ساعدوني جديد في عالم القطط .. تكفون ساعدوني اقرأ المزيد هنا: سؤال و جواب - منتديات ت

[TIGER FORCE]

سلام عليكم

ساعدوني جزاكم الله خير
أنا شاري قطة صغيرة شيرازيه .. قبل يومين تقريبا .... و حاطها بالبيت في قفص كبير

أولا : وكانت رائحتها عادية .. بس مرة وحدة تبرز الله يكرمكم و ظلت فيها ريحة فتر طويلة مع الرغم اني غير الأرضية للقفص ... شالحل ؟؟

ثانيا : و ايضا طول الصباح و هي تطلع صوت .. ليه ؟؟ انا اقول يمكن من الجو .. لانه حار جدا و انا حاطها برا البيت ( في التهوية ) ..... أو يمكن بسبب تغير المكان عليها .. إن شاء الله بس فترة و تعدي

ثالثا : بالنسبة للأكل انا أعطيها بقايا دجاج مستوي من البيت و اقطعه لها صغير بس ما تاكل ألا بالموت و تاكل اشوي .. شالحل ؟ و عطوني ايش ممكن اقدر اعطيها من البيت ؟؟


انتظر فزعتكم .. لأن هذه المشاكل لازم أحلها ... و لا راحت علي القطة .. ابوي يقول بيعها أو حطها بالمزرعة ........ و انا الصراحة ودي اخيها جنبي و العب معها

انتظر تعليقاتكم .. شاكر لكم تعاونكم

[فاتـــو]

:::::::اهلين اختي :::::::
بالنسبه للرائحه الكريهه فهي غالبا تاتي من نوع الدراي فود الردئ
او زي ماتقولين انها صغيره فممكن تكون ماتنظف نفسها ومحتاجه احد ينظفها
نظفيها بعد كل ماتقضي حاجتها بقطعه قطن مبلله بماء فاتر
اما بالنسبه للصوت اذا كان زي اللهث وكان نفسها سريع فيكون من الحر
لازم ماتتركينها برا في وقت الظهر بالذات لان الجو حار مره وماراح تتحمل
بالنسبه للاكل فهي اكيد كانت متعوده على اكل المعلبات قبل لاتجيكي
يعني اصبري عليها شوي عطيها شويه دراي فود ومع شوي دجاج ورز
واخلطيهم علشان ترضا تاكلهم ومع الوقت ابداي قللي من الدراي فود
وحطي اكل بيت ممكن خضار مسلوق (بطاطس- كوسه ) بيض مسلوق
وان شاء الله ماتشوف شر ^^

[ذكريات بادجي]

اختي حرام عليكي تحطينها برا لازم في البيت خصوصا انوا عمرها صغير

لازم تحطينها بالبيت ولو حبستيها طول الوقت راح تجيها نفسيات واكتئاب لانها صغيره ومفروض تلعب

وتستمتع بهل العمر

وانتي حره

[Abo_fahed]

ينقل الى قسم سؤال وجواب

[S h a i 5 a ..]

انت ارتبكت خطأ كبير
ليش تحط قطوه في القفص ؟؟ و برع بعد !

و افهم من كلامك انه مافي ليتر بوكس في القفص
بيعها و اعرضها للتبني ، قبل ما تموت و تتحمل ذنبها

..

[azoz12331]

حياك الله اخي
غلط وضع القطه في قفص وغلط وضعها في خارج المنزل لانه الحر راح يذبحها خلوها معاكم في البيت بدون اقفاص لانه الحبس مو زين اقل شي خليها في غرفه تتحرك براحتها ..
خصص لها صندوق فضلات وخليه في مكان ثابت وهي راح تقضي حاجتها فيه .. وبالنسبه للرائحه شي طبيعي انت حاطها في قفص وتقضي حاجتها في نفس مكان جلوسها ..
كذا غلط كبير وخطر على القطه انه تنام في مكان قضاء حاجتها راح يسبب لها امراض ..
الاكل اعطيها دجاج مسلوق او دجاج من اكل البيت بس يكون مافيه صلصه او بهارات كثير واعطيها جبن مثلثات بس لا تكثر يعني كل يومين مره اعطيها بيض مسلوق وتقدر تعطيها كوسه او بطاطس مسلوقه ووفر لها ماء نظيف طول الوقت اعطيها ٤ وجبات باليوم واذا تاكل دراي فود خليه جنب الماء متوفر ..
انت الحين تطلع القطه وتنظفها وتغسل جسمها بماء دافي وشامبو اطفال وولفها بفوطه وابعدها عن التكييف وجففها بالاستشوار تحت درجه حراره منخفضه ..
والله يرضى عليك ابغاك تنسى سالفه القفص هذي ولا عاد تحطها بالحوش وخليها معاكم بالبيت حرام هذي نفس ومحاسبين عليها :)
واذا صعب عليك شي بامكانك تكتب في نفس الموضوع او ارسلي على الخاص وبساعدك باللي اقدر عليه :)