سؤال عن كيف التعامل مع الكناري ؟؟

[انتبه]

السلام عليكم ورحمة الله وبركاته



اخواني واخواتي انا عندي جوزين كناري توني شاريها من السوق من محل موثوق فيه وجبت لهم قفصين من الاقفاص المدمجه يعني اللي يكون قفصين واللي في الوسط تقدر تشيله ويصير قفص واحد كبير وحطيت كل جوز مع بعض بس الذكر منفصل عن الانثى وحطيت عش للانثى ...


وعلى فكره الذكور كلها تغرد وجاهزه والاناث جاهزه بس مابنت العش الى الان ...



الاسئلة :


1_ هل ادمج الذكور مع الاناث ولا اتركهم فتره منفصلين ؟


2_ وكيف اعرف ان هذا الطير يبدل الريش؟





والله لايهينكم يا اخواني واخواتي اللي عنده معلومات عن كيفيت البدء في تربية الكناري لا يبخل على اخوكم .....




::confused::

[بلاك بيري]

ماشاء الله هوايه حلوة تربيه الكناري من ارقى واجمل الهوايات

بخصوص الذكور والأناثي اجمعهم مع بعض مافي مشكله وبتلاقي انهم انقسموا لأواج كلا مع من تم استلطافه من الاخر

بخصوص الأنتاج انتبه على الجو اخوي فالجو اساسي للتكاثر

نوع بالأغذيه واستخدم الفيرتي فيت

موفق

[ألولهان]

ابشر وانا اخوك .

لا تدمجهن الحين خل الذكر تغرد بس اذا لهن عندك الحين

كذا يوم وكلهن جاهزين شيل الفاصل بس هاه بعض الذكور بعضها

يغرد مع الانثى اول الايام بعدين يخف التغريد او ينعدم والبعض لا يعني لا تخاف

اذا مرت الحاله هذي معاك وبعض الاناث ما تلم العش الا مع الذكر .

يعني شيل الفاصل بين الازواج وثبت الاعشاش عدل وحط الخيوط لهن وشويت

قطن طبيعي كيفك اللي يريحك انت مو مشكله القطن بعد .

المهم شيل الفاصل وحط كل يوم لهن الحبوب ما تنقص والماي النظيف

وخلطه البيض بالبقسماط او البيض لان لو تحطلهن بيض وخضره

(جزر -فلفله بارد- تفاح ) صدقني ما تحتاج للمكملات الغذائيه فيرتي فيت و ميني فيت

الي اخره .

انا فرخت بس كنت احط يوم بيض يوم تفاح يوم خضره المتوفر والحمدلله

ميه ميه الفروخ والابوين لكن البيض انصحك تحطه اول ايام الدمج لين تشوف اخر بيضه

علي حسب الزوج يعني حطه البيض بشكل يومي لين تشوف النثيه تبيض اليوم

ولا تبيض بكره وبعده توقف عن البيض اهنيه خفف البيض واول ما يفقس حط البيض

واسمع اقراء مواضيع ادري اني غثيتك :) طولت عليك بس حبيت افيدك .

طرح الريش تشوف القفص فيه ريش بشكل مكثف ساقط يعني ليس طبيعي سقوط

ريش كبير وصغير فهذاء هو تبديل الريش والريش الجديد يظهر علي الطير نفس شنو

بشكل عود ابيض ويخرج منه الريش الجديد.

[كناري وبلابل]

^
^
بالعكس حتى حنا استفدنا من إطالتك هذي ألف شكر لك ولصاحب الموضوع

[الخدوم 1]

شكرا على الموضوع