ بورميس ، احواض السمك بتاخذهم
ما يمشون معاك سنه ألا بتحتاج أكبر ..

و بالتوفيق ،

عاشق عود

18-07-2012, 01:28 AM

مشكووور بايثون
ومن ناحية الجو معك حق
طيب اش هي درجة الحرارة المناسبة للمكان اللي بأحطها فيه

ووين أفصل لها بيت . ؟؟
عند النجارين ولا عند محلات الألمنيوم ولا في ورش الحداده
وين يفصلون ؟؟؟

عاشق عود

18-07-2012, 02:07 AM

فيه برضو سؤال عن الاستحمام

لو احطها بحوض كبير مليان مويه
تغرق وتموت ؟؟؟ ولا تقدر تسبح !!

وكيف انظفهاا

|| PyTHoN ||

18-07-2012, 07:13 AM

الحراره لو تبي بشكل احترافي فتكون متدرجه
يعني جهه 31 النص 29 الطرف 27

لكن ممكن تعتمد درجة حراره وحده 28 و بتكون تمام ،

الحوض تفصله على راحتك نجار او اياً كان ، الخشب لو بتحطه
اخذ الي ضد الماي الي يستخدمونه للبنيان لونه اسود

يفضل انك تسويه مترين × متر عشان تريح نفسك و ما تفكر بالحوض

و عادي تقدر تسبح ما يصير شي ، حطها بالماي و خلها ،
و عالعموم ماعون الماي يفضل يكون كبير بحيث يكفيها تدخل فيه

.
.

عاشق عود

18-07-2012, 10:12 AM

أبشركم وصلت بالسلامه
ما شاء الله تبارك الله عسووله ونظيفة

واول ما وصلت روشتها في حوض حطيت مويه معتدلة لا حارة ولا بارده
ونشفتها
وحطيتها مؤقتا في قفص خشب وأسلاك ( قفص ارانب ) طوله متر و 20 تقريبا
حطيت لها مخبأ كرتون قلبته على وجهه وفتحت فيه باب
وحطيت لها علبة موية تقريبا 40 او 50 سم بس عميقة شوي
والأرض مفروشة جرايد

الحين كلش تمام
بس باقي ناقصني اشوف حل للأكل
صاحبها يقول لو عطيتها أكل ميت ما تآكله
ويقول لا تعطيها هامستر لانه بيعضها عطها فيران
وانا مبتلش ما عندي فيران

وحجمها صغير مررره ما بتقدر تآكل غير الحاجتين هذي

قاعد افكر القى طريقة ادوخ الهامستر ادخله عليها دايخ علشان ما يعضها

ريان!

18-07-2012, 12:10 PM

ماشاء الله مبرووك

ليه ماتاكل الميت ؟
تاكله اكيد واي ثعبان ممكن انه ياكل بس اذا قتلته بوقته , لن الدم يكون توه حار + الريحه .. يعني كنه مامات بالنسبه للثعبان
لكن اذا كان ميت من اول اكيد ماراح تاكله ..

ولو بتدخله حي حاااول تجيب شي على قد حجم الثعببان , لني قد جبت اكبر منه بشوي وعض الثعبان لين قال بسس , واذا انعض بيخاف من الهامستر وماراح ياكل لمدة كم يوم , والهامستر بيموت ..

عاشق عود

18-07-2012, 12:58 PM

والله مدري انا قلت لصاحبها باعطيها هامستر قال لا بيعضها
قلت بأقتله وأعطيها
قال لا لو قتلته ما بتآكله

لني قد جبت اكبر منه بشوي وعض الثعبان لين قال بسس
والله لو أعطيها هامستر ويعضها لألعن سلسبيل اهله
من الوناسة مواصل لي يومين http://www.2zoo.com/vb/images/smilies/biggrin.gif

طيب وش ناصيحكم من ناحية اللعب بها وشلشلتها
لأني أزعجتها من يوم جات ما نزلتها من يدي
صارت زي المسبحه

