البول بايثون ليش ما تتحرك

[عآشق الثعآبين]

شبااب البايثون عندي مس مختبيه جو غرفتها ولا تطلع ابد ودرجة الحراره متفاوته بين الـ26 لـ 33 وبنفس الوقت ما تطلع بس منخشه والمويا ماقد شفتها طلعت مدري وش سالفتها وتوني مسبحها ولما رجعتها على طول فركت لجوا ولا ادري وش مشكلتها اخااف تكون مريضه او شي والحين فاسخه جلدها وباقي بطنها بس صار لها اسبوعين حتى الاكل ما تاكل شرايكم اجبرها على الاكل اليوم ولا اصبر عليها يومين وارجع اقدم لها الوجبه

نبي تعليقاتكم على الموضوع ياشبااب لا تحرمونا من اقترحاتكم ومشاركتكم

[ريان!]

عادي هذي عادتها

بس الجلد تقولي بطنها مافصخته ؟
خلاص اذا هي فصخت الجلد مره وحده وباقي بقايا جلد , ماراح تقشرهها بنفسها , لازم انت تقشرها بيدك
وبخصوص الاكل خلها بالبيت حقها لاتشيلها ولا شي خلها هاليومين وبعدها اعرض عليها الاكل , وبتاكل ان شاء الله

[عآشق الثعآبين]

طيب ريان انزلها الوبر بحوضها ولا الفار اعزكم الله ومع العلم انها مو صغيرها يعني طولها مابين الـ140 الى الـ150 سم يعني تقدر على الوبر ولا وش رايك

[ريان!]

شوف حجم اكبر شي بجسم الثعبان وقيسه على جسم الوبر
يعني لاتعطيها شي اكبر من حجمها بكثير
الفار الكبير او الهامستر احسه مناسب لها

[عآشق الثعآبين]

الوبر صغير اللي جايبه لها لسى كتكوت مكتكت بس المشكله يا رجال احس انه مو اصله احس انها نعجه يا رجال اول ما اخذتها كانت عدوانيه شوي وخليته اكثر من مره تعضني لين طاح اللي براسه ودرت ان مافيه امل بس المشكله احس انه خكريه لازم اوكلها انا غصب مو راضيه تاكل يخرب بيته

ما قصرت خيوو رياان وانا بصبر عليها يومين وبعده اذا هو اصله ولد اصله لا يكال وربي لا اصبخ فيه خخخخخ

[mohannad93]

اخوي الاصله تطلع لسانها طبيعي ؟؟

وشمسها الصباح ع وقت الشروق لمدة نص ساعه
والليل اعطيها الوجيه , اعطيها الفريسه اللي هي متعوده عليه

وبالتوفيق اخوي ..

[عآشق الثعآبين]

والله يالغالي كل شي فيها طبيعي ماغير انها بس مختبيه واذا طلعتها كل شي فيها طبيعي حركتها ولسانها وفوق كذا اشمسها كل يومين الى 3 ايام لمده مابين الربع ساعه الى النص ساعه والتسبيح نفس الحكايه كل يومين الى 3 ايام بس مدري وش الحكايه ودرجة الحرااره بالحوض ممتازه وحيرتني سراحه ولا ادري وش الموضوع شكلي بذبح الفار واحاول اجبرها على اكله

[mohannad93]

عموما انها ما تتحرك طبيعي جدا
هذي حياة الثعابين نووووم واذا جاعت تدور اكل
وخصتاً البول بايثون من اهدى الثعابين

فما عليها خوف ان شاء الله

وبالنسبه للاكل
هي وش تاكل بالعاده ؟
ممكن تكون متعوده عالكتاكيت
او ممكن حجم الفار كبير
او ممكن انها شبعانه .. متى اخر وجبه ؟
وهل طلعت فضلات اخر وجبه ولا لا ؟

[عآشق الثعآبين]

انا ماصار لي اسبوعين من اخذتها وكانت تغير جلدها وعلشان كذا ما الحيت على انها تاكل قبل اخذها ومن ناحية اعزك الله فضلاتها ماطلعت شي عندي من اخذتها ولا ادري وش النوع اللي متعوده انها تاكله من القوارض او الصيصان بس من جد مستغرب منها اكل مو راضيه طبعا مشوي اجبرتها على صغير فار وكلتها اياه بالغصب وكلته صار لها ساعتين من وكلتها اياه وانا متوقع انها بترجعه او شي زي كذا ولا ادري وش المشكله ياخوي

[عاشق عود]

هي الأصلات كذا هااااادية جدا

الأصلة اللي عندي انا سبق وشكيت عالشباب منها
وقلت نفس كلامك انها باااارد وحركتها قليلة
وهي فعلا كذا ما عدا اذا جاااعت يجيها هستيريا تقوم تفر الحوض وتحاول تطلع

بعد الأكل اسبوعين ثلاثه ما عاد تتحرك

[mohannad93]

انا ماصار لي اسبوعين من اخذتها وكانت تغير جلدها وعلشان كذا ما الحيت على انها تاكل قبل اخذها ومن ناحية اعزك الله فضلاتها ماطلعت شي عندي من اخذتها ولا ادري وش النوع اللي متعوده انها تاكله من القوارض او الصيصان بس من جد مستغرب منها اكل مو راضيه طبعا مشوي اجبرتها على صغير فار وكلتها اياه بالغصب وكلته صار لها ساعتين من وكلتها اياه وانا متوقع انها بترجعه او شي زي كذا ولا ادري وش المشكله ياخوي


اول غلط انك اخذت ثعبان بدون ما ياكل قدامك وخاصتاً البول بايثون
والشي الثاني لازم تسال راعيها السابق عن الوجبه اللي متعوده عليها
وكل الثعابين تخرج فضلاتها الله يكرمك وقت تغيير الجلد
يعني ثعبانك فبطنه فضلات وبعض الثعابين ما تاكل الا بعد ما تخرج

عالعموم الحمد لله انها اكلت
لكن المصيبه اذا كل مره بتجبرها عالاكل

بعد بكره او بعده حطها بماء دافي وخليها تسبح فتره طويله
وان شاء الله بتخرج اللي ببطنها
وبعدها كلم راعيها الاول واساله عن الاكل اللي متعوده عليه
وجرب تعطيها اللي يقول
واذا ما اكلت رجعها له
لانك بتجبرها عالاكل كل مره

وان شاء الله بتاكل من نفسها
وبالتوفيق

[عآشق الثعآبين]

عاشق العود والله محد جايه هستيريا غيري انا ههههه ولا هي مبسوطها تطقطق على راسي لاكن مهند على قولتك بتركها كم يوم وابي احطها بمويا دافيه بس ترا حتى الاكل اللي هي كلته ما يعتبر اكل عزكم الله فرخ فار وحبه وحده بس انا بخزن عندي نقانق احتياط اذا ماكلت وكلتها النقانق غصب