سؤال_استفسار_عآآجل

[رجل من المستقبل]

السلام عليكم ورحمه الله وبركاته


يا شباب عندي طير كاسكو8-9 عينه رمادي



المهم انا كتبت موضوع عنه اول انه مريض

بعد هذاك استمريت على علاج هوganadexil enrofloxacina


وبعدها بلاث ايام الطير بدا يتحسن يوم شفته تحسن وقفت العلاج عنه

وبدا ياكل واكله كان طبيعي


ولكن خلال هاليومين رجع زي اول واكثر خمووووووووووول واكل قليل ومرات ما ياكل

واليوم مريت عليه وحصلت وضعه سئ وجيت اعطيته العلاج الساعه تقريبا 11 مساء الي هو مذكور اسمه فوق



طيب السؤال


وش اسوي معه ..؟


بالنسبه للاكل ايش اعطيه..؟

والله الطيررر هزززييل واحس عظمه الصدر محسوسه بشكل مريب نوعا ما



ولو فيه حل عآآاجل لاحد يبخل علينا



وشششششششششششكرا لكم

[فيوزي]

اخوي غره بالابره
وراح يفيدونك الاعضاء
تحياتي
ابو سدران

[رجل من المستقبل]

بالنسبه للاغر يابوسدران

ترا ما اعرف وشلون كيف يعني,,.؟

[بلاك بيري]

هلا اخوي انت غلطت عده غلطات في علاجك للطير :

اولا \\ انك اعطيت الطير العلاج 3 ايام فقط والمفروض على الأقل اسبوع كامل حتى لو تحسن ثاني يوم لأنه فتره اسبوع هي الفتره السليمه لطرد المرض واستئصال البكتريا المسببه للمرض من جسم الطير

ثانيا \\ انك ما دعمت طيرك بفيتامينات ومقويات مناعيه بعد توقف المضاد حيث انه الطير اكيد يكون فقد املاح ومعادن وسوائل من جسده ولم يتم تعويضها بالشكل الصحيح

ثالثا \\ انت تتأخر في علاجك للطير الين صارت العضمه محسوسه وهذا غلط فادح لابد ان تتدارك الطير قبل ما يوصل لهالمرحله

الحل \\

اعطي الطير من الأنوفلوكساسين وهو علاج جدا ممتاز اعطيه منه بالجرعه العلاجيه مده لا تقل عن 10 ايام
وبعدها الطير يمشي لمده شهر على الأقل فيتامينات عامه توضع بالماء يوم ورا يوم يعني يوم بفيتامينات ويوم لا
واستخدم بعد العلاج خلطات الثوم والليمون بشكل دوري لتقويه مناعه الطير

موفق بكل خير

[رجل من المستقبل]

الف شكر اخوي بلاك بيري وما نستغني عن نصائحك وتوجيهاتك

الغلط ياخوي الكبير اني ما اخذت علاجات من جده علشان اكون جاهز لاي ظرف طاري للطير

طبعا راح امشي على نفس الكلام الي قلته ولكن الحين الطير حالته سئيه بكل امانه


بالنسبه للاكل ايش اعطيه اكل....؟

وبالنسبه للعلاج هذا اعطيه حتى لو ما اكل شئ..؟


الف شكررا خووي

[::@عـشـقـي الكـاسـكـو@::]

اخوي لك رساله على الخاص

[بلاك بيري]

اهلا وسهلا انا انصحك بغر الطير ضروري جدا ووضع المضاد الحيوي مع ماء الغر علشان تتأكد ان الطير ابتلعه

هذا افضل حل غر الطير الين يستعيد قوته

[رجل من المستقبل]

طيب بالنسبه للاكل ايش اعطيه

[*هاوي البادجي*]

الاكل عطه

بطاطا مهروسه داخل ابره الغر

او ان سيريلاك خاص للببغاوات مو للبشر تاكد

وتقدر تسوي جزر وكوسه وتخلط الخضراوات مع بعض

وتعطيه في الغر

*فواز*

[رجل من المستقبل]

يعطيك العافيه اخوي هاوي


بس يالنسبه الي ذكرتها لي ماهي متواجده حاليا معي


اقدر اعطيه عصير تفاح طازج اسويه اانا في البيت



بالنسبه لسيريلاك الاطفال عندي منه مرره ينفع معه.؟


لانه حاليا جدا وضعه سئ من ناحيه الاكل وكل شئ


وششكراا لك

[فيوزي]

اخوي روح اي محل واشتري الخضره الي قال عليه هاوي البادجي وغره
وطمنا عنه
سيريلاك الاطفال ما حلو للطيور
تحياتي
ابو سدران

[رجل من المستقبل]

ارجو من الاداره غلق الموضوع


الطير مات اليوم

للاسف مات وانا اكله


لاحول لاقوه الا بالله


الله يعوضني خيرا ان شاء الله


حاولت بكل امانه ولكن مكتوب ومقدر



والحمدلله استفد منكم سوا علاجات او طرق ووقايه


وباذن الله ان اشتريت طير ثاني

راح اخذ كل احتياطاتي اللازمه


ولله ولي التوفيق

[مـحـمـاس الـمـنـحـاس]

الله يعوضك بأفضل منه ان شاء الله


يغلق الموضوع