ارجو الدخول والمساعدة

[Я w q Ẳ η]

السلام عليكم ورحمت الله وبركاته


اليوم مدري وش في طيري صار يعض بقوه لدرجت انه جرح اصبعي:wao:

وكل ما اقرب منه يحاول يعض :angry:

بس الحين عضه صار اخف بس يووجع وكان مايعضني قبل كذا

وان عضني بشويش الى اليوم مدري وش فيه:confused:

ارجو ان تجدو لي حل

[Я w q Ẳ η]

ليش محد رد الى الحين

يا ناس ابغى مساعده بسرعه

[Birds_lover27]

بصراحه ماعندي فكره بس ماحبيت ادخل موضوعج وما ارد
الله يهديا ليش جذي صار مفترس ><"
عسى الله ويصيير خووش طير

[*الكاسكو*]

هو يمكن بيحاول يصيطر عليك بدال ما انت تصير القائد ...
اذا عضك لا تبعد او تقول آاااااااااي ولا ياماما ...كذا بتحسسه انه انتصر عليك وقواك وعرف نقطة ضعفك ...

اول شي رح للبيطري يقصون حد المنقار عشان تتجنب الحوادث المدميه ...

ثاني شي اذا عضك انتبه توضح المك من العضه على طول ناظره وخاصمه بطريقتك مثل : ليش ؟؟ليش تسوي كذا عيب يا ولد عيب الناس كذا ماتحبك ... علي صوتك شوي كانك تخاطب ادمي صدق ...

هو ماراح يفهم اكيد لكن بيحس بالخطأ .. خل عيونك بعيونه ووجهك معصب وتحمس وانت تهاوش عشان يحس صدق انه سوا شي فضيع ...

ثالث شي بعد المحاضره شيل الاكل عنه وغط القفص حتى شوي مظلم شوي بس خل ضوء بصيط جدا يدخل عشان يدري ان الاكل اختفى بسبب فعله ...

لا تجي عنده ربع ساعه بس بعد كذا افتح باب القفص وحاول تطلعه على يدك ...اذا طلع قل له : شاطر ممتاز وعطه مكافأه الاكل اللي يحبه مو شرط اكله المعتاد مثل اذا كان يحب الجبن عطه جبن قطعه صغير ... وبكذا بيفهم ان العض عيب ...

[Я w q Ẳ η]

يعطيك الف الفين عافيه ع المساعده اخوي

بس صعبه شوي اقص منقاره

بس باجرب الطرق الثانيه

واكرر لك الششكر

[*الكاسكو*]

قص حد المنقار ماتضر ابدا بس عشان تتجنب العض بقوه ....

وكذلك لمصلحة الطيراذا جاءنظف ريشه قد يتحمس ويكسر جذورلجناح المتصل بالعضم زي ماحصل معي ..

[Я w q Ẳ η]

بس شكله بيتشوه شوي

والوالد مستحيل يوافق

[*الكاسكو*]

شكلك ماتعرف ولا كد سمعت عن قص حد المنقار ...

انا اخذت طيري كذا مره عادي حتى نفسيته مافيها شي ..

طريقة القص سهله عند البيطري وما تكلف .. قص المنقار ماتختلف عن قص الاظافر للانسان ..

لكن المنقار له آله خاصه مجهزه عشان مايحس الطير بشي ..ابحث عنه بالنت يمكن تلى صور *

[Я w q Ẳ η]

طييب اذا قصيته ينمو مره ثانيه

وعلى فكره الطير رجع طبيعي مايعض بقوه

[*الكاسكو*]

ايه يرجع طبيعي اقول لك زي قص الاظافر تقصه ترجع تطول ...

[*الكاسكو*]

زين الحمد لله ....

[Я w q Ẳ η]

كم يحتاج عشان يطول

[*الكاسكو*]

قصص اظافرك وعد كم يوم عشان ترجع ...نفس المده للطير ...

[Я w q Ẳ η]

ابوي عيا لا يخليني اقصه

مدري ليش

اقعد افهمه يعيي

[*الكاسكو*]

خلاص مايحتاج لكن لا تغامر تقصه انت راح يحقد عليك ..

[Я w q Ẳ η]

اكيد ما بغامر بقصه

واذا قصيته شلاليت وبقوس من الوالد