افريقي جري ثم صمت ابي حل

[ابو تميم66]

احبابي الكرام اهل الخبره شريت ببغاء افريقي متكلم وعمره صغير عنده الاخلاص وجمل كثيره ولله الحمد بعد ماجبته للبيت من الرياض للقصيم الطير له اكثر من اسبوع صامت وخايف لاقربت لمه يجعر ولاحض جسمه فيه رعشه هل هي مرض بعد السفر ولا طبيعي جزاكم الله خير وتتوقعون الافريقي يجلس فتره يتعرف على الموقع الجديد ثم يتكلم .

محبكم ابو تميم

[عاشق النادر]

انا زيك وكذا واحد نفس المشكله ليه لنى نبيه يصفر ويتكلم اول يوم او اول اسبوع اخذ عندي شهر ما اسمع منه شي والان ابشرك بدى يصفر وعنده كلمه وفييه وغوغه حاطه بزاويه وتغير ماء واكل وتنوع بالاكل وبس وهو اذا ارتاح بتشوف العجب

[Narita]

اصبر عليه لان المكان جديد عليه ياخذ فتره على ما يتعود
يحتاج تقريباً يومين او اكثر على ما يتكيف ولا تحاتي حط له فواكة مثل تفاح موز و بيتشجع
بالتووووفيق

[تشآرلي]

الجعره + الرعشه فقد مجرد خوف

انت سمعت الطير يتكلم من قبل السفر ؟؟ يعني انت متاكد من هالناحيه ؟

لو كانت الاجابه نعم

ماراح ياخذ وقت كثير وراح يبدا بالكلام عندك حتى لو ماتكلم شهر
وتاكد ان المكان الي هوا فيه مافي حولينه شي يخوفه او يرتبك منه

وحاول تاكله من يدك قدر الامكان لان هذا سريع مايكسر حاجز الخوف

[ابو تميم66]

الله يجزاكم خير ماقصرتوا الطير له اسبوع عندي بداء يقول بابا

[عاشق النادر]

هههههههه ماشاء الله اول الغيث قطره

[بلاك بيري]

هل انت متأكد انه الطير يتكلم ؟

وهل الطير متعود على القفص ولا على خارجه ؟

في حالات مثل هاذي ننصح بتعليق الطير بمكان مرتفع ومشمس حتى يرجع لجرائته

موفق