رأي من قام بالتجربة

[دندنة]

السلام عليكم ورحمة الله وبركاتة


عندي بغبغاء نيجيري أشتريتة يجعر ويخاف
غيرت لة القفص كان صغير وشريت له واحد كبير
ويكان يخاف اكثر إذا أحد قرب منة
خليت الطير قريب مني يعني بدل ما يكون معلق في الجدر يكون على طاولة قليلة الارتفاع
الحمد لله بطل يجعر !!!!
مو هنا الكلام
الكلام إني ابغى الطير يكون اليف ويطلع على اليد والطير اللي عني عكس كذا يعض ويقطم اليد
اطلعت على مواضيع كثير تخص هذا الشأن
في توليف الطير ومنها المواضيع الموجودة في هذا المنتدى
ويوجد اساليب كثيرة وطرق عدة جدا
وما رايكم في الطريقة التي يستخدمون فيها القفاز للامساك بالطير و التمسيد علية
علما بأن الطير له الان ما يقارب 3 أشهر مدلعةةةةةةةةةةةةةة على الاخر ويصفر كل تصفيرة اقوله واعلمها له



وأن جدا متحمس ومحتار لكي ابدا معاه هذه الطريقة

[زعيم اسيا]

8
8
ننتضر المختصين ليجااوبوون على سؤالك

بانتضاركم

[كاسكو البحرين]

انا اقول لاتستخدم هذه الطريقة عشان في المستقبل ان شاء الله
تكون العلاقة بينك وبين الطير علاقة محبه مو علاقة خوف وإذلال
لانه هذه طريقة التمسيد تخيف الطير وعند ماتقوم بالمسح عليه
راح يجعر لحد ما يأيس من حياته ويبطل الصراخ يعني نقدر نقول
الطير في هذه الحاله تم قطع الجعير من خوفه والغصب عليه

أنصحك تتبع هذه الطريقة وقولي بعدها شنو صار معك
ولاتنسى الطير على حسب كلامك صغير يعني هذا العمر
راح يتقبل التدريب وهو بمزاج جيد وبدون عناد يعني مافي تعب ان شاء الله

الطريقة :

طبعاً الشيئ اللي سويته انك خليت القفص جنبك هذه نقطة ممتازة جداً
وكل ما كثرت الجلسات بجانب الطير كان أفضل وهذه أحد نقاط الترويض
يعني مش لازم يكون ضرب وصراخ عشان نسمي هذا ترويض فطريقتك
ممتازة وهي الجلوس جنب الطير أغلب الاوقات

عموماً

انا استخدمت طريقة إدخال اليد داخل القفص والحمد لله جابت نتيجة ممتازة جداً ومع ان
الطير اللي استخدمت معاه هذه الطريقة كان وحشي للغاية يعني يعض ويجاعر ولكن الحين
عكس هذا تماماً ، اول شي شيل إناء الماء والأكل عشان مايكون هناك ربشة في القفص لانه
اول مره تستخدم هذه الطريقة راح يكون طيرك في حالة تأجج كبرى :cool: يعني يطير يمين يسار
عشان يهرب من يدك ولاعليك هذا اول مره طبيعي تكون ردة فعل الطير كذا ، حاول إدخال يد واحده
بهدوء تام وببطئ وانت تكلم معاه مثلاً تنادي الطير بإسمه وتغرد له وستلاحظ الطير ياخذ على جانب من القفص إختبائاً عنك وعن يدك ، اهم شي انت ماتكون حركاتك سريعة وحذاري من الحركات المفاجأة يعني لو حاول يعضك او مر يم يدك لاتحاول تبين للطير إنك خايف ابداً فنتبه لهذه النقطة لأن مهمه جداً ، حاول اول يومين بإدخال يدك بدون محاولة لمس الطير وبعد يومين حاول تقرب الى الطير وملامسته بشيئ بسيط جداً ، هذه الطريقة إستخدمها ثلاث مرات كل يوم اذا ممكن فهذا يعتمد على وقتك للطير وبمدة 15 دقيقة كل مره ، اركز يدك على عصاة الطير ومحاولة تحريكها ومع الأيام حاول تقريب اليد الى الطير وبتلاحظ في كل يوم يكون الهروب والخوف يقل تدريجياً
وأهم شي لاتقطع هذا التدريب اذا تبي نتيجة وايضاً هناك نقطة مهمة بإنك تكون متدرج في وقت اللي تريد تلامس الطير لاتروح على طول منطقة الرأس او الظهر ابدأ من الأرجل والفخذين ومن ثم الصدر ..... إلخ ، بدون ملل وبدون يأس ستحصل على النتيجة ان شاء الله والصبر مفتاح الفرج
وهذه كلام عن تجربة ليش من كلام فاظي :p وطريقة صعود اليد هذه ان شاء الله عقب ماتجاوز
هذه الفترة راح نقول لك الطريقة وهي طريقة العصاتين :D

تحية لك

[دندنة]

حبيبي كاسكو البحرين
السلام عليكم
في تطوارات رهيبة حصلت
طلب بسيط عشان أثبت لك كيف انزل مقطع فديو وشكرا
وإستفسار بسيط
هل البس في يدي قفاز؟؟
او بدون
لاني افضل الاولى لان عضة النيجيري تخلي اصباعك بدون لحم
وشكرا

[كاسكو البحرين]

حبيبي كاسكو البحرين
السلام عليكم
في تطوارات رهيبة حصلت
طلب بسيط عشان أثبت لك كيف انزل مقطع فديو وشكرا
وإستفسار بسيط
هل البس في يدي قفاز؟؟
او بدون
لاني افضل الاولى لان عضة النيجيري تخلي اصباعك بدون لحم
وشكرا


بدون قفاز لانه القفاز يخيف الطير ولاتخاف الطير مابعض
مجرد بحاول الهرب فقط

[دندنة]

بعد مشاركتي الاولى حاولت التفكير جيدا في طريقة القفاز ولكن خطرت لي فكرة ,الطير عندي ياخذ الاكل من يدي وهو داخل القفص
استغلت هذه النقطة بأن اطعمه الحب الشمسي ( الفصفص) بيدي وفي نفس الوقت أحاول المسح أعلى المنقار على خشمة طبعا هو يحاول ان يأخذ الحب الشمسي بالقوة وانا احاول التمويه عنه لمدة 5 دقائق بعدين اعطية اياها في لحظة ما امسح على راسة يستغرب فعل هذا الشي , والبغبغاوات عموما تحب ان تمسد عليها سوا كان نيجيري أو مكاو أو امزون او كوكاتو وكانت النتيجة كالتالي
يا اخوان ما اعرف كرف انزل مقطع فديو حجمة 1.46 m

[AL-MOHANDES]

مشكور ياكاسكو على االطريقه