الببغاء هون ماياكل من يدي؟؟ [الأرشيف]

مشاهدة النسخة كاملة : الببغاء هون ماياكل من يدي؟؟

لومينا

13-08-2012, 02:38 PM

السلام عليكم
اخواني مو حاب اطول عليكم بس ابي اعرف هل شي مؤقت لو بيطول
عندي ببغاء افريقي
اخذته اسبوع
والحين اسبوع الثاني
كنت اول حاطه في قفص حلو بس صغير بلنسبه لي اما للطير كبير
كان عندي عادي ياكل من يدي ولا عنده حاجه
جبت له قفص كبير يعني بدلع طيري
وحطيته فيه
وهون ما ياكل من يدي
مادري ليش بس ياخذ الحب من يدي ويرميه وبس اجيب الفول السوداني ياخذه من يدي ويوخر

وعندي مشكله ثانيه
طبعا الطير ما يجاعر
اذا حطيته في فوطه ووخرته عن القفص ابي امسح على راسه يخليني بس يعضض في الفوطه وماسكه بقوه لانه يقااوم ويبي ينحاش من الفوطه
كل ما ينحاش من الفوطه اعود امسكه وامسح عليه
ولحد الحين ما كو جديد اخاف بكره اول ماوصل يمه يجااعر
احس كل يوم يخاف مني اكثر
وش اسوي
بليييييييز ساعدوني
واسمحولي للاطاله بس للشرح

بلاك بيري

13-08-2012, 02:49 PM

اهلا وسهلا

اخوي انصحك ترجع طيرك للشبك القديم وتستمر بتأكيله من يدك وخليه على الشبك الصغير دام انك في مرحله تعارف مع الطير واتمنى منك ان توقف طريقه المنشفه حاليا وحاول تخلي احد يقص لك الجناحين قصه احترافيه وخلي طيرك على الأستاند حتى يتعود على الوضع وعلى المكان الي هو فيه

لومينا

13-08-2012, 03:01 PM

فديتك على الرد
الجناحين شريته وهو مقصوصين
بلنسبه للقفص القديم راح اسوي نصيحتك
بس متى الوقت المناسب الي اطلع الطير من القفص
وكم من الوقت اخليه برى القفص
وبصراحه ما عندي استاند
والقفص حاطه في زاوية الغرفه فوق الطاوله يعني رفيع عن الارض ولا اعلق القفص احسن
بس بصراحه الطير كلا يبي ينام
اذا وخرت عنه بس تشوفه واقف على العصى ولا يتحرك الا قليل
وبس اجي منه اشوفه يتحرك احط يدي يعضني عادي
وبس اوخر عنه يبي ينااام :)

بلاك بيري

13-08-2012, 05:11 PM

ان كان عمره فوق السنتين انصحك بأستخدام مضاد للديدان

وانصحك بمحاوله تنشيط طيرك بوضعه في مكان عام او بجانب تلفزيون او خليه قبال مرايه

وانصحك بتشميسه واعطائه فيتامينات عامه

وانصحك اخيرا بجعل الطير خارج الشبك يوميا 6 ساعات واضمن انه ينام 12 ساعه

موفق بكل خير

لومينا

13-08-2012, 08:21 PM

لومينا

13-08-2012, 09:12 PM

http://im20.gulfup.com/2012-08-13/1344881401871.jpg
هاذا هو ببغائي قولو ماشاء الله:)

لومينا

14-08-2012, 01:48 PM

افاااا ماكو رد:confused:

عاشق دبل هد

14-08-2012, 02:52 PM

فديتك
6 ساعات متواصله في اليوم برى القفص علم
12 ساعه اتوقع ينااام اوكي
عمر الي عندي 6 شهور تغريبا
طيب اشقد كبر المرايا كبر القفص لو اصغر
وهل المرايا تكون برى القفص لو داخل القفص
هو بنظف ريشه بستمراار واطلعه في الشمس كل 3 او 4 ايام
يعني في السبوع مرتين هل تكفي
وعندي سؤال يا الغلا
كم يحتاج الطائر من وقت لكي يكون طائر اليف؟
واسمحلي يا الغلا على كثر الاسأله

المرايا عادية تكون برا القفص مقابلة للطائر حجم وسط عادي
والطير يحتاج له شويت صبر حتي يحس بالامان في البيت ويألفك ويتعود عليك وانت تحاول تولفه حبة حبة وكل طير ويستجيب بطريقه وموجود بالقسم عدة طرق وجلسات في اليوم لمده نصف ساعه
لكن الاهم لاتبدأ بجلسات توليف للطير الي حينما يكون في تمام الصحة والعافية
وتقبل مروري

عاشق دبل هد

14-08-2012, 02:54 PM

ماشاء الله تبارك الله على الطير جميل يتربى بعزك

عشقي البلوفرنتد

14-08-2012, 05:08 PM

ما قصروا الاخوان لكن في نصيحه فاتت عليك
حطها في بالك ً
اي طير تجيبه لا تطلعه الا بعد ما تحسه يبيگ ويبي يجيك ويتحمممممس لك
(هو يجيك مو انت تجيه )
(عشان ما ياخذ منك موقف ويتغير الطيررر عليك)
بالتوفيييييييييق

لومينا

15-08-2012, 02:51 AM

مشكورين على الردوود
يعطيك الف عافيه دبل هد
ويعطيك الف عافيه البلوفرنتد
بصراحه استفد كثر منكم بصراحه دبل هد
كنت عارف طرق الترويض وغيرها من معاملات الطير ومن سلوكياته
طبعا المنتدى مو مقصر فيه الكثير من المعلومات المفيده والشبااب ماا شاء الله مبدعين
يعطيكم الف عافيه للردود والنصائح المفيده