مالحل مع طيري الرمادي؟؟

[ياطير يامسافرله]

السلام عليكم...كيف حالكم جميعا ان شاءالله طيبين
عندي مشكلة مع الرمادي الافريقي واتمنى ترشدوني للحل الصحيح:
الطير له الان معي حول ثلاثة شهور..ياكل من ايدي احيانا...بس المشكلة
انه خايف للان مع اني اعامله احسن معاملة ولا اخوفه ابدا..واقصد بخوفه مو يجعر علي
بس اذا قربت من القفص يبعد ويقعد يتسلق داخل القفص ..واحيانا اقرب منه واشوفه عادي مو خايف مرة بس يحاول يروح يسار القفص ..ونادرا نادرا يجعر علي اذا قربت مرة من القفص واحط ايدي على القفص من فوق..
لكنه اذا شاف غريب دخل عندي البيت يقعد يجعر عليه كثير
مع العلم اني للان ماطلعته برة القفص خلال المدة هذي كلها...

والمشكله الثانية: انه للان مايتكلم..بس يصفر على فترات متباعدة , ومايحب التصفير احيانا الا بعد ميرفرف بجنحانه
مع العلم انه بدا التصفير من اقل من شهرين....

ثالثا: الى الان ماروشته...هل الشي هذا غلط؟ والسبب لاني اشوفه خايف قلت مابخوفه زيادة..

كيف اخليه يرضى اني المسه ,افكر اني اطلعه برة القفص واحاول المس عليه واتحمل عضه..
عمره الان حول السنة...
اسف على الاطالة وتحياتي لكم جميعا

[ابوعنودي]

ياعزيزي انا كانت عندي نفس المشكله لاكن بصراحه انا شديت نفسي عليه كنت اقوله هات راسك من برى القفص بس حاط اصبعي على القفص الين ماخذ الامان ممكن يتعبك مره مرتين ممكن اكثر بعد ماصار يعطيني راسه كنت احكله برفق لمده يومين وانا بالطريقه هاذي بعدين صرت افك القفص واخرج من الغرفه وارجع بعد ربع ساعه والاقيه خارج القفص ولا اكلمه بس بعد يومين من نفس الطريقه سرت اقله تعال من بعيد وانا جالس مكاني وصار يقرب ويبعد بعدكذا صار يجيني من حاله

[wak]

غلط وصح غلصط وصح
يعني انك لما ماطلتو أول ماجبتو صح وغلط لما طولت كتييييييييير بتطليعو
وغلط لما انت بتخاف منو لا تخاف وطلعو ومد ايدك عيله ولا تخاف عضة وماكانت
والسلام

[كاسكو البحرين]

لحد الآن شغلك مظبوط وهذه الطريقة السليمة عشان تلقى نتيجة ترويض ممتازة

ياطير يامسافرله ، حالياً في هذه الفترة محتاج طيرك الى ان يطلع بره لتحريك الأجنحه بحرية تامة
وهذا التمرين مهم بالنسبة الى الطير وخصوصاً فترة 3 شهور تحت الإقامة الجبرية :rolleyes:
ياريت يكون عندك قفص من النوع اللي تقدر تفتحه من فوق وتخلي العصا مثل العصا اللي يوقف عليها في القفص وترك الطير على راحته بدون اي ملاحقة او مضايقة وهو بترجم هذا الشي بالخروج من القفص الى الأعلى

وقت العصرية اذا كان الجو جميل اطلع انت والقفص خارج الغرفة او في الغرفة وتكون انت منفرد مع الطير بعيد عن الإزعاج وفتح باب القفص وادخل يدك الى القفص وضعها على العصا كبداية ادخل يد وحده لعدم ارباك الطير فمن الشيئ الطبيعي راح تلاحظ هروب الطير او التسلق الى او يحصر روحه في زاوية من زوايا القفص ، كمحاولة أولى الطير سيخاف جداً ولكن مع مرور الأيام ستقل نسبة الخوف وهذه طريقة انا شخصياً جربتها مع طير ( وحشي ) والحمد لله نجحت 100%

عند ما تدخل يدك حاول انك تغرد له او تتكلم معاه + الإبتسامه والأفضل تنادي الطير بإسم يكون مكرر له عند السماع ، مع مرور الأيام سيلاحظ الطير ويتفهم بإن يدك غير مأذية بل آمنه تماماً
قرب يدك الى الطير تدريجياً وبتلاحظ الطير يحاول الهروب ولكن لا تيأس وبعد يومين من تكرار هذه الطريقة ادخل اليدين وحاول التقرب له والمسح عليه دون خوف وتجنب الحركات المفاجئة مثلاً إن حاول العض يجب عليك تكتفي بكلمة (عيب)او(لا) اوتوماتكياً سيفهم الطير العض إسلوب غير محبب ولا يفيد

في اثناء ويدك داخل القفص حاول من تحركات الطير ان يمر ويلامس يدك ولو بشيئ بسيط
كرر هذه الطريقة مدة اسبوع الى اسبوعين وستلاحظ الطير مدى الإستجابة في هذا التدريب وهذه طريقة يستخدمها المحترفين في الترويض وتجيب نتائج إيجابية بعيد عن العنف

ملاحظة: لاتلبس خاتم او ساعة في اثناء التدريب لانه الأشيااء اللامعة تلفت وتخيف الطير

بالتوفيق