وكم ساعه تنام باليوم
ومتى تنام بالليل ولا بالنهار

اعذروني ازعجتكم وكثرت عليكم اسئلة
لكن توي مبتدئ في التربية واخاف اغلط غلطه وتكلفني اصلتي

وفيه برضو سؤال
سمعت اني اذا شلتها بعد الأكل بترجع الأكل اللي أكلته
طيب كيف انقلها للبيت ؟؟؟

لاني مابي اعودها تآكل داخل القفص ( قريت نصيحة بالنت تقول لا تعودها تآكل داخل القفص )
ابيها تآكل برا

ريان!

18-07-2012, 01:14 PM

بالعكس احسن شي انك تعودها على الحمل من يوم هي صغيره لن اذا خليتها كثير بالحوض بتصير هجوميه
سالفة النوم ماعرف والله لكن ممكن وهي نايمه تشيلها مافي مشكله
لكن انتبه اذا بدا يغمق لون الجلد , لاتشيلها ابد .. لن هذي المرحله تقشر جلدها وتكون متوتره , وتكون هجوميه اكثر , يعني لاتشيلها ولاتعطيها اكل بالمده هذي

بعد ماتاكل بعشر دقايق شلها مافي مشكله ماراح ترجع الاكل .. ومافي مشكله بعد لو اكلتها داخل الحوض (لني قريت بعض المعلومات هنا وللأسف صارت خاطئه)
(لن السبب اللي قالوه ان ممكن تهجم عليك اوقات ماتجي تعدل الحوض وتحسبك فار او شي زي كذا)
هالشي ممكن يكون صحيح بحاله وحده , ان ريحه الفار تكون بيدك ^^

عاشق عود

18-07-2012, 02:07 PM

معلومات جدا مفيده

شكرا لك ريان ما قصرت
ومن ناحية الاكل

جاني فكرة أربط رجول الهامستر وايديه
علشان ما يتحرك من مكانة ويكون عايش
بس اخاف الحبل ينفك مع الهظم ويسوي لها مشكلة بالهظم

وهي تتصرف

عاشق عود

18-07-2012, 03:03 PM

طيب يا شباب درجة حرارة الغرفة عندي 28

وحاط علبة مويه عند الأصلة بالقفص
ولكن جيت احط اصبعي بالمويه لقيتها بارده

اخاف تسبب له مشكلة بسبب برودتها

ريان!

18-07-2012, 03:26 PM

ههههه لالا كذا ماينفع ابد وبتاكل الحبل , ولو عدت على خير .. بتربط الهامستر كل مره ؟
الحل الوحيد انك تقتله , ... بس سؤال كم سعر الهامستر عندكم ؟

وبالنسبه للبروده شي طبيعي المويه تكون بارده ومو كل ماتصير بارده تروح تغير المويه , كل ماحسيت انك تبي تسبحها حط مويه دافيه وحط الثعبان فيه , وراح يعجبه الوضع ويبقى في المويه ^^ ,, وهي اصلن ماراح تجلس في المويه اذا بردت يعني لاتخاف , بس ممكن تشرب ...

عاشق عود

18-07-2012, 07:23 PM

سعر الهامستر 60 للحبة
وشفت في اعلان لواحد يوفر فيران بيضاء يقول الزوج ب 15

يا بلاش

احس اغلب وقتها نوووم
من يوم ادخلها القفص تلتف على نفسها على شكل دائرة وتنام
ولا شفت طلعت او تحركت
الحراره بالغرفة 29 والرطوبة 34

مدري اذا كان كسلها بسبب الحراره والرطوبة
او يكون بسبب الجوع

او هي كذا عادتها

ريان!

18-07-2012, 08:29 PM

عادتها كذا ^
لمن تكون بالحوض اغلب وقتها نايمه , لمن اطلعها تكون نشيطه ^

الهامستر غااالي جدا وقد شفت واحد بقسم البيع يبيع الحبه على 10
اما بالنسبه للفيران رخيصه جداا لكن بصعوووبه تلقاها , خاصتاً انك بعييد عن الرياض ..

