الله يخليكم دشو كنوش تحتاج دعواتكم

[صاحبة وفا]

السلام عليكم ورحمة الله وبركاته

اليوم أكره يوم عندي وماقدر أقول غير لاحول ولاقوة إلا بالله

تذكرون قطوتي وحبيبة قلبي كنوش .. يوم خبرتكم انها حامل

المفروض تولد من البارحة وماولدت !!! واليوم عطوها طلق صناعي وقالولي اليوم عساعه عشر بتوقيت الإمارات راح يتصلون فيني يخبروني اذا ولدت وله لاء ( كنوش عندهم ) واذا ماولدت لين باجر

راح يسوون لها عملية >.<

وأنا والله وايد خايفه عليها بشكل فظييييييييييييع .. دخيلكم أدعولها أنها تولد بالسلامة وتقوم بسلامة .. لاني وايد احبها ومادري شو بيصير فيني اذا صار فيها شي :(

[رعوود]

وعليكم السلام والرحمة



ان شاء الله تولد وتقوم بالسلامة

وتجيب لك احلى كتن


لكن خيتو لا تخافين


اذكر قطوه وحده اعرفها


تاخرت بالولادة

وصلت 83 يوم حمل

ولا ولدت

وبعدها ولدت وجابت كتاكيت ولا احلى

[القطه الصغيره]

انشاء الله تولد وتقوم في سلامه وبشرينه شوبيصير معك

[suzi]

انشاء اللله تقوم بلسلامه والله يريح بالك

[صاحبة وفا]

الله يسمع منكم

رعود ماعرف شو أقولك لكن اذا ماتو في بطنها بصيدها تسمم والله مب عارفه شو اسوي

القطة الصغيرة , سوزي

تسلمون والله لايراويكم مكروة فقطاوتكم وحتى انت يارعود

[عشووووقه]

لا تحاتين اختي دام اهي عند اطباء ومختصين
بس ادعي انها تولد وتقوم بالسلامه
وانشاء الله ربي يبلغج فيهم وتفرحين فيهم

تحياتي لج

[مخاوية قطاو]

يالله الله يعينك من جد..ياشين ذا المواقف...الحمدلله مامريت فيها...
والله يعطيها العافيه وتولد وتقوم بسلامه..وانشالله مايموتون..تفاولي خير

[Candy Man]

انشاااااااااااااااااااااااااااااااااااااءالله تئوم بلسلامة هيي وولادا وما يصير علين شي
بدعيلك من كل ئلبي

[طرزانة]

ياقللللللللللللللللبي

الله يقومها بالسلامه وان شاءالله تولد الساعه 9 مو عشره

وتفرح بكتاكيتها

[dober]

اللة يسرلها ولادتها

[آنـــــو]

خوووووووفتيني صاحبة وفا

قطوتي لأول مره تطلب التزاوج وميته خوف

دايم أوس وس أنها تتعسر بالولاده أو يبقى واحد فـ بطنها عاد هي نعوووومه فوق ماتتخيلين

وبعدين الحمدلله عندكم عيادات أحنا ماعندنا وهذا اللي مخوفني يعني لو تحمل

وتتعسر لاسمح الله مدري وش بيصير فيني ذاك اليوم هذا اللي ذابحني خوف وقلق

حتى ندمت ماسويت لها تعقيم :(

المهم

مثل ماقالوا دام تحت أشراف أطباء لاتحاتين بأذن الله ترجع لك مافيها الا العافيه

وتقوم لك بالسلامه وتشوفين عيالها يارب

وطمنينا عليها يالغاليه

[Dominique]

الله يهون عليها يارب

واله كسرت خاطري وانتي بعد كسرتي خاطري

حاسة بخوفج والله

الله يهون عليها


بشرينا عاد لاولدت
.
.
.

