هواه الكلاب بتو زوو, لكم ولا للذيب ؟

[MR.Fahd]

سلام عليكم ورحمة الله وبركاتة


كل عام والجميع بالف صحة وسلامة ..

انا راعي هذا الموضوع , اتمنى تفتح الرابط قبل متابعة القرائة .

http://www.2zoo.com/vb/showthread.php?t=279544

الزبدة , اخر المستجدات .

وديت الكلب للبيطري قال البيطري الكلب فيه كسر او خلل باخر فقرة والاعصاب توقفت لكن مو توقف نهائي على كلام البيطري . عطاه ابر تنشيط للاعصاب و فيتامينات وقال نسبة انه يقدر يمشي 40 % واصلت على هذا الحال اسبوع كامل . خلال الاسبوع الكلب استعاد نشاطة بشكل ممتاز بعد الاسبوع قال البيطري لازم تواصل معه تمرين طبيعي لمدة 20 يوم وقالي الطريقة حاولت اكمل معه بالتمارين حاولت كذا مرة وو جدت صعوبة معه . رجعت للبيطري قلت له ابيك تكمل معه بالعلاج الطبيعي بنفسك ومستعد اجيبة له كل يوم وبلك حقك قال لا مااقدر هذا مو شغلي و من كثر الكلام هذا .. المهم صارت مشكلة بيننا وانقطعت عن البيطري ..

ورجعت لكم اعضائنا هواة الكلاب بتوزوو ..

انا مستعد ان اتكفل بتكاليف علاجة كااملة . ونسال الله الاجر لنا ولكم ..
ولكن اللي اتمناه وارجوة . ان اكمل علاجة خارج المنطقة اللي انا فيها ..

انا مستعد ارسل الكلب لاي منطقة ( الرياض . جده . الدمام . الخ )
ولكن ابي احد الاعضاء منكم ان يتكفل فيه ..
الى ان يعالج الكلب علاج نهائي والتكاليف لا يشيل هم علي انشاء الله ..
ولكن اريدها تحت اشرافة يوديها لعيادة او عنده بالمزرعة ( الخاص بالكلاب ) او او بطريقتة وتحت اشرافة .. ملاحظة ( الكلب في حي فيه فئة من الاطفال الهمج لو اقول طرق تعذيبهم له ما خلصت من ضمنها المشرط شرطو رجل الكلب وركبة وزاد حال الكلب استياء ) .
وانا سبق وذكرت ان ما عندي مكان احطة فيه ..

وزي ما ذكرت بالعنوان لكم والا للذيب :D ؟

[الكلاسيكي]

انت ماقصرت اخي الكريم والي عليك عملته

وانا مثلك اتمنى اني ما اجد ردود محفزه فقط ولاكني اريدها ردود جازمه تأتي من خلفها حللول جميله او استضافه او تبني لهذا الكلب .

وبعد الافـاده انا سوف اكون متابع مع الأخ الذي سوف يقوم بتكملة علاجه وبأذن الله سوف اكون انا ومن يتبعني دعماء مادياً و معنوياً بأذن الله لهـاذي الحـاله .

بـ التوفيق ،،

اخـ ابومحمد وك

[MR.Fahd]

افاا يارجال , الظاهر انها للذيب :p

[Dr.nino]

لك رساله ع الخاص

[الهولي]

ماشاءالله عليك ياطيب القلب
الله يجزاك الف خير ويكثر من امثالك
كما قال اخي الاكلاسيكي انت سويت الي عليك واكثر
والله يكتب الي فيه الخير ان شاءالله
قلتلك من الاول هاذي صدمة سيارة ويوجد كسر مظاعف
مستحيل انه يشفا تمامآ من هاذي الحاله
في اوروبا ومثلها من البلدان يعمله عربه ويمشي على إيده الامامية
اما انه يتعافه صعب جدآ
واي بيطري راح يعطيه علاج بس بفلوس وهو هاذا الي بيوصله مع الاسف
ان يصارحك ويقولك مافي امل لعلاج الكلب مستحيل يقولها
بس حنعمل ونعطيه و و و و اهم شي الفلوس
انت قلبك كبير والله يجزاك خير
والموضوع مافي ذيابه ولا جعر
الموضوع ماله حل فقط
انا جيتك من الاخر وعطيتك الزبده

[MR.Fahd]

نينو لك رسالة على الخاص ..

اخوي الهولي ..

جزاك الله الف خير واشكر مداخلتك بنسبة للكلب اللي فيه مهو صدمة سيارة ..
رموة عيال همج من رابع دور ايام ماكان صغير بالسن يعني شهرين او حولها ..
بالنسبة للبيطري رغم ان خبرتة قليلة يقول فيه امل لان الاعصاب شغالة بالرجلين ..
بس ضعيفة وبعد مااعطاه ابر تنشيط الاعصاب قام الكلب يحرك رجلة على خفيف ..
وامس شفتة يحرك رجلة بس ما يقدر يوقف عليها ..
ومشكلة الطبيب خبرتة واضح انها ضعيفة عشان كذا مااحب يكمل العلاج ..
ولا عندنا امكانات علاج للكلب بالمنطقة يلي انا فيها ( كل الموجود اابر وشوية محاليل) ..

