الكاسكو حقي يخاف يطلع من القفص :(

[مصطفى العراقي]

السلام عليكم
اليوم كنت بحاول اطلع الكاسكو حقي من القفص مو راضي يطلع
يخاف كل ما يوصل لبداية القفص يرجع يدخل
حاولت معاه اكثر من ساعه وما طلع اخر شي مليت وسديت الباب
ممكن طرق او طريقة اتخلي الكاسكو يطلع من القفص
واني ما اريد اغصبه اخليه على راحته
بس اذا اكو طريقة مفيدة قولولي عليها
في امان الله

[توريس]

في البداية صعب يطلع من الباب افتح القفص من فوق وان شاء الله يطلع

[سلتوح]

اهلين اخوي اول شيء افتحله القفص من فوق وخله يطلع يوم يومين على هطريقه لين تشوف الطير يتحمس اذا فتحتله القفص من فوق وبعد كذا سكر القفص من فوق وفتح له الباب ونشاء الله راح يطلع ويدخل مع الباب

هذي طريقتي

~تقبل مروري~

[مصطفى العراقي]

ان شاء الله بجرب الطريقة بكرة واردلكم خبر

[بلاك بيري]

طلع الطير غصب عليه وخليه فوق استاند مع مراعاه قص الجناح بشكل احترافي

لا تستعجل بهالخطوه الين تشوف هل الطير يطلع من نفسه ولا لا

[old-alkasiko]

بعض الطيور إذا ماصارت تطلع بالطيب طلعه بالقوة لكن من دون أذية لأنها ماراح تتدرب إلا بهذه الطريقة ..

[مصطفى العراقي]

اليوم فتحت له القفص من فوق وما طلع
طب واذا ما عندي استاند اخليه على القفص واذا اردت قص الجناح الفه بمنشفة ولا ايش منتضركم

[old-alkasiko]

لاننصح نهائيا أنك تقص الجناح بنفسك بسبب الخوف من وقوع أخطاء في القص و أن الطير ياخذ منك موقف غير متقبل بسبب قصك لجناحيه ..

[عبدالله.q8]

انا ضد اراء الاخوان الي فوقي مع احترامي لهم

اذا الكاسكو جديد ماصارله يوم لا تفتح الباب باليوم الثالث افتح الباب

اخوي اذا تبي يطلع ومايخاف

افتح الباب حق القفص وتجاهل الطير يقعد ساعة ساعتين وبعدين يطلع يبداء يصفر ويطقطق واذا زهق يرجع للقفص

في اليوم الثاني كرر العملية وتجاهل الطير وولا تعطيه وجه كنه مو موجود

وشوي شوي راح يجي لي عندك ويركب على يدك

ولا تستخدم معاه العنف او الغضب لانه الكاسكو تفكيره تفكير طفل بعمر الخامسة


انا ماخذ هالمعلومه من شخص كويتي مدرب للطيور ودارس بـ امريكا للسلوكيات وماابخل علي ولا بمعلومه صغيره

[عشقي البلوفرنتد]

والله القوة او تطلعه بالغصصب
ما انصحك
لأن في طريقة ثانيه وبنففس الوقت افضل
تجوع الطير ٩ ساعات لا اكثر
وتفتح الباب وتحط المعلف عالارض
بحيث انه غصصب ينزل وياكككل وقتها شيل القفففص وطلعه برا الغرفه واجلس مع الطير
والله ولي التوفيق
اخوكم ،، عشقي البلوفرنتد

[بلاك بيري]

انا والله موصي اخوي عبدالله بخصوص اخراج الطير انه لابد ان يصبر ويتريث قليلا

بخصوص قص الجناحين اخوي انصحك تقصه عند بيطري مختص ولا تقصه انت

[المقبل]

اخ مصطفى لا تستخدم القوه باخراجه من القفص نهائيا
استخدم السياسه معه
افتح القفص من فوق او من الجنب وتركه براحته وروح عنه
ااكد لك بتجي تشوفه خارج القفص من حاله
حنا العرب ماعندنا سياسه كل شي نبيه ناخذه بالقوه حتى مع الحيوانات
درب نفسك انت على طرق التعامل مع الغير ونت تكسب

[مصطفى العراقي]

نورتو الموضوع والله اخوان
وكل عام وانتو بألف خير
ان شاء الله انا من بكرة راح افتحله القفص واتركه ما اتقرب منه نهائياً
بس انا خايف انه يطير لان جناحه كامل بس اتوقع انه ما يعرف يطير لان من هوه وصغير وهوه بالقفص وهوه اليف اولكه بأيدي والعب له بشعر صدره ومنقاره بس راسه ما يخليني اقرب له بس ما يعضني
ان شاء الله بكرة بخرجه
في امان الله

[مصطفى العراقي]

اليوم الحمد لله طلع من القفص بس لقيت اخراجه اسهال اكرمكم الله
اي دوه اعطيه

[المقبل]

عطه شاي اسود او نقيع الليمون الاسود مؤقتا وسقيه قلوكوز يمنع الجفاف خذه من الصيدليه العاديه حق البشر لكن لازم تعرضه على البيطري الي تثق فيه انت وان شالله معافى

[مصطفى العراقي]

منور الموضوع وان شاء الله يتعافى