السعر المناسب لكاسكو

[كاسكو بلوفرنتد]

تحية طيبة لكم جميعا
عندي صديق يرغب في شراء كاسكو عندي وأنا محرج منه في تقدير سعره وهو أول مرة يشتري طير وما يقدر يحدد المبلغ المناسب له فاود أن أعرض عليكم مواصفات الطير وأترك لكم تقدير السعر

الكاسكو أفريقي
الصحة عال العال ماشاء الله تبارك الله
عمره سنتين ونص تقريبا
لونه فاتح والريش مرتب والجناح مقصوص قصة احترافية
أليف تمسح على كامل جسمه يحب يطلع على الكتف ومايرضى يطلع على اليد:mad:
الطير دايم برا القفص ويسوي فيها راعي دورية احيانا
حجمه راهي وقريب جدا من الجامبو
الكلام الي عنده
الله أكبر
بابا
راسك
رغود
فطوم
وسلام عليكم بالتصفير
والتصفيرات عنده اشكال الوان
الطير يعيبه شيئين
1 ـ ما يطلع على اليد ويحتاج شوية تدريب اضافي
2 ـ الكلام على مزاجه يعني ما يتكلم على طول
اعتذر عن عدم وجود صور للطير


انتظر ردودكم ولكم التقدير

[عشقي البلوفرنتد]

حق الطير من ٢٠٠٠ الى ٢٥٠٠
والله يوفقك

[كاسكو بلوفرنتد]

يعطيك العافية عشقي البلوفرنتد
واشكر مرورك الكريم

[سمسم746]

من ال٢٠٠٠ الى ٢٥٠٠
و حق الصحوبيه و الأخوة تنزل شوي

[old-alkasiko]

أنا أقدر قيمة الطير بمبلغ حدوده 1500 ريال ..
وأنصحه أنه ياخذ فرخ أليف أفضل من الطير إللي ذكرت مواصفاته بالأعلى ..
موفق أخوي كاسكوبلوفرنتد..

[حبني لك]

انصحك اخوي. يشتري له فرخ و يربيه هو بنفسه

واسعار هالطير فوق ٢٠٠٠
ع سعر السوق هالايام بالرياض

[فيوزي]

اذا يغليك صاحبك فداه هههه
اخوي هذه اسعاره الي ذكروها الاخوان
والي يقول انا انصحه بفرخ
يا اخوان الرجال جديد فالطيور
و2 شئ ان الطير متعلم يعني لو اشتراه راح يتعلم لانه متكلم والليف
اما الشئ الي تنصح فيه اذا كان الطير ما يتكلم في هالوقت انا معكم لان الطير راح يكون يبيله صبر فالتلقين
وموفقك يالغلا
تحياتي
ابو سدران

[تشآرلي]

الاغلب يقول 2000 و 2500 !! لكن وين تحصل الشخص الثقه ؟؟ اصحاب المحلات تشتري منه ونص المشروط ماتحصله


صراحه الطير يستاهل اكثر من 2500

بالتوفيق

[كاسكو بلوفرنتد]

اشكر تفاعلكم مع الموضوع
فيوزي كنك تتكلم بلسان صاحبي :)
تشارلي فيه واحد عرض عليه كاسكو عمره خمس سنوات وغير اليف ويقول نفس عدد الكلمات تقريبا ب3000 ريال

على كل حال تم بيع الطير بالسعر الذي ذكره اكثر الاعضاء وهو 2000 ريال واظن راعيت حق الصداقه:freind:

ويعطيكم العافيه جميعا

[حسين الشريف]

صراحه راعيت حق الصداقه والله يبارك لك ويبارك للمشتري
عندنا في مكه مااعتقد انه ينباع باقل من 3500 3000
لك تحياتي

[biak23]

راعيت فيه حق الصداقه وطير بهالمواصفات سعره فوق الثلاث آلاف بسعر السوق في الرياض واللي يقول سعره ألفين يجيب لي كاسكو أليف ويتكلم ونظيف زي طير صاحبنا وأبي خمس طيور بألفين

عجيب تقييمكم للطيور أحيانا إما أنكم تروحون لأسواق غير اللي نروح لها أو صرتوا زي شريطية السيارات تبخسون سلع الناس إذا كانوا بيبيعون وترفعون السعر إذا كنتم بتبيعون

[كاسكو بلوفرنتد]

حسين الشريف
biac23

سمسم
اشكر تفاعلكم واقدر آرائكم النيرة