طالبنكم يا اهل الخبره بالثعابين ..؟؟

[snake boy]

السلام عليكم

كيف الحال

اول مشاركاتي وانشاء الله بدايه خير انا لي يومين شريت ثعبان

ما اعرف نوعه ولا شي عنه اني اول يوم جيبته حطيت له فار وما قصر فيه

ابا اعرف كل كم اسبوع ااكله وكيف اعرف اذا ذكر او انثى وكيف اتعامل معاه

وعضته مؤذيه او لأ عضني مرتين والله اني خفت منه بس اشله وترتيب بيئته

دخيلكم اللي عنده خبره او نفس الثعبان يخبرني واهم شي شو نوعه

اسمه فصيلته وهل يمكن يستوي سام او خطير وشو اسوا شي ؟؟

هاي صوره

http://i7.tinypic.com/4lfe7o7.jpg

[hellboy]

وعليكم السلام
اسمة البل بايثن (الأصلة الملكية) ويعتبر من الاصلات وهو غير سام ومن الثعابين الهادئه جدا وبنسبة للطعام وجبتان في الاسبوع كافية ولكي تستفيد اكثر اذهب الى الفهرسة و اقراء موضوعة كامــــــــــــــــــــــــــــــــــــــــــــــــلا.

[snake boy]

يسلمو اخوي على ردك ووين الفهرسه ما عليك امر

لاني يديد على المنتديات والله وما قصرت واتريه باق يالشباب بس ابا اعرف

عضته مضره ؟؟؟

[LiMiTeD]

مثل ما قال اخوي هيل بوي ودش هذا الرابط انشالله يفيدك
http://www.2zoo.com/vb/showthread.php?t=2329
و اي سؤال عندك قوله وانشالله ماكو احد راح يقصر معاك

[عسوله جدة]

لوووووووووووووووووووول


مشاءالله عليكم كيف تحبو الثعابين


اكره شي عند الثعابين


ههههههههههههههههههاي


الله يستر عليكم لايعضكم

ومبروك عليك

[ثعبان]

مرحبا فيك أخوي

مثل ماقالوا الأخوان هذي أسمها الأصله الملكية

من الأمور الضرورية لهذه الأصله هي وضع وعاء ماء كبير يسمح لها بالجلوس فيه

لأن هذا النوع من الأصلات يفضل البقاء في الماء لفترات طويلة

وبالنسبة للغذا وبما أنها صغيره في السن يفضل إعطائها فأر كل 5 أيام حتى لأيكون هناك إجهاد

للجهاز الهضمي وبالتالي يؤدي هذا الأمر إلى إخراج الغذاء من المعده

وبالتوفيق إن شاءالله

[snake boy]

مشكورين اخواني وما قصرتوا وبالنسبه للعضتها لها اي ضرر وكيف اعرف الانثى من الذكر ؟؟؟

واللي عنده وحده مثلها هي من النوع اللي يكبر بسرعه ؟؟؟؟؟؟

والسموحه على الاطاله

[هاوي ثعابين]

اول شي مبروك عليك

عضتها ما تضر ولا هي سامه

وبالنسبه للطول ما تتعدى المتر و نص

[LiMiTeD]

تعديل على معلومتك اخوي هاوي ثعابين يوصل الى المترين او1,80 سانتي
اما عن معرفتة الانثى من الذكر فهي صعبه اشوي على مبتدأ

[3zooz]

مبرررررررررررررررررررروك يتربى في عزك وانا قبل شهرين شريت اصلة ملكية يمكن حتى نفس هاذا اللون

تربية الثعابين مثيرة بس احيانا لازم تكون حذر في تعاملك معاها حتى لو ما كانت سامة وياريت انك تتقرب منها شوي شوي مو بشكل مفاجىء عشان بعدين تتعود عليك وتقدر تطلعها في اوقات محددة

[snake boy]

يا شباب انا اتريا ردودكم ؟؟؟؟؟؟؟؟؟؟؟؟؟؟؟؟

وآراكم عن وضعية البيئه ولو حد يقدر ييب لي صور لبيئته وكيف

اخلق له هذي البيئه بالقفص الزجاجي وقالوا لي ضوء حراري ما اعرف عبارة عن شو ؟؟

[LiMiTeD]

حوضك كم مساحته طول وعرض

[snake boy]

حاليا حاطنه بحوض صغير 30 في 30 بسوي له حوض محترم بس ابا اعرف

كيف ارتبه واسويه وكم مساحته والاضاءه....الخ

وماقصرتوا ؟

[LiMiTeD]

متر او متر ونص ولمه عاديه تكون 70 واط او 100 وتحط لها ماء لازم الماء وصخره لاكبيره ولا صغيره على شان تحس انها لها ولمبة uv والارضيه نشارت خشب او رمل او ورق اشجار ناشفه بس انا افضل تحطلها ورق المناديل الخشن لسهولة التنظيف وغصن شجر وتنظف الحوض كل اسبوع كافي

وانشالله اكون كفيت ووفيت بالمعلومات

[snake boy]

تسلم اخوي وما قصرت برتب الحوض وبراويكم الصور بس لمبه uv شو هي؟؟؟

[LiMiTeD]

روح حق اي محل للزواحف وقوليه ابي نفس هذاhttp://www.reptilehavenonline.com/specials/reptiglo5.jpg

[الجنتل100]

الاصلة الملكية نادرا ما تعض ويعتر سلوك اصلتك غريب شوي لأن الاصلة الملكية هادئة في اغلب الاحيان اذا قدرت تبدلها من المحل اللي اشتريتها منة اعتقد افضل لك لكي يسهل التعامل معها وتكون مرتاح

[snake boy]

مشكورين وما قصرتوا

ما ابا ابدلها حاس انها اوكي بس معصبه شوي بحاول اتفاهم وياها

وما قصرتوا تسلم اخوي ليميتد ^_^

[LiMiTeD]

الله يسلمك واي شي تبيه حاضرين