سؤال يخص كلاب الهاسكي وياريت ردود

[M7MD.3]

بسم الله الرحمن الرحيمم

السلام عليكم

ندخخل في الموضوع صراحه كنت باخذلي هاسكي تقريآ عمره 2 ونص الي 3 .. ولاكن ابي استفسر عن موضوع وهو يتحمل الحراره وخصوصآ في جونا الحار وهل يتأقلم عادي ويلعب ويكون نشيط

وفي ناس تقول ان نشاطه يقل واللي يقول انه يموت وفي اللي تقول ماعليك منهم واشتر
لاكن انا ماخذ بالكلام وبس
انا بغيت فعل واللي كان مربي هاسكي او له خبره اني استفسر منه ومالقيت الا هالمنتدى المزيون

فحبيت اسآل يمديني اربيه في جونا خصوصا اذا كان خارج البيت يعني في الحوش وكذآ ؟
مع العلم اني بحطه في ضل وتكيه كذا كويسه وبجيب له مروحه بالبدايه وبعدين المكيف !

[M7MD.3]

وكمم سؤال نسيت اكتبه
وش افضل ذكر او انثى؟

ومن يكون متعب وقت البلوغ ؟

ومتى يبلغ ؟

ومتى يحتاج للزواج ؟

[Abo_fahed]

وعليكم السلام ورحمة الله وبركاته

قبل لاتشتريه وفر للجرو مكان مكيف

الهاسكي مايتحمل الحر وماينفع معاه مروحه وظلال وراح تسبب لنفسك مشاكل ومخاسير


الذكر والأنثى نفس الشي لكن عن نفسي افضل الأنثى

خصوصا ان هذا الكلب لايصلح للحراسه لذا لانبحث عن الحجم والضخامه

(( طبعا اتكلم معك بشكل عام فهناك اناثي اضخم من الذكور ))


الأثنين متعبين لكن الأنثى أكثر خصوصا في فترات الحيض وخصوصا لو كان حولكم ذكور


وقت البلوغ للأنثى من بعد الشهر السادس وانت صاعد تقريبا

والذكر بعض الأحيان يتأخر الى أكثر من سنه


يحتاجون للتزاوج بعد عمر السنتين لكل الجنسين

حتى يكتمل نمو الذكر والأنثى

وخصوصا الأنثى لاننا لانريد مشاكل

للرحم وجدار الرحم وكذلك البنيه الجسميه


بالتوفيق يالمزيون

[VonNDeR]

اخوي انا ربيت كلاب الهاسكي والالسكا

طبعا مع الجو عندنا راح تحتاج اول شيء الى مكان مناسب لهم يكون فيه تهويه اول شيء يعني مروحة شفط + مكيف اسبلت او عادي المهم بارد ودرجة الحرارة تكون 22 حلوة

طبعا بدون مكيف راح تتعب كثير معهم اول شيء را تشوف قلة حركته والشعر يطيح بكثره وتلاقيه يكب الموية او يحاول يدخل ايدينه بالصحن غير المشاكل الداخليه ... مرة عندي هاسكي كان يصب من انفه دم بكثررره وكل ماوديه دكتور يفحصه يقول سليم طلع المشكلة من الحرارة وبعدها خلاص جبت 2 مكيفات لكل الكلاب مع مراوح التهويه الكبيرة ب60 اتوقع

واهم شيء حطه بمكان بعيد عن الشمس لاتكون عاموديه عليه يعني حاول يكون محله ظلال

يعني نصيحة اخو جيب لهم مكيف بما انك راح تدفع بالكلاب فوق 3 الاف اكيد راح تقدر على مكيف ب500 لو صغير من المحلات الي عليها عروض

ولو بغيت اي شيء بخصوص الهاسكي اسالني عالخاص وراح افيدك لاني احب هالنوع بقووة اكثر من غيره

[mkdsh]

ماقصروا الاخوان ,

وانصحك توفر كل المتطلبات قبل شراء الكلب .. :)

عشان ماتتبهذل انت ويتبهذل هو ,

ولا تنسى انه كلب موطنه سيبيريا المليئه بالثلوج !

تقبل مروري

[Octopus]

ما قصر بو فهد و اي سوال يكون عبر العام مب على الخاض حتى نقدر نفيدك

[M7MD.3]

شكرا ششكرا على كل معلومه ونصيحهه

وان شاء الل راح اخذ حذري قبل لااخذ اي نوع من الكلب وافر له اللي يرتاح له

[M7MD.3]

اخوي انا ربيت كلاب الهاسكي والالسكا

طبعا مع الجو عندنا راح تحتاج اول شيء الى مكان مناسب لهم يكون فيه تهويه اول شيء يعني مروحة شفط + مكيف اسبلت او عادي المهم بارد ودرجة الحرارة تكون 22 حلوة

طبعا بدون مكيف راح تتعب كثير معهم اول شيء را تشوف قلة حركته والشعر يطيح بكثره وتلاقيه يكب الموية او يحاول يدخل ايدينه بالصحن غير المشاكل الداخليه ... مرة عندي هاسكي كان يصب من انفه دم بكثررره وكل ماوديه دكتور يفحصه يقول سليم طلع المشكلة من الحرارة وبعدها خلاص جبت 2 مكيفات لكل الكلاب مع مراوح التهويه الكبيرة ب60 اتوقع

واهم شيء حطه بمكان بعيد عن الشمس لاتكون عاموديه عليه يعني حاول يكون محله ظلال

يعني نصيحة اخو جيب لهم مكيف بما انك راح تدفع بالكلاب فوق 3 الاف اكيد راح تقدر على مكيف ب500 لو صغير من المحلات الي عليها عروض

ولو بغيت اي شيء بخصوص الهاسكي اسالني عالخاص وراح افيدك لاني احب هالنوع بقووة اكثر من غيره


تسسلم اخوي ع الرد وما قصررت

وصدقني مو شرط اني شريت كلب غالي شريت مكيف غالي

وماراح اتردد اكلمك بالخاص لو عندي سؤال تسسلم وماتقصر
وشككلي بزعجك بالخاص من الاسئله خخخ << امززح :p