ياريت مربيين القطط ومحبيها يساعدوني

[Nour mansour]

السلام عليك ورحمه الله وبركاته...بصراحه اتبسطت اوي لما شوفت المنتدي ده جريت علي طول سجلت ومحتاجه مساعدتكم...المهم انا بنوتي بتموت فالقطط وماشاء الله مش بتخاف منها فكرت اجبلها قطه فالبيت بس بصراحه خفت تكون بتجيب امراض وخصوصا سمعت ان الاختلاط بيها بيمنع الحمل وان شعرها مضر بيجيب حساسيه فااذا سمحتم محتاجه اعرف تفاصيل عن القطط وانواعها واسعارها ومحلات فالهرم او فيصل بتبعها وطمنوني انها تمام مش هتاذي بنوتي واشكركم مستنيه مساعدتكم

[HIKKA]

وعليكم السلام ورحمه الله وبركاته

ربنا يخليلك بنوتك يارب وتشوفيها عروسه ان شاء الله :)

بس المعروف عن القطط انها بتجيب عقم للبنات لكن عرفت من فتره انك لو جيبتي قطه واهتميتي بنظافتها واديتيها كل التطعيمات في الاوقات المظبوته مش هيحصل اي حاجه ممكن تجيبي قطه وتتابعي مع دكتور بيطري بس الاول اتاكدي ان الكلام ده فعلا صح

[شاهستا]

اهلا بيكى معانا ونورتينا فى توزو

اول حاجه بالنسبه لكلام HIKKA القطط مبتجبش عقم ومفيش حاجه اسمها عقم من القطط

كل الموضوع ان فى قطط الى بتتغذى على الحيوانات النافقه بيكون عندها فيرس بيسبب اجهاض للحوامل

واصلا القطط الى بتكون حامله المرض دة مش بتعيش اكتر من ايام قليله جدا لان المرض مميت بالنسبه ليهم

بالنسبالك يا نور متخافيش من القطط على بنتك ابدا بالعكس خليها تحب الحيوانات

صدقينى هتعملها حاجات كتيره جميله وهتزرع جواها اهم حاجه وهى (( الرحمه ))

هاتيلها قطه فى عمر الـ 3 شهور او الشهرين عشان تاخد عليها بسرعه

وهاتى النوع الى ينسابك وتشوفيه حلو والتطعميات بتكون فى الشهر الـ 3


واى سؤال اتفضلى

[Nour mansour]

اشكرك حبيبتي..طمنتيني...طيب ايه الانواع الحلوه والاسعار ايه ...اصلي معنديش اي فكره عنهم...

[Octopus]

اشكرك حبيبتي..طمنتيني...طيب ايه الانواع الحلوه والاسعار ايه ...اصلي معنديش اي فكره عنهم...


عندك شيرازي مون فيس و الهاف بيكي و التركي انجورا و السيامي و غيرهم

و الاسعار مختلف حسب الاماكن عندكم في مصر

تقريبا الاسعار في منها الغالي و الرخيص

و على فكرة تتجن صورة بنتك القمر كم خلال مشاهدتي لملفك الشخصي في المنتدى

و المهم على فكرة القطط تقدر تحمي الاطفال من الربو و غيرها

[فاتـــو]

اهلين اختي
الموضوع هذا راح يفيدك
http://www.2zoo.com/vb/showthread.php?t=5926