معلومه اضافيه بس , اذا تبيها تكبر بسرعه لاتحدد لها يوم للأكل , ..
اذا اكلت ووصخت بعد كم يوم وانت بكرامه , اكلها من اليوم الثاني
اذا كملت خمس ايام وماوصخت حطها بمويه دافيه واتركها , هالطريقه سويتها والحمدلله وصخت بوقتها ^^ ,

عاشق عود

18-07-2012, 09:28 PM

يا سلام عليك يا ريان
والله استفدت منك فائدة عظيمه ما شاء الله عليك
خصوصا المعلومات الاضافيه هذي معلومات ذهبية

وأحس اني طفشت أهل القسم بموضوعي :shy:
ما شاء الله ثلاث صفحات :D

اليوم ما بحط له اكله بما انه اول يوم له عندي
من بكره ان شاء الله أبدأ مشروع التسمين :88:

ريان!

18-07-2012, 11:16 PM

تستاهل موضوع كامل يالغالي

بالتوفيق .. ^.^

jassim99

19-07-2012, 12:04 AM

ماشاءالله الاخ ريان بدع

بس عندك يا ريان 3 معلومات خطأ :-

1_ بعد الوجبه ب10 دقائق ممكن تشيلها..... (الصح انك ماتلمسها ولا توترها لمدة يومين من الوجبه... ثاني يوم ممكن تشيلها ولا بترجع)

2_ وضع الوجبه في حوض الثعبان خطأ وبعطيك سببين:-

*_ نلاحظ ان الثعابين الي يتم تغذيتها بالحوض اول ماتطلع من كهفها تنظر لي فوق (تتوقع وجبه)

*_ كثير من الثعابين الي تتعود عالاكل بمكان معين ترفض الاكل اذا نقلتها مكان ثاني وهذي شغله سلبيه لانك تبي الثعبان تكون شهيته مفتوحه بكل مكان وبكل وقت

3_ التشميس لمدة ساعه يقتل الثعبان.... من10 الى 15 دقيقه انت بالسيف سايد ماكسيمم مثل ماتفضل اخوي بايثون 20 دقيقه لكن يفضل اقل لتفادي الخطوره

--------------------------------------------------------

اما بالنسبه للي باعلك الثعبان يقولك ماياكل ميت قولله استريح.... انا اجمد فيران لمدة شهرين و3 شهور و اقدمه لهم وياكلون لو اتبعت الخطوات الي انا شارحها بالفيديو

--------------------------------------------------------

وبالنسبه للقفص الي انت حاطها فيه غير ملائم وغير صحي بتاتا وعرضه للكثير من الامراض

عشان كذا دائما ننصع المربين المبتدئين بتهيئة المكان المناسب قبل شراء الثعبان

وتعبك راحه يالغالي هذا القسم مخصص للسؤال والجواب

و احنى حاضرين باللي نقدر عليه

بالتوفيق

ريان!

19-07-2012, 02:19 AM

عاشق عود

19-07-2012, 12:49 PM

اليوم وقبل شوي سلمتها اول وجبة
وكانت فأر صغير

نزلته عندها حي وكانت خايفة منه
ملعون الأم عضها عضة قوية انا كان بيدي حديدة فلقته فلقه قسمة راسه نصين
المهم اكلته وبلغته وكل شي مشى تمام

ولكن يوم وصلت عند الذيل باقي شوي من الذيل طالع برا
قامت ترتجف وتتلوى بطريقة غريبة
حسيت انها بتموت من الرجفه والتلوي اللي تسويه

على طول شلتها وطلعتها برا الكرتون حطيتها على جرايد
وجلست اقلبها بايدي حتى خفت الرجفه ودي ترجع اللي اكلته حسيته سبب لها مشكله
كنت افكر اسحب طرف الذيل علشان اطلعه بس خفت اقتلها