على العموم جزاك الله الف خير , والله قادر على شفائة ومافيه شئ كبير على الله , وكل يلي اتمناه ان الكلب يقوم بنفسة من اكل وشرب وقاضاء حاجة ودفاع عن النفس الخ ..

[الهولي]

الله سبحانه الي يشفيه
وهاذا الكلب اذا الله سبحانه كاتب له الشفاء راح يشفا
كلامي مو تكسير مجاديف
كلامي واضح الله يجزاك خير
في اشياء مع العلاج ترجع على طبيعتها
وفي مشاكل مثل الشلل او الكسور المضاعفه في العامود الفقري
صعب جدآ حلها
ولا كان ماشفنا مشلول طول حياته
او اعمى طول حياته
او شلل كامل بسبب تحرك فقره والضغط على النخاع الشوكي
مما سبب شلل كامل طول حياته
تحريك الارجل في بعض الاحيان شي طبيعي لأن الدم واصل لها ولو يوم واحد ماوصل لها الدم
لعفنت الارجل ودخل فيها الغرغرينا وبترت لوحدها بعد ايام
ارجو ان وصلت لك الفكره
الله يجزاك خير ويكثر من امثالك ياصاحب القلب الكبير

[Musab Pro]

ما ودي احطمك .. و اول ما شفت موضوعك سويت نفسي ما شفته للاسباب اللي ذكرها الهولي .

يعالج كلبك علاج ليييس كامل عند ناس مختصين و متفرغين .

و ان شاء الله ان كل الاعضاء اللي هنا ( يخسي الذيب )

لكن المسؤليه اللي انت تبي تسلمها الناس صعبه وتحتاج تفرغ .

و مثل ما انت مشغول و عندك حياتك الخاصه .. الجميع هنا عنده حياته الخاصه .

اما بالنسبه للاعصاب و هل فيه امل او لاا هذي دايقوقناااسيس مو اي كلاااام

يعني لازم رنين مغناطيسي و اشعات تبين العضام و الاعصاب و يشوف وين اماكن الاصابه

و حجم الاصابه بعدها يقرر .. السالفه ماهي خذني جيتك :D

اعتقد فعلا البيطري قاعد يحاول يسوي اللي عليه و ايضا يبي يمشي شغله .

عموما يبقى الموضوع مفتوح على امل ان يجي شخص يستطيع التكفل فيه و حنا راح ندعمه بكل ما نستطيع .

موفق ان شاء الله .

[MR.Fahd]

يعطيك العافية اخوي معصب .. انا لو موجود بالرياض كان بنفسي رحت وودديتة وجبتة ..
لكن انا بمنطقة مافيها اهتمام بالانسان عشان يكون فيه اهتمام بالحيوان ..

وذا فديو جديد مصورة امس للكلب وهو يمشي ..
طبعا الاثار يلي فيه اثار الضرب ولاعبين فيه بالالوان ( مثل البوية ) من الاطفال الهمج ..





http://www.youtube.com/watch?v=vJBlJVLNlfE&feature=youtu.be

[*الكاسكو*]

ما استطيع ان اقول الا ( لا تيأس وأطلب العون من الله )

لا تخلي احد يشوف الكلب من عامة الناس نصيحه ...

اسأل البيطري اللي عندكم اذا كان يعرف احد خبير اكثر منه ...

اواستغل اي اجازه وسافر فيه لاحد المناطق الرياض او جده .....

اهم شي لاتفقد الامل .....
.....

[Octopus]

فيه امل و لكن حاليا اصبح كما تقول مصاب و لكن شوف لو في بيطري في طبيب في المناطق القريبة من تبوك مثل حائل و غيرها

[Sara3z]

ياارب رحمتك ..

يمين بالله لو بيدي شي سويته الكل لو بيدهم شي كان ساعدوا

بس للأسف انا اهلي مارضوا يتقبلون القط والكلب رافضين بقووه بعد

لذلك انا مثلك على نار وانتظر التبني الو العون وييارب يكون بالعوونن

والله لا يحرمك الأجر ولا الأعضاء المساندين .. ياارب رحممتتكككك

[Musab Pro]

لا حول ولا قوة الا بالله

وضعه صعب بصراحه و اشك انه بيتعالج . :(

باذن الله صبرك عليه و اطعامه فيه اجر كبير .

لا تنسى حديث البغي اللي سقت كلب فغفر الله لها .

والحيوانات عادةً تتعاييش مع مثل هذي الاصابات .

كلبك ذكرني باحد الامراض الوراثيه تقريبا نفس الطريقه هذي ..

فقدان التحكم بالجزء الخلفي كامل او وهن شديد .

