إستفسار بخصوص الـ Ball Python

[عآشق الثعآبين]

اخباركم يا شبااب ان شااء الله الجميع بخير

شبااب انا اشتريت قبل كم يوم بول بايثن عمرها 3 سنوات وطولها تقريبا حدود 1,40 سم بس لما اخذتها كانت بتغير جلده وانتم عارفين الاصح انو ما توكل الثعبان وهو بيغير الجلد والحين مغيرته بس المشكله الى الحين لها فوق 4 ايام وعينها اليمين باقي رصاصي ما رجع لونها الطبيعي واللي مضيق صدري اكثر اني حاط لها فار من امس العصر والى الحين ما اكلته بس اذا قرب منها عضته وخلتها يهرب منها , وقبل الفار حطيت لها وبر صغير ونفس الحكايه .

نبي فزعتكم يا اهل الخبره بهالموضوع و وش الحل

[عآشق الثعآبين]

شباااب من امس منزل الموضوع ولا فيه احد فزع لي بالله افيدوني وش الحل او وش المشكله وايش الطرق السليمه المفروض اني اتبعه

[بلاك بيري]

اهلا بك اخي الفاضل

بخصوص ما تفضلت هاذي مشكله شائعه عن البول بايثن وهي فقدانها للشهيه الغير مبرر وبشكل فجائي
عاده ما يكون السبب هو تغير الجو او عدم وجود المخبأ داخل الحوض المخصص ننصحك بتبيت درجه الحراره للأصله واستخدام لمبه تكون فوق صحن الماء حتى تعطي نوعا من الرطوبه على المكان وخليها اسبوع وبعدها عيد تقديم الفار لها مره اخرى

ملاحظه \\ لا ينصح بوضع الفار مده طويله عند الأصله لأنها ان ما اكلته وهاجمته فور وصوله لديها اعرف انها ما رح تهاجمه ولا بتغير رايها

تحياتي

[عآشق الثعآبين]

ربي يسعدك اخوي بلاك بيري ما قصرت على الافاده لاكن بخصوص اللمبه يعني الحين الجو عندنا مو ثابت والحوض درجة حرارته متفاوته ما بين الـ31 الى 25 درجه ولا قدرة اثبتها مثلا على الـ28 واخاف لما اشغل اللمبه راح ترفع درجة الحراره فوق الـ30 والجو هذا ما يناسبها وياليت تفيدني من ناحية تثبيت درجة الحرااره ومن ناحية اخرى عينها اليمين مثل ما قلت لك باقي لونها رصاصي مع العلم ان عينها اليسار رجعت طبيعيه والجلد بدلته ما عدا جلد بطنها وصار لها تقريبا اسبوع وهي على ذالحاله ...؟ مادري وش الحكايه بالضبط اما المخبا الى الحين ما وفرته لها والرطوبه ما يوجد عندي قياس لدرجة الرطوبه لاكن انا كل يوم اعطيها من 2 الى 4 رشات بمرش المويا من اجل توفير رطوبه

[|| PyTHoN ||]

حاول تسبحها عشان يترطب الجلد و تشيله بإيدك بس يكون
كأنك تمسح لناحيه بعدين بشكل دائري عشان تشيله ،
السبب الرطوبه كانت منخفضه بالجلد يتشقق و من حظك
انشق الي على العين ، الله يعينك ^^"

درجة الحراره يعتمد عالمكان الي انت حاطها فيه ، يعني انا
الغرفه نفسها خليت المكيف لها 28 و ريحت بالي ، سو نفس
الشي أسهل بدال ما انك تجرب بهاللمبات و شنو الي بيثبت
معاك و تشيل و تحط ..

و بالتوفيق

[عآشق الثعآبين]

ماقصرت يا مشرفنا العزيز اخ بايثن على التوضيح وبحاول اسوي اللي قلته لي وان شااء الله يضبط معاي

[عآشق الثعآبين]

فعلا ضبطت معاي اخ بايثن وقدرت اشيل الجلد اللي على العين وبكل سهوله الحمدلله
فعلا ما قصرت معاي وبيض الله وجهك ولا يهون اخونا الاخ بلاك بيري