المهم تركتها على حالها وجيت اكتب الرد هذا

عاشق عود

19-07-2012, 01:13 PM

توصل بالسلامه و تقدر تأكلها مع مرور الوقت صوص بس لا تشوفها و هي تاكله حي ترراا يكسر الخاطر
الله يسلمك

ما عليك بأغمض عين وافتح عين :D

jassim99

19-07-2012, 03:38 PM

بالنسبه للمعلومه الاولى والثانيه

الاولى اخذتها من واحد خبير وربى ثعابين من سنين , وهذي ماشي عليها انا واشيلها بعد الاكل بعشر دقايق مافيه ايت مشكله وماترجع الاكل ..

الثانيه برضو اخذت المعلومه منه والوجبه ااكلها بالحوض , لكن ممكن تكون صحيحه ..
لني مرات ابحاول افك الحوض من فوق اشوفها موصله راسها عندي وتحاول تهجم , لكن لمن افتح السقف تكون طبيعيه جدا وبرضو اوقات تهجم من ورا الحوض , لكن هالشي ممكن يكون لقلة الحمل
لكن اارجع واقولك يااجاسم الثعبان ذكي ويمشي على الرائحه ,
وانا اوقات اطلعه واوقات اعطيه الاكل , واحمله اكثر من اني أعطيه الاكل , يعني اكيد راح يتعود على الحمل اكثر من الاكل

ووممكن تكون كل معلوماتي خاطئه لني مامتلك الخبره اللي تمتلكها ياجاسم ..

اخوي الغالي ريان

انا ما اقصد اني اغلطك بالعكس شي جميل انك تجمع معلومات عن شي تحبه

و ايضا ماقلت انك ماتقدر تربيها على هالطريقه الي ذكرتها

وخلني اقولك شغله.... مو شرط شخص يربي ثعابين من سنين اصبح خبره ولا الكبير بالعمر خبره

الخبرا الي ياخذ معلوماته من مصادر موثوقه + يطبقها ويتأكد منها ثم يعطيك المعلومه <<< هذا الخبره

عموما احنى مانبي الثعبان يعيش وبس.... احنى نبيه يعيش بأفضل حال وصحه

و انا كل الي قلته لك علشان تكون بالسيف سايد

مرو علي ثعابين كثيره في منهم ماكان يرجع لو حملته على طول لكن اغلبهم كانو يرجعون

اما بخصوص صاحب الموضوع المفروض انك ماتوكلها وانت توك جايبها جديده

المفروض اولا تضبط الحوض المناسب ودرجة الحراره والرطوبه المناسبه وتحطلها كهف وخلها يومين او ثلاث ايام

و من تطلع من الكهف لحالها تقدملها الوجبه اما توك جايبها وتعطيها وجبه.... زين منها كلت

و ابي منك شغله.... ادخل على المواضيع المثبته بالقسم واستفيد منها و اي شي يواجهك اسألنا و احنى بالخدمه

بالتوفيق

عاشق عود

19-07-2012, 04:46 PM

يعني انا استعجلت
ما عليه وجبه خفيف

نقنقه بس

بس اللي محيرني الرجفه اللي جاتها وقت البلع
وتتلوى بشكل غريب
http://im24.gulfup.com/2012-07-19/1342705638421.jpg

فيه هذا الوقت كانت ترتجف
قبلها كانت تبلع بشكل طبيعي
ولاحظوا رجل الفار كيف بارزه
قلت ممكن تكون هي السبب

ريان!

19-07-2012, 08:26 PM

ههههههههههه الله يهديك خربت عليها اكلها خلها ترتجف براحتها
انت المفروض تفر اليوتيوب كله وتشوف كيف يأكلون ثعابينهم , حتى تكون عندك خليفه عن الموضوع
وماتتفاجئ بحركه نفس الارتجاف , لن هذي اخر اللقمه لازم ترفع راسها وترتجف شوي حتى تسحب الوجبه لداخل
وبخصوص الرجل الي طالعه عاددي ماتوقع رجل فار صغير بتأثر على ثعبان زي كذا , بس اهم شي بلعته ؟
وحاول ماتتدخل الا اذا صار فيه شي متعلق من الارض ..