وفي مثل هذي الحالات في دول الغرب غالبا يأخذونه لشلتر و يعرض للتبني

او يخلونه بالبيت و يتعايش مع المرض اللي ما وجدوا له علاج .

[MR.Fahd]

*الكاسكو* : انا مريت افضل بيطري موجود , والله يعين .
Octopus : انا افضل انه يكون بعيادة افضل لان حالتة صعبة . حايل وغيرها ما ظنتي بها عيادات ويعطيك العافية .
Sara3z : يعطيك العافية ما تقصر .
Musab Pro : وين يتعايش يالطيب , انا ابية بس يقدر يقوم بواجبات نفسة عشان يتعايش مع الحالة . يعطيك العافية و الله يعين .


بالنسبة للعضو ( Dr.nino ) ما قصر يتواصل الان مع العيادة يلي بالرياض عشان نرسل الكلب ونشوف له حل , وهذا بداية امل في علاج الكلب , والله يكتب يلي فيه خير .

[عاشقة قطوتها]

يا الللللللله شكله يقططع القلب الله يعطيك على قد نيتك ويسهل شفاااءه ياااااااااااارب العالمين

[MR.Fahd]

اشكر الاخ العزيز ( Dr.nino ) على الجهود المبذولة والله يجعلها في موازين حسناته

[MR.Fahd]

اعزائي اعضاء توزو :)
احب ابلغكم باهم المستجدات
الكلب ولله الحمد وصل للرياض وهو حاليا بعيادة الحيوانات الاليفة المتقدمة
وسيتم ان شاء الله اجراء الكشوفات اللازمة برعاية المختصين بالعيادة


والفضل يعود لله سبحانه وتعالى ثم للاخ ( Dr.nino ) جزاه الله الف خير


http://im28.gulfup.com/WNAr1.jpg (http://www.gulfup.com/?PnN7Z3)

[MR.Fahd]

Back :)

أخوآني الأعزآء حآب أبلغكم بآخر الأخبآر
رغم عتبي على عدم تفآعلكم المعنوي معنآ ..

.
.
.

خضع الكلب لعملية جرآحية -يوم الإثنين- ولكن للأسف لم تنجح :( .!
وكمآ وصلني : أن هنآك بآب أمل جديد لحيآة أفضل له بإذن الله
فـ انتظرونآ .

[BASHAR-12]

اخوووي في عياده يمدحونها وان شاء الله تقدر تساعد الكلب

بس قلبك طيب وانت ماقصرت وحاولت تسوي قد ماتقدر
احسن شيء عجبني فيك انك مايأست لا تيأس كمل وحاول قد ماتقدر
ولا تفكر حتى انك تجيب هندي وتعطيه راتب عشان يهتم فيه الهنود ماينوثق فيهم نادر ماينوثق فيهم الخير يخص والشر يعم

فابحاول اساعدك واكلم العياده واقولها قصتك وبشوف اذا تقدر تسوي شيء بكلبك تقدر تسوي مساعده بحاول قد ماقدر عشانك

الله يوفقك ويارب ويارب انك ماتيأس

الله يوفقك بحياتك

[MR.Fahd]

اخوووي في عياده يمدحونها وان شاء الله تقدر تساعد الكلب

بس قلبك طيب وانت ماقصرت وحاولت تسوي قد ماتقدر
احسن شيء عجبني فيك انك مايأست لا تيأس كمل وحاول قد ماتقدر
ولا تفكر حتى انك تجيب هندي وتعطيه راتب عشان يهتم فيه الهنود ماينوثق فيهم نادر ماينوثق فيهم الخير يخص والشر يعم

فابحاول اساعدك واكلم العياده واقولها قصتك وبشوف اذا تقدر تسوي شيء بكلبك تقدر تسوي مساعده بحاول قد ماقدر عشانك

الله يوفقك ويارب ويارب انك ماتيأس

الله يوفقك بحياتك

الله يعطيك العافية وماقصرت وتسلم على المشاركة

لا لايمكن اعطيه هندي واما بالنسبة للعيادة خلاص الكلب ماصار يستحمل العمليات والعياده اسهل حل عندها عمليه وانا ماابغى اتعبه اكثر . حرام جسمه مايستحمل .

اما بالنسبة لليأس انا اخذت عهد على نفسي مع الله اني ما ارتاح لين اشوف الكلب مرتاح ان شاء الله
ولك كل الشكر

[BASHAR-12]

وديه العياده اهو ع هل حال ماراح يشفى وديه العياده ع اقل شوف وش يقول
ان نفع نفع مانفع خلاص

[BRHAM]

فيه عيادات بيطريه خاصه للجامعات البيطريه يعطونك ادويه ويعطونك الحل بالكامل

واعتقد انه حالته ميؤوس منها

وده البر في مكان بعيد وحط له ماي واكل يعبر حاله فيهم

لين الله يشوف له

ورب العالمين اعلم