مازلت اطلب مشورتكم

[عفوك ربي]

اخواني ابي علاج يفتح شهية الكاسكو ويوقف الاسهال والله تعبت احاول اجيب الادوية الي قالو عنها الاخوان وخاصة اخي بلاك بيري بس مافي طريقة فيه ادوية بشرية تنفع له
بعدين ارسلت صور البراز الله يكرمكم لواحد بيطري بمنطقة ثانية قالي هذا تسمم غذائي
وطلب استمر على الدواء الي معي
ألطير مره نحيف مع اني اغره برز سليق وثوم واعطيه فيتامين

[::@عـشـقـي الكـاسـكـو@::]

حطي الصوره هنا للبراز الله يكرمك وصوره للطير وافيدك ان شاء الله

[*هاوي البادجي*]

استخدمي خلطه الثوم والليمون

وحاولي تخلينه يشرب اكبر قدر ممكن لو بالابره خليه يشرب كثير

وراح يطلع كل الجراثيم مع البراز

وان شاء الله يشفى

وهل في بيطري جمبكم

*فواز*

[عفوك ربي]

حاولت ارفع الصورة عجزت كل مره يقولي حجمها كبير
لو فيه مجال ارسلها لك بطريقة ثانية

اخوي هاوي انا الان استخدم الثوم مع الرز السليق واكله كل ساعتين تقريبا
الليمون خفت يسبب له اسهال او شي بمعدته
والله كاسر خاطري له كم يوم هادي يمشي بشويش وصوت ماله

اذا فيه علاج بشري ينفعه اقلها يقوي جسمه ويفتح شهيته

[بلاك بيري]

ما انصح بأستخدام الأدويه البشريه لأن جرعتها قويه حاولي قدر الأمكان توصلي لبيطري

[old-alkasiko]

ابتعد كل البعد عن الأدوية البشرية مثل ما تفضل أخوي بلاك بيري .. وبعض الأدوية البيطرية تكون مخصصة للأغنام ويتم صرفه للطيور بنفس جرعة الأغنام وهذا خطر ويجب الحذر منه .. الله يشافي طيرك بأسرع وقت ,,

[عفوك ربي]

اخي بلاك رحت البيطري ومانفع ولا عندي الا واحد بمنطقتي عشان كذه سألت عن دواء بالصيدليات البشريه
اهو الان بس ينزل منه مويا صفرا مثل البول اكرمكم الله ذات رائحه ظاهره هل هو من المضاد
كمان ماسمعت له صوت من كم يوم يعني ماعاد يجعر مثل اول وصار اليف جدا لدرجة يحك منقارة بيدي من اقربها ما اعرف السبب المفاجئ له الشي
ابو الكاسكو والله هالبيطري مو بعيده يصرف اي شي كن الطيور حقل تجارب

[*هاوي البادجي*]

الحين السالفه صعبه

لازم تروحين لاقرب بيطري لان مستحيل انه بيعيش وبهذي الطريقة (اذا ما كتب الله انه يعيش)

لو تطرشين اخوج او شي المهم لا تيأسي وحاولي

*فواز*