الاصله الشبكيه

[عآشق الثعآبين]

السلام عليكم

اخواني الاعزاء اعضاء ومشرفي قسمنا الجميل فكرة اني اقتني اصله شبكيه وودي انكم تتحفوني باراكم بخصوص الاصله الشبكيه الخطيره مامدا خطورتها علي او على الاطفال وكيف تكون بيئته ومتطلبات هالبيئه ، وهل هي متوفره عندنا بالسعوديه او عند احد من الشبااب وكم اسعارها حديثة الولاده .
من جد يا اخوان انا افكر فيها من يومين :wao:

[ريان!]

وعليكم السلام
اخوي ياليت قبل تسأل اي سؤال تمر على الفهرس وبتلقا اللي يفيدك ان شاء الله
http://www.2zoo.com/vb/showthread.php?t=230998
اسعارها ماعرف بالظبط لكن ارخص من البورمس
يعني ممكن تلقاها 400 - 500 للصغار
وانا اذا تبي نصيحتي ابدا بالتدريج , لاتاخذ من فوق
معك بول بايثون الحين , خذ لك بورمس , بوا . وكل ماتاخذ وحده راح تكون اكثر خبره
موفق

[jassim99]

ينقل الى قسم السؤال والجواب

مثل ماتفضل الاخ ريان القي نظره عالفهرس و اذا في سؤال اسأل واحنا بالخدمه

[عآشق الثعآبين]

الظاهر صرت شغلكم الشاغل انا بهالمنتدى خخخخخخ

ماقصرت يا ريان شاكر ومقدر لك استجابتك السريعه وان شااء الله اني احصل كل اللي ابيه بالفهرس

[عآشق الثعآبين]

تسلم اخ جاسم ما تقصر

[عاشق عود]

أنا قريت عنها وسمعت انها ما تصلح لأنها متوحشة
وممكن تعض او تعصر واحد من الوغدان ويتضرر

البيئة اعتقد زيها زي البول بايثون والبرومس
وانا من رايي تآخذ اناكوندا اذا لقيت

احسها افضل نوع في الاصلات وودي اقتني وحده بس ما لقيت

[mohannad93]

ما انصحك بها حاليا
تربيتها سهله وما يبيلها شي
زيها زي غيرها

لكن اللي متعود ع البول بايثون والبورميس ما تصلحله ابددددد
اذا ما عندك مشكله بالعض خذها
اقصد عض بدون سبب وممكن اغلب المرات اللي تمسكها فيها تعضك
وعضتها اقوى من البورميس بكثييييييير وممكن تعصر يدك وعصرتها اقوى من البورميس
واذا كبرت بتكون خطره جدا

وعموما ممكن تقعد عندك سنين ويوصل طولها 4 امتار وما تعضك ولا مره
يختلف من ثعبان لثعبان ومن مربي لمربي

وبخصوص الانكوندا
اول شي الانكوندا بؤا مو اصله
والانكوندا اشرس من الشبكيه
يعني تقريبا زي الروك بايثون


وبالتوفيق للجميع

[|| PyTHoN ||]

مثل ما قالولك فكر فيها مره و اثنين ..

انا عندي و هي صغيره يمكن قبل سنتين عضتني بدون سبب
و صارت سنه وحده بس معلقه فإيدي و سحبت نفسها و شقت
إيدي بجرح عميق ، يعني ماني متخيل و اهي كبيره تعضني =)

و المشكله انه مهما تكون متوالفه معاك تلاقيها على غفله عضت
ليش ما تدري ، لهالسبب ما ننصح تطلع من البول او البورميس بايثون
أما لو انت مقتنع بالشي هذا و مستعد انك تهتم فيها ليش لا ..

[عآشق الثعآبين]

انا لو اقولكم ممكن تضحكون علي بس بجد كلامكم حمسني لها اكثر وانا ابي بالعربي الافلام الهنديه العض والعصر ومن هالسوالف ومن ناحية البول بايثن اول ما اخذتها كانت تعض وكنت اتلقف واحد يدي عندها اخليها تعضني غصب << عادي واحد سبك خخخخخخ

لاكن من جد ما تخبرون لي وحده منهم ..؟

وشهيتها كيف مفتوحه ولا لا ، انا دخلت على الموضوع اللي اعطاني رابطه ريان بس مدري ماقدرت اعرف كيف شهيتها هل هي مثل شهيت البورميس او البول بايثن

[mohannad93]

شهيتها مفتوؤوؤوحه
واذا اكيد تبي بشوفلك الشباب
يمكن القا عندهم !

بس ع فكره ترا عضتها غييييييير

[عآشق الثعآبين]

من الناحية هذي ولا يهمك ياملك ، اي والله تكفى شفلي اذا فيه شبكيه ما تعدة المتر ياسلام اعطني خبر وكم راح يكون سعره

انتظر ردك اخوي الغالي على الخاص

[jassim99]

شراستها تختلف من وحده لي وحده

مرو علي ثنتين.... وحده تلحقنب براسها وين ما اروح (تبي تعض)..... و وحده هاديه ولا فيها اي مشاكل

بالنسبه لشهيتها بالنسبه لي اقارنها بالبورميه يعني ماعندها مشاكل مثل البول بايثون

بالتوفيق

[عآشق الثعآبين]

تسلم يا جاسم على المعلومات بس الشبكيه مهما كانة هداوتها لازم تاخذ حذرك منها

[mohannad93]

يالغالي سالت الشباب
يقولون لو لقيت احنا نبي هع

الظاهر فيه ازمة شبكيات فالسوق .. !

وبالتوفيق

[jassim99]

تسلم يا جاسم على المعلومات بس الشبكيه مهما كانة هداوتها لازم تاخذ حذرك منها

اصحح معلومتك

كل الثعابين مهما كانت هداوتها لازم تاخذ حذرك منها وعليها

بالتوفيق

[عآشق الثعآبين]

مشكور اخ جاسم على التنبيه وفعلا هذا الاصح