وبالعافيه على المدام .. ^.^

عاشق عود

19-07-2012, 09:26 PM

الله يعافيك
ايه الحمد لله بلعته
الرجفه خوفتني صراحه
وشلتها وطلعتها من الكرتون

وكملت بلع على جريدة على الأرض
وبعد ما بلعته دخلت تحت الجريدة خليتها زي ما قلت لي عشر دقايق

وبعدها شلتها وحطيت لها موية ودخلت وجهها بالمويه ابيها تشرب علشان يسهل عليها الهضم
بس عيت ما تشرب
فرجعتها بالشبك حقها ودخلت بيتها تنام

وتركتها يمكن ابو اربع ساعات او خمس
ورجعت فتحت عنها وطلعتها ابيها تمشي علشان تهضم
خليتها تآخذ فره
وحاولت فيها تشرب وعيت
والحين رجعتها بالبيت مره ثانية ودخلت المخبأ حقها ونامت

اما اليوتيوب دورة مقاطع لأصلات صغار زي اللي عندي وما حصلت
كلها كبار واغلبهم يصور الهجوم بس ويوقف
ما اشوف البلع بالكامل

ريان!

19-07-2012, 09:42 PM

اذا حطيتها بالمويه وطلعت منه لاترجعه لها غصب
لاتخاف من سالفة المويه اذا اكلت وجبه راح يكون فيها مياه اكيد وبتستغني عن الشرب وقتها
وبالنسبه للهظم خلها تهظم براحتها المشي ماراح يفيدها هي تججلس في البيت عشان تهضم على رواقه P:
بتلاحظ بعد ثلاث ايام تقريبا بطنها تحسه فاضي لكن بتشوف اخر الذيل ممتلئ شوي , ذاك الوقت حطها بالمويه وان شاء الله توصخ
.. حاول انك ماتشيلها كثير الايام ذي
اما المقاطع خلاص ماضن تحتاج الحين لنك شفتها قدامك وعرفت وش تسوي :)

عاشق عود

19-07-2012, 10:57 PM

ايه ابشرك اكتسبت خبره ولله الحمد

وعقبال ما يصير عندي تشكيلة واسعه من الثعابين
بس ان شاء الله أحصل وظيفة وازبط نفسي باحلى تشكيلة

وبحكم ان الأسواق عندنا هنا سيئة لأبعد درجة
فيه ثلاث حاجات بأطلبها من النت للأصلة
وحبيت آخذ رايكم قبل لا اطلبها
هل هي جيدة او لكم عليها ملاحظات او مالها داعي اساسا
او غير مخصصه للأصلات لاني بالانقلش مش ولا بد

http://www.amazon.com/Zoo-Med-Combo-Fixture-Black/dp/B003F6XW56/ref=sr_1_3?s=pet-supplies&ie=UTF8&qid=1342727125&sr=1-3&keywords=zoo+med+lamp

http://www.amazon.com/Zoo-Med-Night-Reptile-Combo/dp/B00361KX4I/ref=sr_1_25?s=pet-supplies&ie=UTF8&qid=1342727193&sr=1-25&keywords=zoo+med+lamp

http://www.amazon.com/Reptology%C2%AE-Reptile-Hygrometer-Humidity-Temperature/dp/B0042524XK/ref=pd_sim_petsupplies_29

الحوض بأفصل لها تفصيل الطول مترين العرض 70 سم الارتفاع نص متر ( أحسه كبير بزياده )
وبأحط فيها فتحات تهوية اخرمها بالدريل من اليمين واليسار
سقف الحوض هو اللي بيكون يفتح والواجهه مقفله بالقزاز

كذا تمام ولا لكم ملاحظات ؟؟؟؟

صورة صورتها اثناء البلع :D
http://im25.gulfup.com/2012-07-19/1342728088811.jpg

ريان!

