كم وجبه باليوم لازم اعطيهــــــم ؟؟

[تووتـي0510]

السلام عليكم ورحمة الله وبركاته


اخواني طيور البادجي اللي عندي كم مره لازم احط لهم الاكل باليوم ؟؟

ترا انا طول الوقت حاطه الاكل لهم

هل عادي يكون الاكل موجود 24 ساعه والا لازم احطه بأوقات معينه ؟؟




وترا أنا ما اوكلهم غير حبوب لانه أي اكل ثاني يرفضونه

[الكادي هواها]

وعليكم السلام ورحمه الله
عادي خليه عندهم طول الوقت وغيريه كل فتره عشان تتخلصين
من القشور الي موجوده فيه الحبوب ماتضر الطيور
بنسبه للنواع الثانيه حاولي تعودينهم مع الوقت افضل التغيير
بتوفيق

[zaeeem]

بالنسبة لتعويدهم على الانواع الثانية
مثل الخضار والفواكه والبيض
وخري عنهم الحبوب من الليل
وفي صباح اليوم الثاني حطي لهم خس او خيار مثلا
وبتلاحظين ان الجوع يجبرهم على تجريب الاطعمة الجديدة
طبعا الخضروات والفواكه والبيض يفسدون بسرعة فلا تخليهم لفترة طويلة ساعتين او ثلاث كافية وبعدين تزيلينهم


في طريقة ثانية لتعويدهم
اخلطي كمية بسيطة من الخضار او الفواكه او البيض مع الحب وبيتعودون عليهم
طبعا التعود بيكون بالتدريج ويحتاج وقت

واسف ع الاطالة