أفيدونى من خبراتكم مع البيتادين

[نوديوس]

قطتى نوسة كان عندها فطريات
و من ضمن العلاج كنت بستعمل بيتادين، هى شعرها لونه أبيض، و مع دعك المنطقة المصابة بالبيتادين و المرهم كان اللون بتاع البيتادين بيتراجع لحواف المنطقة المصابة
هى تقريبا خفت و لون الجلد فى المنطقة المصابة رجع طبيعى، بس المشكلة إن الشعر إتصبغ بلون البيتادين :angry:
حميتها كويس بصابونة كبريت و سيتيال مطهر و قعدت أدعك فيها كتير بس اللون مش عاوز يطلع
شكلها بقى مبقع كدة :64:، تفتكروا اللون مش هيروح ، و لا فى حل يخليه يروح و لون شعرها يرجع طبيعى
ساعدونى بخبراتكم ، و شكرا مقدما على المساعدة:88:

[المقـــدام]

انا نفس الحكايه بس روشيها وكثري المنطقه بالشامبو وادعكي قد ما تقدرين ولا ترحمي القطه لانو بتتالم لكن ما يظرها انشالله

[kiri*katy]

وانا بعد كاتي منطقه البطن عندها متصبغ
ومع تكرار شامبو فافو صار يخف
كل بعد يوم انظف المكان المتصبغ واحممها مره بالاسبوع
لان لو حممتيها كل يوم بتتعب عليك

[cat kyot]

السلام عليكم

مع الوقت انشاءالله يروح

[شاهستا]

اهلا ياقمر

متضغطيش على القطه ومش كل شويه تحميها وتقعدى تدعكى فيها زى السجاده ^^

كلنا اتعرضنا للموقف دة ومع الوقت بعدها بشهر ولا اقل اللون بيروح عادى

مش هيفرق اللون المهم انها تكون خفت وصدقينى اللون هيروح خالص وشعرها هيطول

بس متعذبيهاش

[نوديوس]

شكرا ليكم جميعا طمنتونى و الله
شاهستا: أنا كنت خلاص هجيب فرشة بلاط كدة و شامبو سجاد هههههههههههههه :)
لأ و الله هو أنا كدة كدة كنت بدعكلها المنطقة عشان أتأكد إنها مفيهاش حاجة عشان أبطل الدهان بقى
دى يا حبيبتى لما كنت بدهنلها كانت جايلها إكتئاب تقريبا من شكلها و على طول مستخبية تحت الكنبة و بتاكل بالعافية
دلوقتى حساها مبسوطة الحمد لله

[شاهستا]

الحمدلله ياقمر ربنا يشفيهالك

وعلى فكره ممكن تستخدمى الدراى كلين هتخلى اللون مختفى

[نوديوس]

شكرا يا شاهستا: أنا هروح اجيب بكرة من الدكتورة و أنضفها بيه

[anoodi]

طيب آحلقي شعرهآ

وحيرجع ثآني مرههً