[sisi_moon]

حيااااااتو والله

انشاءالله تولد باسرع وقت وتجيب كيتين عسووليين

[صاحبة وفا]

يزاكم الله خير على أهتمامكم لكن للأسف البارحة ماولدت وحرارتها قاعده تنخفض ويطلع منها حليب يعني المفروض تولد !! بس ماولدت =(

قالتلي تعالي شليها يمكن لانها خايفه فالعيادة من حشرة الكلاب وحشرة الناس

ولانها تحتاج مكان تكون مطمنه ومرتاحه فيه .. انا الحين رايحة اييبها وان شالله تولد الليلة *_*

[Candy Man]

انشاءالله :) وخلي ايمانك بربنا كبير وانشاءالله بتئوم بلسلامة بعد ما تولد الليلة

[الماااسة]

انشالله تطلع بالسلامه بس انتي ادعي وصلي و اطلبي الله ون شالله تجيب كتاكيت حلوات و عطيني وحده كتكوته وانا ابدعي
وتحياااتي

[أبو هريرة]

يا رب يسرلها في ولادتها

يمكن بطنها مليان عيال تقريباً 10

[nermin]

انشاءا الله ماكو الا الخير وتولد وتجيبلك قطط صغيره جميله
وشكراا
وطمنا عليها:)

[*عاشقة القطط*]

ان شاء الله تولد

والله تكسر الخاطر


ياقلبي عليها


ولاتنسين تقوليلنا شصار معاك ومعاها

[*عاشقة القطط*]

الله يعافيها بس

لالا من جد معاك حق تزعلين عليها

انا وهي موب قطوتي وزعلت عليها قلبي معاها

ان شاء الله تولد وتفرحك ولاتنسينا من آآآخر الاخبار

[sisi_moon]

ها قلبووو

بشرييييييينــاااااا

[صاحبة وفا]

هي عندي الحين فالبيت والدكتورة قالت بتلاحظين شي ينزل منها عند العضو التناسلي ( هذا استعداد ا للولادة ) وقالتلي اليوم البسي قفاز ودخلي صبعج الصغير شوفي اذا ضيق وله لاء
وشوفي اذا نزل منها حليب

انا جربت وطلع دم متخثر وطلع منها نص قطرة حليب وتقصد اذا كان متوسع يعني راح ينزلون ان شالله وعن الحليب يعني مستعدة حق الولادة .. قالتلي تابعيها اذا تروح الحمام وايد

لان اذا تروح الحمام وايد يعني هي اصلا تبا تولد بس مب قادرة اطلعهم فتتبرز الله يعزكم

ومسكينه ياقلبي عليها ابدا ماتتحرك كله طايحة يعني كلها نايمة عالارض ماتقدر تتحرك وايد

قالت اذا ماولدت الليلة هاتيها عشان العملية >.< لكن بشوف اذا في أمل نصبر عليها يوم واحد زيادة

وقالتلي حطيلها تيرمومتر فمؤخرتها اذا حرارتها مرتفعه يعني الكتنز ماتو فبطنها واذا منخفضه عادي

[*القلب الصافي*]

حليلها والله ما تستاهل :(
حرااام الله يرجعها لج سالمة
وانشاء الله تولد وما يحتاج للعملية
والله حزنتيني يا صاحبة وفاء الله يخليج بشريني
شو بيصير معاااج اوكي؟؟

[*القلب الصافي*]

هي عندي الحين فالبيت والدكتورة قالت بتلاحظين شي ينزل منها عند العضو التناسلي ( هذا استعداد ا للولادة ) وقالتلي اليوم البسي قفاز ودخلي صبعج الصغير شوفي اذا ضيق وله لاء
وشوفي اذا نزل منها حليب

انا جربت وطلع دم متخثر وطلع منها نص قطرة حليب وتقصد اذا كان متوسع يعني راح ينزلون ان شالله وعن الحليب يعني مستعدة حق الولادة .. قالتلي تابعيها اذا تروح الحمام وايد

لان اذا تروح الحمام وايد يعني هي اصلا تبا تولد بس مب قادرة اطلعهم فتتبرز الله يعزكم

ومسكينه ياقلبي عليها ابدا ماتتحرك كله طايحة يعني كلها نايمة عالارض ماتقدر تتحرك وايد