19-07-2012, 11:36 PM

الاشياء اللي بتطلبها اضائه مخصصه للزواحف وهالشي ممكن فقط يخليك ماتشمس الثعبان
يعني ماتوقع يستاهل انك تطلب واللمبه ماتجي نفس اضائه الشمس وفايدته
اشتر لمبه من محل الكهرباء بعشر ريال فقط للمنظر لني اشوف الاضائه ذي غاليه مره
ومااتوقع بعد انك راح تتعيجز على تشميس ابو ربع ساعه
والشي الثاني حق درجة الحراره والرطوبه , اتوقع هذي متوفر بالمحلات , ولو تاخذ درجة حراره لحاله بس احسن
درجة الرطوبه مايحتاج , انت فقط احرص على بخ المويه يوميا , مرتين او ثلاث ع الاقل .. وبتكون الرطوبه كويسه
...
قياسات الحوض مناسبه جدا

وبخصوص الصوره حلوه ماشاء الله ,
لكن الفار شاريه ولا وش ؟
لن هذي الفيران احسها اوصخ من البيض + تقاوم اكثر من البيض بعد وانت قلت فوق انها عضت الثعبان
البيض يستسلمون بالراحه P:

عاشق عود

20-07-2012, 12:40 AM

كلامك جميل
صدقت اشمسها بشمس طبيعيه افضل لها صحيا

بخصوص الفار
امس رحت السوق ابي اشتري لها هامستر قال لي السوداني الحبه ب 70
وسألته عن الفيران قال ما تحصلها هنا
وكان معي واحد من الشباب قال تبي فيران ؟؟
قلت ايه
قال بسيطه عندنا مستودع مليان بأجيب لك منه
قلت أحسن ما بتسوي
وفعلا جاني اليوم الثاني بالفار الصغير هذا
وكان شرس جدا
وانا شايل بيدي حديده احتياط
اول ما نزلته عندها خافت ونحاشت منه
ولحقها هو وعضها عضة قوية << حسيت بالمسكينه

يوم شفته عظها على طول بالحديده على راسه حسيت جمجمته انطحنت

يوم مات هي بدت تقرب منه شوي شوي
والتفت عليه ببرووود واكلته ببرووووووود

كان نفسي اشوفها شرسه تهجم عليه وتلعن خامسه
لكن زين اني لحقت عليها ولا بيكون هو لعن خامسها

وتوته توته خلصت الحتوته :rolleyes:
اتمنى انكم استمتعتم بالقصة :D

jassim99

20-07-2012, 12:47 AM

هذا الوحيد الي ممكن ينفعك لو كان سقف الحوض شبك

http://www.amazon.com/Zoo-Med-Combo-Fixture-Black/dp/B003F6XW56/ref=sr_1_3?s=pet-supplies&ie=UTF8&qid=1342727125&sr=1-3&keywords=zoo+med+lamp

لكن شوفه بمحلات لوازم البيت او لوازم العائله يمكن تحصله بدال ماتطلبه

وهو مجرد هولدر للمبه

بالنسبه لنا متوفر بالكويت

عاشق عود

20-07-2012, 01:31 AM

بصراحه للحين ما بديت في تفصيل الحوض
لاني ما ادري وين افصل

عند نجار ولا عند محلات المطابخ ولا عند حداد
مدري من اللي يفصلونه

وهولدر اللمبه موجود ومتوفر
وكلام الأخ ريان صحيح بآخذ لمبات عادية وانا بشمسها

|| PyTHoN ||

20-07-2012, 05:38 PM

يلا عالبركه و بالتوفيق انشالله ،

اممم شوف ياخوي وين تفصل هالشي راجعلك بالأخير الحوض لك
ممكن تسويه بنفس الي يسوونه للمطابخ بس بيطلع عليك غالي
و ممكن تسويه من خشب بيطلع ارخص معاك ، لكن تذكر الخشب
الي ضد الماي عشان لا تنسى الرطوبه ،

