هامستر عمره 21 يوم ؟؟

[Ańwăr]

السلام عليكم و رحمة الله و بركاته :D


اليوم كملو هامستراتي الي ولدو 21 يوم

طبعا جابت 9 هامسترات

6 منهم كلتهم :D << مو مشكله اول حمل لها عليها بالعافيه و هم الخطأ مني لاني شلت العجله

(( على فكره اكبر غلط ازالة العجله و هي حامل :confused: لاني قرأته كذا << لان بعد الولاده بيومين او ثلاثه ترجع نشاطها و تحاول تجري فا تحاول تهرب نفس ما سوت هامسترتي و كانت تتحرك بشكل هستيري لحد ما ماتوا الـ6 و كلتهم ))

و بقى 3

وللاسف اثنين كان نموهم ضعيف حيل
وشكلهم اصغر من الهامستر الثاني

وللاسف ماتو:(

بس بقى الوحيد الي كان ياكل عدل و نموه حلو بس هم صغير هو مو كبير حيل :confused:



المهم :p


هذي صوره للمولود

http://www.m5zn.com/img/?img=1823f042e716aaf.jpg

السؤال الاول ": ليش لونه اسود :confused: امه و ابوه لونهم ابيض و بني فاتح
السؤال الثاني: هل نموه سليم على عمره ؟ للعلم هو هامستر سوري ؟

http://www.m5zn.com/img/?img=e63943bd28259ad.jpg


وهذا القفص شريته له

للهامسترات الصغار
فيه عجله صغييره

وحطيت له الاكل الجاف بطبق و حطيت له قطارت ماء و نزلتها تحت له

هل هذه التجهيزات كافيه اني اعزله بروحه عن امه ؟؟

و ثاني شي

انا رديت الذكر للانثى و الذكر حاب يتزاوج هههه والانثى ضربته عشان كذا حطيت النفق معاهم بالقفص



ارجوكم ابي نصائحكم و اكون شاكره لكم

[*الكاسكو*]

بالنسبه لموت الصغار بسبب العجله ان امهم صارت مجنونه ..المفروض خصصت حجره على قدهم ومساحه لركض الانثى والدوران على العجله ..

القفص تبع الصغار 100% ولا تحزن على موت الصغار بتجي دفعه جديده قريب ..

بالنسبه للون الصغير طبيعي مو شرط يشبه امه وابوه وحجمه حلو وواضح ماشاالله الصحه ..

هذي نقله من تجربتي للهامستر ..

[Love 2 Zoo]

بخصوص لونه الاسود ، عادي يمكن أجداده ( وراثة ) .

حجمه بالنسبة لعمره ، طبيعي وواضح ماشاء الله يبي يتسلق ويطلع:D

[!! AhMad !!]

مآشآء اللهـ وآأضح إإنهـ بصحة جيدهـ جدأإ ,,
__

أإنإأ هآمسترتي ولــدت أمس !!
هي لونهأإ توفي والذكر أبيض ,, إنشاللهـ يكون وآحد من البيبيآآت أإسوود ^^

[بائع الهامستر]

ماشاءالله

مبروك عليك الصغير

الواضح ان سلالة الهامستر قبل الام والاب فيهم اللون الاسود

وطبيعي يطلع اللون كذا حتى لو كان مختلف عن الام والاب

عموما ، بالنسبه لاول ولاده الوضع تمام الحمدلله

والصغير واضح انه بصحة وعافيه

لكن عندي ملاحظه صغيره على القفص

هو صحيح متكامل ، لكن القفص اساسا للهامسترات الروسيه

لانه لما يكبر الصغير راح يوضح ان القفص صغير عليه

ويوم انك شاري القفص شاريه

كان شريت شي يناسب الهامستر مستقبلا

وان شاءالله تكون هالولاده درس لك

والمره الجايه يعيش الصغار كلهم

[Ańwăr]

شكرا لكم جميعا


*الكاسكو*


انا ما عندي خبره ولما حملت الهامستر دخلت وبحثت تجهيزاتها و غذاء الحامل و مكتوب ان لازم تزيل العجله و تحطها بمكان هادي و و و
وانا نفذت التعليمات بس للاسف حركه غبيه مني :(


Love 2 Zoo


الحمدلله ههههه حلو عاجبني ان شاء الله ما يلحق اخوانه


!! AhMad !!

عالبركه ان شاء الله تجيب 18 واحد و ماتاكل منهم ولا واحد هههههه



بائع الهامستر


الله يبارك فيك
والله ما ادري شريت قفص شفته صغير و قال صاحب المحل للهامسترات الصغار قلت ينفع و اذا كبر الصغير راح ارجعه في القفص الكبير


شكرا لكم