محتار في الشراء

[نـــاصر]

السلام عليكم ورحمة الله وبركاته
صباح الخير على الجميع

حبيت استفسر لو تكرمتم
انا محتار مابين اني اشتري سمك ومابين اني اشتري طيور
لكن الطيور اكثر ميول !
ومحتار جدا ايش اشتري
علما اني حاب ي يكون ببغاء جميل , اليف ، العب معه ، مرح
والاهم من ذا له ، حال بعدين اذا توفر معي مبلغ شريت انثى ، لاني ابغا تتكاثر عندي
ومحتار مابين زوج طيور صغيرة ، يكون فيه تزاوج فيما بينها ، مرحة واقدر ااخذها ع يدي والعب معها
وهذا هو المقطع اللي اثر فيني واحب مثل هذي الطيور
اكتبوا ب اليوتيوب (http://www.google.com/url?sa=t&source=web&cd=1&ved=0CB0QFjAA&url=http%3A%2F%2Fwww.youtube.com%2Fwatch%3Fv%3DKmlMQtMkywo&ei=dGQoUPP0JvGa1AWF4YC4Cg&usg=AFQjCNEB5UpvJd38XENeXhgQVtaoaQGJHQ) راح تشاهدون مثل هذي الطيور

علما اني لا املك االمبلغ الضخم
عندي تقريبا من1000 الى 1500 ريال سعودي
وايش المحلات اللي تنصحوني فيها
علما اني من الرياض

[نـــاصر]

ب الانتظار الخبراء ؟

[مكاو 888]

اخوي اشتري فرخ كاسكو هولندي

[ahmad radwan]

لو انك كاتب الموضوع من زمان كان عندي اليفين نفس الفيديو ونفس النواع بس الذكر مات عضضته البسة والانثى بعتها بـــ 40
معليش حكيتك قصة حياتي
اذا انت في الرياض رح سوق الحمام تلقى مثلهم واليفين والجوز على 100 ريال

[نـــاصر]

طيب لو خذيت كاسكو هولندي عمره ٤ شهور ؟
كم سعره ! وهل تنصحوني اشتريه

وبعدين ي احمد رضوان ؟
هالطيور وش ينقال عليها !
وهل هي اليفة وممكن تتكاثر وتنتج ؟
وكم سعرها ؟ وهل تنصحني اشتريها ؟

[بلاك بيري]

انصحك بفرخ افريقي رمادي حاليا تعلم عليه بعدها ممكن نفكر بالتغير

[old-alkasiko]

لا أنصحك بشراء الهولندي حاليا لسببين المبلغ إللى معاك ما يكفي قيمته والهولندي يبي له عناية أكثر من الإفريقي الصيد ... الأفضل لك حاليا فرخ إفريقي بعمر 6 شهور ..

[نـــاصر]

طيب ي الربع
وش تنصحوني اشتري من اي محل
وفيه شخص يقول عندي هولندي كاسكو
عمره ٤ شهور
كم توقعاتكم سعره ؟
وشكرا لكم جميعا

[نـــاصر]

+
دخل في مزاجي هاللي اسمه ببغاء مكاو
كم سعره
وافضل مكان اشتريه منه ؟

[عشقي البلوفرنتد]

المكاو غالي من ٥٠٠٠ الى ٧٠٠٠ الفررخ
انصححك بالافريقي ٦ شهووور اليف جدا
تحصل ب ١٣٠٠الى١٥٠٠
بالتوفيييق

[سلتوح]

نصيحتي خذلك فرخ افريقي بدل عن الهولندي

ّ~تقبل مروري~

[حايلي111]

1500 خوذ لك فرخ كاسكو يمكن يوصل 1600 تحصله بسوق الحمام الي بالعزيزيه ع طريق الخرج والتشاليح ولو تروح الميس والجمعه تحصل اكثر بالحراج بنفس الموقع. اقتنه ودربه والتفريخ والتكاثر هذي يبي لها وجع راس وخبره وقليل من هواة الطيور تجرأ وجربها . اقتنه للعب والوناسه واترك عنك التفريخ . بالتوفيق .

[نـــاصر]

^
طيب ي جماعة انا بطلع معا اخواني ب ثاني العيد ل دبي
وسمعت ان فيه سوق الحمام بالشارقة
هل ب احصل اسعار وطيور قريبة من سعودي
وهل راح تكون فيه صعوبة ب الرجوع
وخاصا ان السفر ع خط
اي ان الحدود والجمارك راح تقول ممنوع يطلع طير ؟
وشكرا

[ahmad radwan]

وبعدين ي احمد رضوان ؟
هالطيور وش ينقال عليها !
جميله ورائعة ولكن مناعتها ضعيفة
وهل هي اليفة وممكن تتكاثر وتنتج ؟
مو كلها لازم تشتري واحد مدرب او انك تشتري فرخ وتدربه ونعم تتكاثر وتنتج وبسهولة

وكم سعرها ؟ وهل تنصحني اشتريها ؟[/QUOTE]

في المحلات اسعارها تترواح من 50 الى 120 اكثر من كذا غالي
انا اخذت جوز اليف بـــ 140 مع القفص

اشتريتها من حراج الطيور في الرياض وتاكد من صحتهم واعمارهم

[نـــاصر]

^
طيب ي جماعة انا بطلع معا اخواني ب ثاني العيد ل دبي
وسمعت ان فيه سوق الحمام بالشارقة
هل ب احصل اسعار وطيور قريبة من سعودي
وهل راح تكون فيه صعوبة ب الرجوع
وخاصا ان السفر ع خط
اي ان الحدود والجمارك راح تقول ممنوع يطلع طير ؟
وشكرا

[بكاتشو]

السلام عليكم
اخوي ناصر لا يمكن لك ادخال الببغاء او اي طير من المنفذ لانه ممنوع ادخال الطيور ويوجد منع لإدخال الطيور من ايام إنفلونزا الطيور وحتى الان ساري

[سلتوح]

اهلين اخوي ناصر نعم بئمكانك ادخال الطير ولاكن قبل لازم تمر على البيطريين هناك ليفحصوه من الامراض واذا كان سليم يعطونك ورقه وبئمكانك ادخال الطير<هذي الطريقه الي اسويها في البحرين

انت اسئل البائعين هناك وستفسر من الممكن ان تكون الطريه نفسها

~تقبل مروري~