القياسات حلوه بالنسبه لك للحين بس ، 70 سانتي عرض شويه راح يصير

فعندي أقتراح لك

سوولك حوض حجمه عادي تمشي فيه سنه بعدها سوولك العود لو انك شايف
انه مترين × متر بيكون كبير عليها ، و فعلاً كبير عليها :D

أنا سويت 175 × 90 للي عندي اكثر من طابق بالأخير تحسفت ألحين صغير
لو اني بالبدايه خليته كبير كان أحسن الحين انا بسوي ثاني و بخلي الصغار
ياخذون مكان الكبار -_-

فـ مثل ما قلتلك بالبدايه سو حجمه عادي على قدها و بعدها لي كبرت ضبطلك
الدائم أحسن ..

و بالتوفيق ..

عاشق عود

21-07-2012, 01:01 AM

يا شباب أمس أكلتها فار
وبعد ما اكلته اختفى ببطنها لأنه صغير
واليوم ما طلعته وانتوا بكرامه

طلعتها من الحوض وحطيت قدامها سمان
وكان كبير مررره عليها ضعف حجمها ثلاث مرات ما توقعت تقدر بتآكله ولا توقعت بتحاول
ولكن اكلته بالكامل ولله الحمد ولاحظت على الفك فيه دم اعتقد انه منها

والحين بطنها واارم من السمان
والمشكلة الفار اللي امس باقي ما طلعته

هل كل شي طبيعي ؟؟؟؟؟

ومع الورم الكبير اللي ببطنها
كيف اقدر اشيلها بدون ما أذيها
ودي ارجعها للحوض تنام وتهضم هناك

ريان!

21-07-2012, 05:49 PM

الله يهديك بس انت تأكلها كل يوم ؟

الثعبان ماينفع تعرض لها اكل الا بعد ماتوصصخ الاكل اللي فات .. وانت عرضت عليها فار واليوم الثاني عطيتها سمان
الثعبان ماتوصخ الا بعد خمس ايام او اكثر بشوي .
السماان توها عليه وقلت لك باول رد الا اذا كان صغييير مره وقريب من حجم الثعبان ..
شلها بس حطها بالحوض وخلهاا لاتجيها , عشان تاخذ راحتها .
ولو بكل وجبه تعطيها فارين كافي , وبتشوف بطنها منتفخ ..

وانتبه المره الثانيه تعطيها شي اكبر من حجمها ,, لاحق على السمان اذا كبرت :)

عاشق عود

22-07-2012, 02:27 AM

ياخي ابي اسمنها

للأسف يا ريان للحين ما وصخت هذا ثالث يوم للفار وثاني يوم للسمان
وتركتها بالحوض حطيت عندها مويه وحطيت لها مخبا ومن امس وهي فيه ما تحركت
كل كم ساعه افتح عنها ادقها باصبعي اتاكد انها حية اذا تحركت قفلت عليها ومشيت

بأنتظرها حتى وتوصخ
والسمان زي ما قلت لك ما توقعتها بتآكله
قلت بشوف ردة فعلها بتهاجم ولا بتنحاش

لاني احسها خوافة ودي تصير شرسة

واما الحوض رحت محلات الأسماك ما حصلت عندهم شي مناسب
رحت ابي افصل لها في محلات المطابخ قالوا لي ب 1300
وانا اشوفه غالي ودي بشي ارخص

باقي بتكلفني الملحقات حقته والديكورات

بلاك بيري

22-07-2012, 03:16 AM

ماشاءالله تبارك الله

بخصوص ما تفضلت انا اقول انه مو مشكله ان الثعبان ما وصخ مباشرة ثاني يوم اصبر عليها انا اصبر على اصلتي اسبوع وبعدها احطها بالماء تتسبح وتخرج كل ما في بطنها من اوساخ بعدها انظفها وانشفها واقدم لها وجبتها وهكذا انت اصبر عليها اسبوع على الوجبتين ولا تعطيها شيء الان

بخصوص التسمين نقول انه الأصله لا تسمن بسبب كثره عدد الوجبات انما تسمن بناءا على نوعيه الوجبه والوجبه ان كانت قوارض فهي جدا ممتازة افضل من الصوص والسمان والبط وغيرها

تحياتي

ريان!