قالت اذا ماولدت الليلة هاتيها عشان العملية >.< لكن بشوف اذا في أمل نصبر عليها يوم واحد زيادة

وقالتلي حطيلها تيرمومتر فمؤخرتها اذا حرارتها مرتفعه يعني الكتنز ماتو فبطنها واذا منخفضه عادي


يا حليلهاااا :( يارب توولد اليوم
بسلامة واليوم بكثر من دعائي لها
وان شاء الله تووولد كتن كيييوت وتفرحين فيهم
ليتني ما قريت الموضوع انا ما احب اقراء خبر محزن خاصة لحد من بلادي :(
الله يعينج بس

[سعودي]

انشاااااااااااااااااااااااااااااااااااااءالله تئوم بلسلامة هيي وولادا وما يصير علين شي
بدعيلك من كل ئلبي

[LazyCat]

ان شاء الله تولد وتقوم بالسلامه اهي وعيالها ....

طمنينا

[صاحبة وفا]

يزاكم الله خير وماقصرتو

أبشركم كنوش بدت تولد عندي فالبيت بس ولادتها وايد متعسرة

البيبي طلع من ريوله ونص ساعه وهي تحاول اطلعه لكن مافي فايدة ركبت سيارتي وطرت

فيها العيادة وهناك الحمدالله ولودها لكن البيبي فالبداية ماتحرك ولاتنفس

بعدين تنفس شوي وجسمه باااااااااارد وربيعتي الدكتورة مسكينه أنعشته يعني تنفس أطناعي

وعقب قعد يناوي وحطته تحت الضوء عشان يدفى ^_^

وعطوها مره ثانية أبره طلق عشان أطلع الثاني والحمدالله الثاني طلع بسرعه ماطول

واحد مثل أبوه والثاني مثلها وايد فديتهم حسيت أنا الأم ومب هيه هههههههههههههههههه

لكن الحين كنوش فالعيادة يمكن تولد أكثر عن أثنين وأنا الحين بكتب ردي هذا وبطلع أروحلها

عشان أطمن عليها .. وإن شالله الكتنز يعيشون ( صورتلكم بالفيديو ثاني بيبي يوم كان يطلع )

بس أرجع ان شالله بحطلكم اياه

[blap]

يلا عقبال ماتكمل ولادتها ويتربو في عزك

[LazyCat]

حمدالله على سلامتها

ناطرينك اطمنينا عليها وعلى يقية عيالها

[صاحبة وفا]

عندي لكم خبر محزن وأنا فطريقي الى البيت وهي معاي بالسيارة ولدت لكن ولدها كان اصلا ميت وهو داخل بطنها ووصلنا البيت وولدت الرابع وبعد طلع ميت >.< لكن الحمدالله على كل الحال 2 أحسن من دون لاشئ .. الحين عندها 2 كتنز قاعدين يرضعون منها وقعدنا ندفيهم شوي باليت لكن ان شالله تولد بعد واحد ويعيش -.-

وأطمنكم على كنوش الحمدالله صحتها ممتازة تاكل عدل وهذا الفيديو يوم كنا بالعيادة

أنا اللي كنت ماسكتنها وأمسحها

http://www.tit2.com/upfiles/download.php?file=d6e77480a5ebbd91de38fe9badadf80b

[آنـــــو]

بسألك هذي أول ولاده لها؟ بجد خفت

ياعمررري :( أحسها تعبت حيييييل

يالله أهم شي سلامتها وردتها معك للبيت

ومبروك على الكتينز يتربون بعزك يالغاليه

[blap]

يلا مبروك ياستي ويتربو في عزك

[صاحبة وفا]

هيه هذي أول ولاده لها وكلنا وقفنا معها وساعدناها بصراحة ماكان فيها حيل أنها تنظف صغارها

ونفتح الكيس عنهم .. الحمدالله الله ستر وعاشت كنوش بعد هذي التجربه الفظيعه

ولادتها كانت كلها متعسرة

والله يبارك بحياتكم

[sisi_moon]

