القطة الأم ماتت وتركت 3 مواليد عمرهم 10 ايام فقط! :(

[Mujahid91]

السلام عليكم


يا جماعة ماني عارف أتعامل مع الصغار!
اشتريت حليب بدون لاكتوز وقطارة عشان أشرّبهم لكن لما أشيلهم يخافون موت ويصارخون ويزعلوا واذا حطيتهم جمب بعض يرتاحو كأنهم يشمّون ريحة بعضهم وريحة أمهم


المهم الآن ايش العمل ؟

كل شويه أحاول معاهم لكن يخافون برضه وأنا بصراحة خايف أكسب إثم فيهم لأنهم صغار وفيه اثنين منهم أو 3 كانوا مفقودين ومحبوسين عن امهم قبل موتها ولا لاحظت مكانهم إلا بعدين

هل فيه امكانية القطط الأم الأخرى تتبناها؟

[S h a i 5 a ..]

و عليكم السلام

مو شرط تشيلهم

تقدر تخلي قطه ثانيه تتبناهم

بشرط يكون عندها كتينز نفس العمر او قريب من عمرهم
و ما تكون القطه عدوانيه و شرسه

..

[bnO_Oth Kuyt]

لا تشيلهم خلهم ع نفس وضعيتهم وشربهم

[Octopus]

قد يفدك هذا الموضوع بما ان عندك ثلاث كيتز بعدهم ما فطمو


http://www.2zoo.com/vb/showthread.php?t=98294

[Mujahid91]

أشكركم جميعاً يااخوان, استفدت من نصائحكم وخصوصاً موضوع العناية بالرضيع.
حطيت لها مكان مناسب وفرشة نظيفة تحتهم ونظفتهم بماء دافئ ومسحت لهم مكان الإخراج الله يكرمكم وخرج الوسخ

شربتهم حليب بالقطارة 3 مرات في غضون 10 ساعات تقريبا

ان شاء الله اني ما نسيت شيء

للأسف حالتي حالة إذا قربت منهم خصوصاً اذا كنت أنظفهم وأهتم فيهم (حساسية) , رشح وسيلان
واذا بعدتهم ارتاح

[Octopus]

طيب خلي اهلك يسعدوك في العناية بهم و هلا بك بالمنتدى

[Mujahid91]

هلا فيك :)

والله ياخوك للأسف أهلي مشغولين برمضان ولا أظن فيه أحد بيوافق يحط ايده فيها :D
لكن راح أحاول

[Mujahid91]

معليش فيه سؤال أخير :

بالنسبة للحليب اللي أسويه للكتنز ما يخلّص من اول مرة ويقعد ساعات.. لازم أحطه بالثلاجة أو ما يضرّ لو يظل قدام المكيف ؟

[Octopus]

بالنسبة ل تنظيف يفضل ان يكون بفوظة مبللة

[دلوعةقطوتي]

معليش فيه سؤال أخير :

بالنسبة للحليب اللي أسويه للكتنز ما يخلّص من اول مرة ويقعد ساعات.. لازم أحطه بالثلاجة أو ما يضرّ لو يظل قدام المكيف ؟

الحليب صلح جديد عند كل رضعه لاتحتفظ فيه
والرضعه تكون فاتره لابارده ولاحاره
والله يجزاك خير لعنايتك فيهم

[Mujahid91]

بالنسبة ل تنظيف يفضل ان يكون بفوظة مبللة


أكيد طبعاً لكن انا استخدم المناديل العادية اظنها جيدة بالنسبة لتنظيف الخارج من البول

بالنسبة للحليب كيف ؟ هل لازم يكون بثلاجة أو عادي يقعد يوم برا الثلاجة امام المكيف؟

[Elvira]

الحليب لا تخليه حق الرضعه الثانيه ممكن يتسممون
اذا كان تحت المكيف ومغطي زين ممكن تخليه لكن مايطول يمكن يخترب
ويزاك الله خير اخوي

[شاهستا]

الافضل انك تعرف معدل الرضاعه بتاعتهم عشان ميفضلش منها حاجه

ولو فضل حطه فى التلاجه وبعدين دفيه بس زى ماقولتلك الافضل ميفضلش منه حاجه

لان زى مانت عارف اللبن بيفسد بسرعه

[Mujahid91]

في موضوع العناية بالرضيع مكتوب كل 3 ساعات لازم أرضعها وهذا شيء شبه مستحيل بالنسبة لي
ومرهق جداً والله خصوصاً إنهم ما يشربوا إلا بعد الصراخ وبالقوة أشرّبهم شويّ

أعتقد 3 مرات يومياً كافي أشربهم وأنظف مكان إخراجهم خصوصاً إني ألاحظهم أغلب الوقت نيام

قبل العصر وبعد العشاء وبعد الفجر

ملاحظة: واحد منهم هادي وحليو الثاني شقي وحركته كثيرة والثالث قبيح وهادي
والشقي لاحظته يمص في اخوانه يمكن من الجوع.

