ball python

[عآشق الثعآبين]

السلام عليكم

شبااب انا صار شغلي الشاغل البول بايثون الى الحين مضرب عن الاكل والله جنني ولا ادري وش المشكله مع اني موفر له الرطوبه والحراره المعتدله 28 - 32 ومخبأ وحجر والزرع الصناعي من اجد الانواع والاكل اعزكم الله جبت له جوز فيران بيضاء ولا اكلهم وصغير الوبر وصوص ولا فيه فايده وهذي المره الثانيه اللي اوكله اجباري نقانق .

وثاني شي هل فيه فتامينات لعموم الاصلات او اي حاجه تغذيهم مع الاكل او حاجه من هذا القبيل ..؟

اتمنى تفيدوني وايش هي الحلول المقترحه لجعله تاكل طبيعي ، واكون لكم من الشاكرين .

[mohannad93]

هل طلعت فضلات وانت بكرامه

وبعدين شوف ردي فموضوعك السابق
قلتلك تسوي كم شغله واذا ما نفع رجعها ..

وبالتوفيق

[عآشق الثعآبين]

والله يا اخ مهند ما لاحظت اي فضلات لا بحوض الماي ولا وانا اسبحا ولا بالحوض يعني مستغرب منها حدود اسبوعين من غير اي فضلات وبعدين لون حراشفها اللي تحت البيضا تغير لونهم الى احمراار ولا ادري وش الحكايه ومن ناحية رجعها بيني وبين صاحبها 650 كيلو يعني راحت علي هالسالفه

[mohannad93]

الاحمرار بكامل البطن ولا مكان معين ؟

[|| PyTHoN ||]

يفضل تحط صوره

+ الإجبار إجبرها انها تاكل فار ,
اذبح الفار و دخل راسه بحلجها و اضغطه لي داخل
اهي راح تطلعه جرب حتى لو 30 مره بالنهايه بتاكل
اول ما تبقى عاضته شوي رجعها بالحوض و خلها
و بتبلعه و من وراها بإذن الله تاكل من نفسها
و لو ما اكلت اجبرها إلين تاكل من نفسها ..

بالتوفيق

[عآشق الثعآبين]

والله تقدر تقول شبه البطن كامل وانا بصورها وراح انزل الصوره باذن الله

اجل وجبتها الجايه راح اجبرها على الفار وان شااء الله بتنفع معنا هالطريقه

[ahmadsos]

اصلتك مافيها شي بس بتغير جلد انا الروك عندي لما يغير جلد يقلب بطنو احمر

[mohannad93]

مستحيل
انا ربيت البول بايثون
زيه زي اي ثعبان وقت تغيير الجلد
يتغير لون عينه
ويبهت لون جلده

ومافي ثعبان يتغير لون بطنه
اصلتك فيها شي حبيبي !

[عآشق الثعآبين]

المشكله يا شبااب عيونها بدت تميل للون الازرق بس خفيف جدا واللون بهت وانا قلت وقت تغير الجلد بس لما اخذتها كانت بتغير جلدها اللي هو قبل اسبوعين يعني استحاله اتوقع تغير جلده باسبوعين وخصوصا ان عمرها 3 سنوات وطولها حدود الـ 1،40 متر وثاني شي اكلها بالغصيبه يعني فعلا حيرتني وجابت لي القلق مدري وش الحكايه بالضبط وعلى فكره اصلا جلد بطنها الاول اللي تقشر ما شالته كيف بتغير وهي ما شالت الاول كامل

[mohannad93]

غريبه جدا
من جد مستحيل ثعبان بهالعمر يغير جلده باسبوعين !!

لو تعرضها على بيطري او خبير افضل
بدأت اشك ان فيها شي

ووين الصوره اللي قلت !!؟

[عآشق الثعآبين]

هذا مقطع لها وان شاء الله يضبط ويشتغل
http://www.youtube.com/watch?v=HajAMd3xQfs&feature=youtu.be

[mohannad93]

كانها جروح
او كانها تعرضت لبراغيث بشكل كبير
واحمتااال كبير انه شي ثاني !!
واحتمال ضعيييييف ان جلدها كذا طبيعه او شي قديم

صعب اقولك يعني الفديو ما يوفي بهالامور
وانتظر بايثون هو اعرف واكثر خبره ..

بالتوفيق

[|| PyTHoN ||]

عندها مرض البلايسترز و السبب الرطوبه الزايده

خلها بمكان جاف + خلها تتهوى و تتعرض للشمس
بشكل مباشر و شكلها يمكن بتبدل اليلد بعد..

و سبحها باليوم مره بماي + بيتادين خلها 5 دقايق
بعدها طلعها و نشفها و ديربالك لا تتجرح

بالتوفيق ..

[mohannad93]

ماشاء الله عليك ي بايثون
واتوقع ان هذا هو سبب رفضه للطعام
بالتوفيق ..

[عآشق الثعآبين]

تسلمون والله ما قصرتو يا اخ مهند و الاخ بايثون فعلا انا احس مرات يكون الحوظ مكتوم من الرطوبه واتوقع هذا هو السبب وخصوصا انا طلعت فيها بشكل كبير خلال الاسبوع هذا ومن ناحية التشميس بكثفه لها اول كنت كل 3 الى 4 ايام اشمسها مره ابي اقلل لها الرطوبه واعرضها لشمس يومياً

[mohannad93]

بشر وش صار ع الاصله

[عآشق الثعآبين]

من ناحية بطنها لسى مافيه اي تقدم وتحسن ولاكن نقول ان شااء الله انه ترجع طبيعيه , بس مستغرب من وقت تبديلها للجلد وعلامات فسخ الجلد تقريبا بينت بشكل واضح العيون صارت رمادية واللون بهت شوي لاكن الغريب وقتها ماصار لها تقريبا اسبوعين ونص من غيرت وخصوصا ان تعذيتها مش ولابد ومن ناحية التغذيه الاسبوع الجاي راح اجيب لها اعزكم الله فئران واقدمهم لها واذا ما اكلتهم راح اذبحهم واجبرها على اكلهم

[|| PyTHoN ||]

ما دام جسمها طبيعي مو ضعيف عادي لا تحاتي
أول شي عالجها بعدين وكلها الحيايه يتحملون فترات
طويله بدون اكل ،،

[بلاك بيري]

اها هاذا اثر الرطوبه الشديده حاول تخففها اخوي وشمس ثعبانك وخله دائما جاف والأكل لا تشيل همه ترا تقدر تصبر اشهر طوال دون اكل


موفق

[عآشق الثعآبين]

ربي يعطيكم العافيه ما قصرتوا ، من ناحية اللون باقي ما تغير اما تغير الجلد اليوم بدت تشيله

[mohannad93]

الحمد لله
وبلغنا باي تقدم يصير ^^

[عآشق الثعآبين]

ابشركم فسخة الجلد كامل ولون اللي كان في بطنها رجع طبيعي بنسبة 90%


وابشركم اخذت بورميس طوله تقريبا 80 سم

[mohannad93]

ماشاء الله الحمد لله ع السلامه ^^

والف مبروك عالبورميس

[بلاك بيري]

ماشاء الله تبارك الله حمد لله على السلامه

[عآشق الثعآبين]

الله يسلمكم ويبارك فيكم وما قصرتوا بتجاوبكم معاي ربي يسعدكم