لولولوووووووووووووووووووووووووووووووووووووش

مبرووووووووووك الف الف الف مبروووك

ويتربووك بعزك وعزهاا

ومو مشكله ماتو اثنين بس باقي اثنين

واهم شي ان قطوتك بخييير

[miss rose]

ألف مبروك صاحبه وفا بس خاااااطري أشوف الفيديوا حملت بس مو راضي يشتغل

أمانه شوفي حملي مره ثانيه

والحمد الله على سلامتها مره ثانيه

[صاحبة وفا]

يوم بتنزلينه سوي عليه رايت كلك وبعدين اختاري فتح بإستخدام واختاري ريل بلير

[Dominique]

مبرووووووووووووووووك

الف الف مبروك

يارب يتربون بعزج

نزلي صورهم الحين

علشان لاكبروا تنزلينهم مرة ثانية ونشوف الفرق

ياااااااااي فرحتيني
.
.
.

[miss rose]

يالله كيف تحملتي صاحبه وفا

أنا وقاعده أشوف المقطع قلبي يرقع مسكيييينه ماتوقعت كذا

والحمد الله على سلامتها وألف مبروك على الكتن :rolleyes:

[صاحبة وفا]

الله يبارك بحياتج .. شسوي يوم تحبين حيوان تحاولين تساعدينه بشتى الطرق

يعني تخيلي يوم وصلنا البيت ولد واحد وكانت ولادتها بعد متعسرة بس الحمدالله قدرت أساعدها أنها أطلعه

[Bruce]

مبروووووووووووووووووووووووووووووووووووووووووووووووووووووووووووك

[عشووووقه]

الف الف مبروك
والحمد الله على سلامتها
وبصراحه مبين عليها من التصوير
لكن بقدرة قادر اقدرت تولد بالسلامه
والله يعوضج باللي فيه الخير بدال اللي ماتوا
ويبلغج باللي باقين ويتربون بعزج انشاء الله

تحياتي لج

[Candy Man]

الف الف الف الف الف مبروووووووووك والحمدلله على سلامتها : )
والله يعوضك عن الي مات بس عنجد فرحت انو هيي بخير وما صرلا شي الحمدلله
الفيديو ئطع ئلبي عليها :(

[suzi]

حمدالله على السلامه ويتربون بعزك انشاء الله

[طرزانة]

مبروووووووووووووووووووووووووووووووووووووووووووووووووووووووووووووووووووووووووووووووووووووووك

يتربو بعزك ان شاءالله

والله اني كنت خايفه عليها

ولم شفت الفيديو قلبي تقطع ياربي مررررررره تعبت

والحمدلله انها رجعت معاكي بالسلامه

وان شاءالله تجيب لك اكثر من اللي ماتو يارب


وورينا صورهم علشان نتعرف عليهم

[صاحبة وفا]

حبيت أخبركم أن واحد منهم مات !!!! للأسف ماكان طايع يرضع منها

والحين بقى واحد :(

[Lolla_B]

الله يرحكو

انتبه على الاخير لايموت



والله يحفظو لك

[قطو_Q8te]

يالله الف مبروك
واعتني فيهم عدل و حطيهم بمكان دافي
لوسي ولدت من 4 ايام
اليوم ماتو كلهم
الله كريمـ .
لاتنسين العين اذكري الله عليهم دايما
ترا حتى المربي نفسه يحسد قطاوته

[طرزانة]

يؤؤؤؤؤؤؤؤؤؤؤؤؤ
لاتقولي

يالله الله يعوضك بالاخير ان شاءالله
اهتمي فيه

[بنت سايكو]

الله يرحمهم

بس انتبه على الاخير

[La Fragola]

يارب تولد بل سلامه وتجيب اولاد حلوين زيها :)

[قلب الماس]

الله يعافيها ويكون في عونج
الصراحه شي محزن :(

[صاحبة وفا]

يزاكم الله الف خير على وقفتكم ماعاي والله لايراويكم مكروة فقطاوتكم وحيواناتكم

وأنا أتابع البيبي وأحاول قد ماقدر أني ماخلي كنوش تبتعد عنه وايد يعني دوم عنده اخليها عشان ترضعه