22-07-2012, 03:32 AM

انت كذا تمرضها ماتسمنها , التسمين كذا طريقته تأكلها بعد ماتوصخ + تنويع الاكل ,, هذا الطريقه الوحيده للتسمين ^^
ولازم يكون عندك صبر شوي , عادي تحمل :D

|| PyTHoN ||

22-07-2012, 04:16 AM

على فكره ترى حتى الثعابين تصاب بالسمنه ،
الأكل الزايد عن اللزوم يكون ضار !

و بحالات ممكن تموت بسبب انفجار المعده و خصوصاً
مع الصغار ، الكبار عادتاً ما تكون مشكله كبيره لهم

وكلها وجبه وحده فقط كل 5 - 7 ايام

مو شرط توصخ ، عندي بعضهم كل اسبوعين مره يوصخون
و بهالأسبوعين يكون أكلو وجبتين !

فمو شرط توصخ معاك بعد يومين او ثلاث !

انتبه لهالمشكله ممكن تضيعها منك بسبب الأكل ..

بالنسبه للحوض انا سويت كبير من خشب + الإضاءات
+ باب حديد مثبت فيه زجاج للواجهه و الأغراض ..
و ثلاث طوابق كله تكلفته مو اكثر من 800 ريال تقريباً

لكن التركيب أحنا الي ركبناه فمادري كم بياخذ منك
لكن المفروض مو اكثر 200 يعني خصوصاً انت بيكون
كأنه صندوق مافيه اي مشكله ..

و بالتوفيق ..

عاشق عود

22-07-2012, 04:31 AM

اي والله صدقت يبي لي صبر
انا مستعجل ابي أسمنها علشان أأكلها ارانب وبساس

وشكلها باقي مطوله
بطنها زي ماهو ما خف
باقي منتفخ بسبب السمان
حسيت انها بتجلس شهر تهضمه

http://im17.gulfup.com/2012-07-22/1342920348131.jpg

طيب يا اخوان شاركوني بأفكار او بحل لمشكلة الحوض
انا متوهق فيه الحين
نقلتها من شبك الخشب وحطيتها في علبة بلاستيك كبيرة زي اللي اشوف باليوتيوب
وودي لها بحوض كبير يصير سكن دائم لها
ما فيه الا تفصيل ب 1300
واشوف انه غالي ودي بشي ارخص

عاشق عود

22-07-2012, 04:35 AM

بالنسبه للحوض انا سويت كبير من خشب + الإضاءات
+ باب حديد مثبت فيه زجاج للواجهه و الأغراض ..
و ثلاث طوابق كله تكلفته مو اكثر من 800 ريال تقريباً

يا حلاوه
وين القى زيه هذا
مو مشكلة انا اركبها بس من وين سويته

انا رحت لمحلات تفصيل المطابخ
أقلهم قالي 1300

بلاك بيري

22-07-2012, 12:46 PM

ابحث اكثر عند النجارين

بعدين انت ليه مستعجل على السكن الدائم ترى ان تم اهمالها في سكنها تصبح جدا متوحشه

انصحك بأن تتدرج معها في الأخواض انت الان خليتها بحوض كبير لما ان شاء الله تكبر ويصير الحوص كبير عليها وقد يستغرق ذلك سنه او اكثر

عندها يكون ربي يسرها عليك ولقيت واحد يبيعله حوض او لقيت من يفصلك حوص بأرخض من كذا

ها رئيي واتمنى ان يكون قد افادك

موفق بكل خير