[شاهستا]

معلش الموضوع متعب شويه لحد مايتموا بس الشهر وقتها هتقدر تاكلهم مع التقليل من الرضاعه

بس استحمل شويه عشان كدة هيموتوا من الجوع

يعنى لوحد يساعدك يكون افضل وجزاك الله خير

وصدقنى كل دة فى ميزان حسناتك

[Mujahid91]

أبشركم يااخوان صحتها جيدة واهتميت فيها جيداً وشكراً على نصائحكم والمواضيع اللي دلّيتوني عليها, الله لا يحرمكم الأجر لولا الله ثم أنتم كان ماتت ولا قدرت اتعامل معها.


اشتريت لها كل شيء تقريباً رضاعة خاصة وبدأت تتعوّد عليّ وترضع. اشتريت قطن وانظفها دائماً. جبت لها حليب فرنسي مخصوص للقطط وشكله أعجبها أكثر من تبع الأطفال بدون اللاكتوز ذو الرائحة الكريهة :D.


طبعاً هما 2 انثى وواحد ذكر, الذكر هادئ وثقيل وجميييل :cool: أما اخواته مشاكسات شويّ وحركتهم كثيرة :12:


بدأت تواجهني بعض المتاعب خصوصاً مواعيد تغذيتهم وبالتحديد لما أنام وأطوّل غيبتي عنهم أحسهم يجوعون وهذا غلط كبير لكن قدرت أقنع أمي الله يحفظها بأنها تقرّب منهم :D وترضعهم لما أنام.

وان شاء الله اصبر عليها إلى أن تبلغ شهر وخلاص يفتحوا عيونهم واحط حليبهم بصحن صغير في مكانهم وارتاح واستمتع فيهم وقتها. <3

[sdim]

جزاك الله خير ..
ربنا فتح باب أجر بالعشر الآواخر من رمضان ...
قال صلى الله عليه وسلم : (في كل كبد رطبة أجرا )

استحمل شوي التعب ..لكن الاجر عند الله عظيم ,:88:,وربنا يساعدك ....

تعرف اكيد حديث الرجل اللي عطش ونزل البير وشرب ..ولما طلع لقى كلب يلهث ويأكل الثرى من العطش ..فنزل الرجل للبير وعبأ الماء في (جزمته) وطلع وسقى الكلب..
فإيش كان جزاته؟؟

(فشكر الله له فغفر له )..

هذه شربة ماء فقط ..
كيف عاد العناية الكاملة بقطط أيتام ؟؟
جزاك الله خيرا ..وربنا يقويك ..

وتستمتع بجمالهم بس يكبروا شوي :)

[فاتـــو]

السلام عليكم
ماشاء الله تبارك الرحمن الله يقويك يا اخي
والله اني لقيت قطو واحد عمره 5 ايام واعتنيت فيه
بس طلع روحي وتعبني فما بالك من الاعتناء بثلاث قطط مره وحده
لك الاجر والثواب العظيم والله
بالنسبه للحساسيه ممكن تشتري كمامات وقفازات طبيه وتستعملها حتى ما يجيك ضرر
وبالنسبه للغذاء انا سويت طريقه مره حلوه ماتخليك تجيهم كل شوي وهي كالاتي:
جيب دبدوب طري ناعم ماتبيه واخرم ببطنه ثلاث فتحات صغيره
وحط في كل فتحه رضاعه فيها حليب بحيث يقدرون يوصلون ويرضعون بسهوله
ملاحظه :اول ماتسوي الطريقه راقبهم من بعيد لان ممكن لاسمح الله يفطسون
وهذا على حسب فتحه الرضاعه واذا مانفعت ارجع عاد للطريقه العاديه
والله يوفقك