ليش رخص سعر الكاسيكو؟؟

[isa bahar]

السلام عليكم يالربع:D
شلونكم ؟؟
من كم يوم كنت رايح حق محل طيور
وشفت ثلاث فروخ كاسيكو ببس لونهم شوي اسود

سالته بكم؟؟
قالي ب 25 دينار بحريني:eek:

اضن من قبل كان سعر الكاسيكو الفرخ
ب 50 دينار

شنو السبب؟؟:confused:

هل يوجد انواع متعدده؟؟:confused:

هل بيصعد سعره يعني الحق اشتري من احين؟:confused:؟

[عسيب]

اعتقد انها التمنه السنغالي

[isa bahar]

شنو التمنه السنغالي

غير عن الكاسيكو العادي

هو يشبه الكاسيكو عدل

[العرجون القديم]

اخوي انا بعد من البحرين اللي تقصده الكاسيكو التمنه وهذا نازل سعره لانه غير مرغوبه هاذي النوعيه من الكاسيكو اولا ثانيه لانها منتشره في وقتنا الحالي بكثره وهذا سبب نزول لسعار.

[كاسكو البحرين]

توضيح

هذه صورة التمنه وهذا أصغر أنواع الكاسكو ومميزاته غامق اللون وصغير الحجم و منقارة ممزوج بلون البني نوعاً ما

http://www.pusup.com/uploads/dbbd06576a.jpg

والتمنه سعره رخيص لانه مثل ماذكر الاخ العزيز العرجون القديم اول شي هو غير مرغوب بين الناس
وخاصة هذه الأيام متوفر بكثرة ملحوظه في البحرين وهذا ايضاً سبب إنخفاض السعر
وملاحظة الى الأخ الكريم isa bahar فالتمنه غيني وليس سنغالي

وهذه صورة السنغالي

http://www.pusup.com/uploads/febabf2acd.jpg

تقبلوا مني خالص التحية والإحترام

[الجااارح]

لا تعليق على كلام الأستاذ / كاسكو البحرين

وفعلا زي ما تفضل الأخوان الغيني سعره رخيص وغير مرغوب ومعبي الأسواق


وبالتوفيق أخوي isa bahar

[isa bahar]

مشكورين يا جماعه بس بغيت اقولكم

اهوه يتكلم نفس العادي

وممكن يتروض يعني ما يسوي نفس ببغاء الدرة من تكبر تعض

[العرجون القديم]

صفاته ما تختلف عن صفات الببغاء العادي نفس الصفات بس لختلاف الشكر والحجم مع تمنياتي لك بالتوفيق.

[3mary]

شكرا لكم .. يا جماعه انا من المارات واذهب الى البحرين من حين لآخر فحبيت اعرف وين مكان سوق الطيور في البحرين .. ؟؟

وشكرا لكم

[كاسكو البحرين]

شكرا لكم .. يا جماعه انا من المارات واذهب الى البحرين من حين لآخر فحبيت اعرف وين مكان سوق الطيور في البحرين .. ؟؟

وشكرا لكم


سوق الحراج (سوق المقاصيص) أيام الجمعة والسبت ويوم الجمعة أفضل في تجمع البائعين
يقع هذا السوق في مدينة عيسى قرب أسواق رامز التجارية

سوق واقف في مدينة حمد دوار الأول

جدعلي إسم المحل ( عرش الطيور )

ودمت سالماً

[F9o0oL]

الفرق أن صوته مب بقوة الثاني و حجمه أصغر بشوي

[isa bahar]

اتصدقوا الفروخ طاروا من يدي
شروهم كلهم
اقدر احصل في سوق المقاصيص
باروح اذا بحصل بهذي السعر