ستفسار بخصوص اضاءة الحوض للأصلات

[عاشق عود]

السلام عليكم ورحمة الله وبركاته

يا اخوان اعتقد الكل هنا عارف قصة حياتي مع الأصلة
المهم

فصلت لها حوض زجاج << زي احواض السمك
الطول متر ونص
العرض 50 سم
الارتفاع 50 سم

وش رايكم هل هو مناسب ؟؟؟؟

السؤال الثاني واللي عشانه فتحت الموضوع
الاضاءه
انتم عارفين الحوض زجاجي بالكامل يعني ما فيه امل افتح فتحه وعلق اللمبة فيها
ومابي احط اللمبة جوا اخاف ترفع درجة حرارة الحوض وتسبب مشكلة للأصله

خصوصا ان عندنا كهربائيين محترفين
ما يعرف الا يقطع السلك ويشبك اللمبه فيه
اقله وين المكثفات ووين شغل الدوائر الكهربائية قال ( هذا اذا ما فيه شغل انتا رجع )

ادري انها بتشتغل لكن اللمبة بتطبخ داخل الحوض

ما علينا
المهم بخبراتكم افيدوني بخصوص اللمبات
كيف احطها او افكار حلوه للاضاءه

مع العلم انا مهتم جدا بالمظهر
مظهر الحوض ابيه يكون رونق وجميل ( ركزوا على رونق )

[ريان!]

مافيه فتحات تهويه بالحوض ؟

[عاشق عود]

الا فيه
فتحات صغيره عشان ما تطلع منها الأصلة ( ان شاء الله ما ينسونها اليمنه )
وفوق زجاج سحب علشان افتح واقفل ووصيتهم يحطون عليه قفل بمفتاح


بصراحه احيانا اتحسف اني فصلته
اقول لو فصلت المنيوم كان افضل من ناحية منظر ومن ناحية سهولة في التعامل معه

لكن القزاز يبي له حرص واحسه قلق
بس اغراني السعر فصلت الحوض الزجاج ب 600 والامنيوم قالوا لي ب 1300
والنجارين رفضوا اللي يقول مشغول واللي يقول انا ما يسوي
وواحد منهم نشبت ليه كلكم نجارين وما تصلحون دولاب صغير
قال ( انا اسوي دولاب صغير انا ما فيه فايدة انتا يبقا قرفة نوم دولاب كبير انا شقل ما فيه مشكلة )

وبصراحه انا ما رحت الا محلات الأثاث
ما لقيت نجارين بسطاء وان كانوا موجودين ما ادل مكانهم

[بلاك بيري]

انا اشوف ان المساحه ممتازة لكن ما فهمت موضوع الأضاءه بشكل جيد بعدين ان كانت اصلتك بورميه ه ما تحتاج الأضاءه بشكل اساسي الا يمكن في فترات الشتاء انت تحتاج المخباء وتحتاج المشرب وتحتاج ارضيه ممكن ان تكون جريده وممكن ان تكون اوراق او مناديل او حتى اعشاب اصطناعيه ولا ننصح بنخاله الخشب او الرمل للأصلات البورميه


تحياتي

[عاشق عود]

المخبأ والمشرب امرها بسيط
الأرضية لا زلت ابحث عن اللي يبيعون عشب صناعي
وما لقيتهم

رحت محلات الأدوات الزراعية قالوا لي تلقاها في المشاتل
رحت المشاتل قالوا لي ما عندنا الا طبيعي اذا تبي نزرع لك

ولا ادري وين احصل العشب الصناعي ( مشكلة المناطق الصغيره )

والأضاء الهدف منها جمالية للحوض وهذا المهم
وبرضو تعطي الأصلة جو رومنسي بدال نور البيت الأبيض الممل

[|| PyTHoN ||]

درجة الحراره مضبوطه ولا لا ؟
لو انها تمام حطلك لمبه فلورسنت لون اصفر ،
و لو تبي حق الليل أو تبي أضاءه 24 ساعه
حطلك أضاءه لون أحمر و هم تكون فلورسنت
اللون الأحمر ما يشوفونه فما راح يضايقها ..

الأرضيه روح محلات السجاد تلاقيه عندهم ..

بالتوفيق

[عاشق عود]

الأرضيه روح محلات السجاد تلاقيه عندهم ..
فعلا لقيته عندهم
والمتر ب 17 ريال

وانا ووجهي كنت ناوي ادور لي شركة من شركات تجهيز الملاعب

طيب وين أحصل مقاييس درجة الحراره الدائريه او الالكترونية
حصلت زئبق في ساكو لكن ما اعجبتني احسها غلط وشكلها بايخ

[|| PyTHoN ||]

اممم احنا عندنا تنباع بمحلات السمك الي تحسب الرطوبه بعد
لكن تحصلها بمحلات الي تكون مثل لوازم العائله و الأدوات ..

[عاشق عود]

أبشركم كلش تمام

واشتريت جهاز قياس الحراره والرطوبه لقيته في محل لبيع الأدوات الطبيه

بس عندي سؤال

الحين حرارة الحوض 27 درجة مئوية

ودرجة الرطوبة بعد رش المويه بثلث ساعه تقريبا 82%

كل شي تمام ؟؟؟

وكيف ازيد الأكسجين داخل الحوض
احس الحوض مكتوم
مع انه موجود فتحتين في اعلى الحوض كل وحده فيهم 30*20

[ريان!]

خفف رش المويه لن الرطوبه عاليه شوي وممكن تكتمها زي ماقلت انت ..

[عاشق عود]

الرطوبة بدون مويه متفاوته
ما بين 57 الى 66
والحراره ما بين 27 الى 28
وش رايكم

ارش ولا ما يحتاج ؟؟

وكم هي انسب درجة للرطوبة ؟

[|| PyTHoN ||]

تمام لكن كل يوم ولا يومين ارفع الرطوبه شوي وصلها للـ 80 لفتره
و بعدها بيرجع الوضح طبيعي حول الـ 70% و تزيد و تنقص

يعني تقريباً ما تثبت على شغله معينه ..