عين الطير

[أبو عيالي]

السلام يا جماعة الخير
حبيت اقتني طير امازون بلوفرنتد جاكو فرخ
وحصلت عليه..لكن ما انتبهت للطير الا بعد ما مشيت من الرجال ..فيه عين من عينيه ما يقدر يفتحها

ورحت لأكثر من بيطري لكن عين الولد بعدها وصارله تقريباً اسبوعين على هالحاله
من قطرة الى مرهم
صاير مثل القبطان عين وعين
فيا جماعة الخير اللي عنده حل حق هالمشكلة يفيدني جزاكم الله خير

[تشآرلي]

وعليكم السلام

هل الجفن يفتح شي بسيط ام مغلق بشكل تام ؟

حالة الطير الصحيه ؟

اخوي ممكن تزودنا صوره للعين !!

[فيوزي]

المفروض انك ترجعه له دام انك لمحت العين بعد ما مشيت من الرجال
لاكن الله يشفه لك يارب
ويحفظه
تحياتي
ابو سدران

[Wedah]

جرب الكمادات الدافيه... كان عندي أرنب و ببغاء عندهم نفس المشكلة.. الحمدلله الأرنب رجع تمام التمام والبغاء كان جداً يرتاح لها ويتحسن بعدها...
حط منديل وعليه مئويه دافيه.. اعصر المنديل وكمد عين الطير وان شاء الله خير..

[آنآستــآزيآ]

.. فعــلاً الكمــادات قــد تفيــد وبـ شــدة !! بــس ياخــوي لــو تقــدر ترجعــهـ فـ هــذا أفضــل !! ويــآريت صــوورة لـ العيــن ..

.. آنآستــآزيآ ..

[أبو عيالي]

الله يعطيكم العافيه ما قصرتو مع التجاوب السريع للموضوع

بالنسبه لصحة القبطان (الطير) طيبه ولله الحمد لكن اللي ناقصه هالعين
وأما اني ارجعه قاطع طريق من الرياض للشرقيه يعني
ما فيه أمل أرجع مع كوباريات الرياض(ملاهي مو شوارع)
جربت الكمادات وجاري المحاوله لان توني اليوم حاولت افتح عينه
وشفت انه يفتحها اشوي وبعدها يرجع مثل أول
وصورة القبطان بحاول انزلها ان شاء الله

[أبو عيالي]

هذا القبطان

http://www.2zoo.org/uploads/13502486021.jpg

[تشآرلي]

مايمنع تسوي له كمادات + مرهم للتهاب العين , متوفر بالصدليات البيطريه والصيدليات البشريه

وطمنى عليه ^_^

[فيوزي]

اخوي سوي زي ما قالو لك الاخوان
وطمنى عليه
الله يشفيه
تحياتي
ابو سدران

[أبو عيالي]

الله يعطيكم العافيه ومشكورين على تفاعلكم

المرهم موجود بس وقفت أعطيه الى ما يفتح عينه بالكمّادات
والا انتو ايش رايكم؟؟!!

[بلاك بيري]

ينصح بأستخدام مرهم الكلورام فينكول لكن بالحاله هاذي دام العين مقفله بالكامل ابحث على قطره من مستحضر الكلورام فينكول وهي متواجده عند الصيدليات البيطريه والبشريه على حد سواء استخدم العلاج على كلا من العينين السليمه والمصابه لمده لا تقل عن اسبوع

موفق