تكفون بسرعة

[MR--ksa]

السلام عليكم
يا شباب انا كلبتي مو راضيه تاكل صار لها يوم تقريبا
و اخراجها اعزكم الله طبيعي
تكفون بسرعه حتى ما ادري اذا تشرب مويه ولا لا
و نشاطها طبيعي جدا

[Nona999]

اهلين اخوي

هدي حالك اخوي واستهدي بالله

دام امورها طبيعيه فالحمدلله


ابيك الله يجزاك خير تقيس حرارتها و تعلمني نظام اكلها كيف

يعني ايش تعطيها وكم وجبه باليوم

و هل تطعيماتها وجرع الديدان كامله ؟

هل مكان نومها مكيف وبظلال ؟

[MR--ksa]

اهلين اخوي

هدي حالك اخوي واستهدي بالله

دام امورها طبيعيه فالحمدلله


ابيك الله يجزاك خير تقيس حرارتها و تعلمني نظام اكلها كيف

انا قستها بجهاز الحرارة حق الانسان و طلعت 39 \

يعني ايش تعطيها وكم وجبه باليوم

اعطيها لحم او دجاج مفروم من شهر 4 وجبات و نادر 3

و هل تطعيماتها وجرع الديدان كامله ؟

لا لها شهرين او ممكن اكثر على موعد التطعيمة

هل مكان نومها مكيف وبظلال ؟
نعم في ظل كبير و امس زودت مكان الظل بس بدون تكييف

[Nona999]

اخوي اذا اكيد ٣٩ فـ درجت حرارتها عااليه لازم تنخفض لـ ٣٧


حاول تخفض حرارتها بأي حال من الاحوال

حطها بمكان فيه تكييف و حط عليها كمادات عشان تنخفض درجة حرارتها

جرب اذا عندك زبادي منزوع الدسم تعطيها شوي شوف اذا تاكل او لا او اذا موجود دجاج شوايه حاول تعطيها " بعد ماتخفض حرارتها "

و الجو هذي الايام حررر مايكفي الظلال بعذرها اذا مااكلت مسكينه منسده شهيتها


ابيك تروح الان تشوف لي ايش التطعيمات الي ماخذتها


و كونها مو صغيره تكفيها ثلاث وجبات اربع وجبات كثيره

انتبه لها و ضروري تخفظ حرارتها ترا ارتفاع الحراره مو كويس

[MR--ksa]

اوك حطيتها بغرفه فيها مكيفين سبللت و حطيت درجة الحرارة 18
كيف احط الكمادات
طيب بدور زبادي
و اناشاء الله اليوم بحط لها مكيف
التطعيمات كاملة بس ناقص تطعيمت الدوود

[Nona999]

شوف اخوي بعلمك على مفاتيح حطها فبالك ولا تقلق

اذا الجروه نزلت درجة حرارتها و صارت طبيعيه بوجود التكييف فهذا ممتاز وقيس درجة حرارتها كل شوي

درجة الحراره الطبيعيه هي 37 اذا اعلى منها فهي مرتفعه واجباري تخفضها و اذا اقل منها قصر على التكييف شوي او شيل الكمادات منها

هذا بالنسبه لدرجة الحراره

بالنسبه للاكل اذا مااكلت لاتغصبها انتظر لحد تنزل درجة حرارتها وقدمه لها قدم لها دجاج شوايه او تريت او زبادي منزوع الدسم او زبدة الفول السوداني

اذا اكلت فالحمدلله نعمه من ربي و المويه اتركها عندها 24 ساعه

هذا بالنسبه للاكل

اذا تطعيماتها كامله مافيها خوف ان شاءالله واذا برضو مو من النوع الي تطلعها لمحلات الحوانات او تمشيها بالشوارع كثير او تشوف كلاب ثانيه. برضو هذا شي كويس الحمدلله

اما اذا لا لازم تهتم اكثر

والحر مشكله دايم ننبه عليها لكن مافيه احد يسمع

حالياً اعتقد كل الي فيها من الحر

اذا انخفضة درجة حرارتها ورجعت تاكل وتشرب وامورها كويسه فالحمدلله ولاتهمل تطعيماتها

و اذا ضعها ماتحسن حاول تعرضها على بيطري متمكن

اتمنى مايكون الا كل خير يارب


الف احترام و شكر

موفق

[Nona999]

اخوي لاترفع درجة البروده وتكون جايه من حر وتدخل لبرد فجأه هذا برضو خطأ ممكن يسبب لها زكام

خلهم على درجة حراره معتدله ومتوسطه

ودام تطعيماتها كامله فهذا شي ممتاز الحمدلله

لاتخاف ولاتقلق امرها بسيط ان شاءالله

هي بس اجتمع عليها الحر والديدان

اخوي الحر يسد النفس حط نفسك محلها مسكينه

و الديدان برضو تسبب مشاكل للكلب مثل انعدام الشهيه و تساقط الشعر والنحف

ان شاءالله بتتحسن بإذن الله

اليوم اذا صارت امورها طيبه ودها للبيطري يعطيها جرعة الديدان ويكشف عليها

ولا اوصيك لايجي الليل الا عندها تكييف

الحمدلله ان امورها كويسه

[MR--ksa]

الحين نقصت درجت حرارتاها الى ٣٧ بعدن نقصت الى ٣٦ و نقت التكيف و حطيتلها زبادي قليل الدسم و تاكل على شوي شوي و شكرا اختي nona
ugD hglhuv] hgu[g]

[Nona999]

ممتاز دامها نقصت لـ ٣٧ بس لاتنزل زياده

وممتاز جداً انها اكلت

اخوي الحر شين يقتل انتبه لها الله يرضى عليك

ولاتنسى جرع الديدان

موفق