احد عنده علاح للخيل __؟؟! الله يجزاكم خير ادخلوو

[أم منيف القصيم]

السلام عليكم

عند اهلي خيل نفس اللي بالصوره هاذا له سنه ماقلم وبعدين صار كذا مادري وش الحل بوه

ياليت احد يقولي وش اسوي بوه

حرآم يصير بوه كذآ لو اخسر فلوس بس يتعالج

http://www3.0zz0.com/2012/08/14/21/480886962.jpg (http://www.0zz0.com)

[خيال العروبه]

هلا واغلا اختي ام منيف

ياليت لو تحضرنا صورة للحصان نفسة

وتصوير المكان الذي يشكو منة

مع وصف الحالة ليتم مساعدك اختي بالله

ننتظرك ....

[أم منيف القصيم]

بعضهم يقول الوتر وبعضهم يقول الرمانه


وبعضهم يقول لازم نسوي له شق تحت الحافر عشان يطلع الدم الفاسد وبعدين يمشي زين

تراا للمعلوميه بس بأيدينه مايمشي متقوسات

[الخبراء]

با الكلام و الوصف محد عارفه

عندي الحصان الحين له اسبوعين منتفخ الي بين الحافر و الرمانه صاير قطعه وحده سالت دكتور وصرفلي علاج ( هوايه ما يثاق با الدكاتره ) و امر الثاني و يصفر لي علاج ثاني و الثالث ويصرف علاج ثالث و با الاخير صفيت على مضاد حيوي و ابره ما ادري وشيهيله بس اضنه ملين للوتر او زي كذا + زنك للجروح + بخاخ جروح + مرهم عضلات ( ادمي ) +ديتول اغسل رجله و مره تخف الرجل ومره ترجع مثل اول و الى الحين اتحراء الدكتور يرجع من السفر علشان يشوفه + انا عندي سفره ما ادري ون ابدي نفسي او الحصان :freind:

بس عندكم بالقصيم راعين الخيل واجد اقرب واحد يشطف من اهل الخيل يعطيكم العلم
مهب مثل ربعنى كل واحد يفق خشته اذا قلت عندي حصان تعبان بس يبي يجي معك و يغير جو و يتفلسف عليك و ياخذ الي بمخباتك و با الاخير يصرف لك زيت البروفيل تحطه على الرجل ( زيت البروفيل منب متاكد من صحه الاسم بس سالت عنه وطلع شراب و ملين للمعده )

[أم منيف القصيم]

هههههههههه زيت البروفيل

اقول عندنا بالقصيم مربين خيول ومعالجين بنفس الوقت بس للاسف نصابين يشوف خيلك ويقول هاذا ماله علاج

مامنه فايده ويقولك تبيعه علي بالف واذا بعته وشفته من بكرا عنده

لقيت الخيل نشيط

[أم منيف القصيم]

على فكره رحت لبيطري وصورت الحافر له قال لزوم الجبص

قلت خلاص متا تجي تسويه لي تتوقعون وش رد ههههههه

قال معرفش ((!! قلت ببالي انت وشوله جاي

تخيلت نفسي اجبص الخيل ههههه

صدق عندنا بيطريين مامنهم فايده بس يقعد يقرق بدون يشتغل

[خيال العروبه]

هلا وغلا

لماذا الحكم على الشق تحت الحافر للاخراج الدم الفاسد

هذه الطريقة للخيول المصابة بالحُمرة ( حمى الحافر ) ويجب التاكد من هذه الحالة

وفحص الجواد

اذا كان يعاني من الاعراض التالية في نفس الوقت :

1- ليونة شديدة بالحافر
2- العرج القوي
3- الارهاق الشديد

هذه حالات مختصر عن الحمرة ابعدها الله عنكم وعنا

ــــــــــــــــــــــــــــــــــــــــــــــــــــ

يجب لمس الورم والتاكد منة لعله ليس مرض مزمن

لعله يكون مصاب بالمويات وهي وجود النشويات الزائدة في الاقدام

من اسفل الرمانة الى الوتر على شكل سائل !

اذا كانت هذه الحالة في الجواد يجب تمشيتة حتى يشفى باذن الله

مع قطع الاسباب المؤدية للنشويات الا وهو الشعير يحتوي على نسبة كبيرة من النشويات

ـــــــــــــــــــــــــــــــــــــــــــــ

لو سمحتي اختي الغالية التقوس اين يجد هل بالوتر ؟

اذا كان بالوتر معناها ان الجواد مصاب ب تليف الوتر

افدتك حسب وصفك يا اختي الغالية وهذا كلة مجرد ارشادات للتاكد

وقطع الشك باليقين فقط :)

واتمنى مرة اخرى وصف حالة الجواد لتتم المساعدة بالشكل الصحيح :)

وفقنا الله واياكم بما يحب ويرضى

[أم منيف القصيم]

اخوي خيال العروبه ليت تفتح لي خاصيه الرسائل الخاصه ابيك بموضوع