البورمس قرر يغير جلده

[عاشق عود]

أبشركم أصلتي الدبه قررت تغير جلدها

لاحظت عيونها زرقت وجلدها بعد لونه تغير
عرفت انها بتدخل مرحلة تغيير الجلد

السؤال هنا كم درجة الرطوبة المناسبة

مع العلم درجة الرطوبة بدون رش 55

مع رش خفيف جدا توصل 62 او 65

وبعد كم ساعه ترجع 55 او 52

مع رش متوسط لكامل الحوض توصل فوق 70

مع رش زجاج الحوض من جميع الجهات توصل فوق 80


انا سمعت ان الرطوبة اذا تعدت 75 تصير ضاره ويتكون فقاعات على جلد الثعبان وقد تتسبب في وفاته اذا ما عولجت وهنا ما فيه بيطريين يعني اي مرض بيجيه اعتبره مات خلاص



وش رايكم
كم انسب درجة للرطوبة
مع اني احس مقياس الرطوبة عندي غير دقيق 100 %

[ريان!]

70% مناسب وممكن تشيل جلدها برطوبه اقل من كذا ..
وانا اشوف انك ماتبدا ترفع الرطوبه الا اذا رجعت عينها طبيعيه
اذا رجعت عينها طبيعيه بيومين راح تشيل الجلد ان شاء الله
موفق

[mohannad93]

اخوي خل الرطوبه من 70 - 80 %
وزي ما تفضل اخوي ريان يفضل انك ترفعها بعد ما ترجع عين الثعبان للونها الطبيعي
لانه بعد ما ترجع عينه لوونها راح يبدأ بتغيير الجلد
حاليا خليها ع 60%

واللي قولك فوق 70 يموت الثعبان ما عليك منه
انا مرات توصل عندي 90 و100
والحمد لله البورميس عايش وباحسن حال

ومو مشكله لو كان مقياسك مو دقيق
لانه ما يبي درحة رطوبه دقيقه
يعني 70 - 80 او حولهم تكون ممتازه

[عآشق الثعآبين]

طيب ياشبااب اللي لحس مخي وجنني مقياس الرطوبه تعبت وانا ادور عليه والى الان ما حصلته مع العلم اني رحت لمحلات الحيوان بالرياض ويقولون مخلص عندهم وانا من حايل وكل ماجيت محل اسأل عن جهاز قياس درجة الرطوبه يهز راسه صاحب المحل ويقول ماعمري سمعت عنه بالله عليكم عطوني حل لهسالفه

[عآشق الثعآبين]

يا شبااب اللي عنده اصلات نوع بورميس او البينو ياليت يكلمني خاص وبشرط انه يكون باحد المناطق التاليه الرياض ، القصيم ، الشرقيه ، حائل .

ويكونون صغار بالعمر وسعرهم معقول الطول المطلوب من تقريبا الـ 70 سم الى الـ 1 متر ولا يزيد عن المتر واكون لكم من الشاكرين

[mohannad93]

اخوي انا شريه عن طريق واحد كان معلن بالنت
دور بقوقل يمكن تلقا اعلان

ولو ما لقيت عندك شارع الضباب بالرياض فيه محلات حقت الاجهزه الطبيه
سمعت انهم يبيعونها ..

واذا ما لقيت شوف الحياه والطبيعه او جون
ودور بالصيدليات البيطريه

الله يعينك ببتمشور شوي .. المشكله ولا شي منهم مضمون
اقولك من الحين عشان ما تدعي علي هع

وبالتوفيق اخوي

[عاشق عود]

مشكووورين يا شباب عالدعم

بالنسبة لك عآآشق الثعابين الجهاز انا قلت لك من قبل موجود عند المستلزمات الطبيه
انا حصلته عندهم وفي انواع مختلفة بعد

[عآشق الثعآبين]

يارجال ما حصلته قسم بالله افتر راسي حتى المستلزمات الطبيه اروح لاكبر المحلات ويقولي والله هالجهاز ما سمعت فيه ولا قد جاني احد وطلبه علشان كذا ما وفرناه قسم بالله جابولي المرض

[عاشق عود]

يارجال ما حصلته قسم بالله افتر راسي حتى المستلزمات الطبيه اروح لاكبر المحلات ويقولي والله هالجهاز ما سمعت فيه ولا قد جاني احد وطلبه علشان كذا ما وفرناه قسم بالله جابولي المرض
اذا تقدر تطلب من النت باجيب لك الرابط من الامازون


طيب يا شباب هذا رابع يوم او خامس يوم من صارت عيونها زرق
ولا فكرت تفصخ جلدها
نفس الشي نااااايمه ما تتحرك

[ريان!]

عادي اصبر لاتستعجل
بس رجعت عينها طبيعيه ولا باقي ؟

[mohannad93]

طبيعي جدا
انت بس ارفع الرطوبه
وحط جمبه مويه يسبح فيها
وفهاليومين ان شاء الله بيرجع لون عينه طبيعي وبعدها يغير الجلد

[وعدمنساك]

انا البورميس اللي عندي جلست اسبوع في الماء وامس غيرت جلدها كامل والحمدالله صحتها ممتازه واليوم اكلت صوصين دجاج

[عآشق الثعآبين]

تسلم اخوي عاشق اذا قدرت تجيبه اكون لك من الشاكرين ربي يسعدك

[عاشق عود]

مشكووورين يا شباب عالردود
انا مستعجل بزياده لاني بسافر بعد يومين او ثلاث
وودي تغير جلدها الفتره هذي عشان اكون موجود اتابع الرطوبة

اذا سافرت الرطوبة بترجع 50
وبخصوص قعدتها بالمويه ( ما بتكون بارده عليها ) ؟؟؟؟؟
انا احط اصبعي بالمويه القاها بارده اخاف تموت لو تجلس فيها

وهذي الروابط يا عاشق الثعابين
http://www.amazon.com/gp/product/B0042524XK/ref=s9_simh_gw_p199_d21_i2?pf_rd_m=ATVPDKIKX0DER&pf_rd_s=center-3&pf_rd_r=002ZH5EARMF5TVW6FM9N&pf_rd_t=101&pf_rd_p=470938811&pf_rd_i=507846

http://www.amazon.com/gp/product/B004PBB1JE/ref=s9_simh_gw_p199_d21_i5?pf_rd_m=ATVPDKIKX0DER&pf_rd_s=center-3&pf_rd_r=002ZH5EARMF5TVW6FM9N&pf_rd_t=101&pf_rd_p=470938811&pf_rd_i=507846

[ريان!]

حبيبي الثعبان مو غبيه اذا كانت المويه بارده هي مستحيل تجلس فيها وتحاول تهرب وتطلع صوت فحيح اذا كان بارد مره

انت خله دافي وحطها فيه وخلها

[عآشق الثعآبين]

ماقصرت تسلم يمينك لا عدمناك يا عاشق