كيف اعرف متى راح يبيضوا؟؟

[relena]

مرحبا

ابشركم امس دخل الذكر اخير البياضه والله مو مصدقه اربع شهور وانا انتظر لدرجة انه يئست وكنت راح اندم انه اشتريت البياضه لهم

بس الحمدلله لقيته دخل بس لما اجي عنده يخرج ما اعرف ليش هل ذا شي طبيعي
صرت احاول ما اجي عنده

وقبل المغرب لقيته يلقح الانثى كمان ذي أول مره أشوفهم بذا الوضع كانوا فوق في الزاويه عند البياضه

المهم قبل شوي لقيت هو والأنثى داخل البياضه
والله كنت بصرخ من الفرح ههههههههه

المهم
انا دحين أبغى اعرف ايش لازم أسوي انا اهتم في أكلهم من ناحية البيض والخضار
بس كنت افكر اشتري فيتامينات بس ما اعرف اذا مو ضروريه؟؟

كمان درجة حرارة الغرفه كيف لازم تكون لانه الجو بدأيبرد عندنا اخاف يأثر عليهم وفرحتي ماتتم
كيف اعرف انهم باضو او لا
قرأت مواضيع بس ما عرفت كيف اعرف
اخاف افتحها اشوف ايش كانو يسووا ويبطلوا يدخلوها بعدين

ممكن احد يفهمني

[اللهم صل علي محمد]

مبرووووووووووووووووووووووووووووووووووووووووووووك اخوي واتمنى الاعضاء يفيدونك بأسرع وقت

[relena]

الله يبارك فيك

[عبووود أبو عيون سووود]

أتركهم على راحتهم ولا تزعجهم بكثرة المراقبة و الإقتراب من القفص أو فتح البياضة
الموضوع بسيط و لا تشيل هم ، لا تجيب فيتامينات ولا تلكف على نفسك
أنا قبلك خمس أشهر متتالية و أنا أنتظر أول بيضة ، و الحمدلله جات العواقب سليمة
أهم شي تترك الجوز في مكان هادئ هادئ هادئ جدا ً بعيدا ً عن التطفل و إزعاج الأطفال و خصوصا ً في أول بطن
المهم لاتغير مكان القفص الحين أبدا ً أبدا ً أبدا ً لأنهم تأقلمو على المكان اللي هم فيه الحين
و بعد البطن الثاني إن شاء الله يكون الجوز أخذ عالوضع و البيت عندك و تقدر تغير مكان القفص إذا حبيت ( مع إني ما أفضل التغيير المستمر لمكان القفص )
المهم إنت تسأل الحين عن كيف تعرف إن الجوز حط البيض أو لسه
لمن يحط البيض بإذن الله راح تلاحظ إختفاء تام للجوز داخل البياضة طيلة اليوم
أو إختفاء تام للأنثى فقط
وما يخرجو إلا للأكل أو الشرب أو لقضاء الحاجة ( التبرز ) أكرمك الله و أكرم القارئين جميعا ً
في هالفترة تحديدا ً لا تنظف القفص كثير ( يعني مرة وحدة بالأسبوع كفاية جدا ً )
و غير لهم الأكل و الشرب مرة وحدة باليوم بس مو أكثر ( أقصد لا تقلق و تقول عشانهم بايضين الحين يمكن يحتاجو أكل أكثر من أول )
إذا باضو بإذن الله و تأكدت إنهم باضو إفتح البياضة بعد مرور 7 أيام من وقت تخمينك لوضعهم أول بيضة عشان تعرف عدد البيض ( مع إنه موشرط يكون إكتمل البيض ، ممكن يكون لسه في بطن الأنثى بيض )
و بعدها من رأيي إنك ما تفتح البياضة أبداً إلا لمن تسمع صوت الفروخ
و مبروك مقدما ً يا أخي العزيز
ملاحظة بسيطة : إعذرني على كثرة البربرة و القرقرة بس أنا لمن كنت في نفس وضعك كنت أتمنى إني أحد يعطيني وجه و يعلمني كيف أتعامل مع الجوز اللي عندي !! :(

[أتعبني غلاها]

السلام عليكم و رحمة الله و بركاته

مبروك عليكي الزوج و باذن الله تشوفي منهم احلى و اروع انتاج و تفرحي فيهم

بالنسبه لمعرفة وقت التبييض حسب تلقيح الذكر للانثى و البلوغ للزوج و هدوء المكان والاكل المناسب

اذا كنتي متاكده من توفر ما سبق باذن الله انتي ماشيه في السليم و انتاجك قريب

و انصحك بعدم اعطائهم المواد الكيميائيه والفيتامينات والمضادات

اعطيهم خضار و فواكه من خس و جرجير و زبانخ و تفاح و خيار و جزر ... الخ

بالنسبه لوقت البرد حطيهم في غرفة منعزله و لا يوجد بها تيارات هوائيه و بادن الله مافي خوووف

التغذيه الجيده مناسبه لهم و الهدوووء التام يسرع في انتاج الزوج

يعني التغذيه و نظافة القفص مرتين في الاسبوع مثلا ( انا مخلي ايامي الاثنين والجمعه )

تحياتي

[كل الدلع]

اختي مبروك على بداية التلقيح
والصبر حلو زي ماصبرتي اربع شهور حاولي تصبري كمان شويتين
من ناحية انك كيف تعرفي انها باضت
اول شي تشوفي اختفاء مفاجئ للأنثى بمعنى ان الانثى تقضي اليوم كامل بالبياضه وممكن يمر اليوم وماخرجت الا مره
طبعا انتي تصبري يومين او ثلاثه الين تتأكدي ان الانثى قاعده اغلب الوقت بالبياضه
ثاني شي الله يكرمك ويعز السامعين تشوف الفضلات بدأت تكبر وتسير أثخن كأنها فضلات دجاج
يعني شكل غير اللي متعوده عليه كدا لها رائحه مزعجه
آخر شي تلاحظي كثرة التلقيح لان الزوج يبغى يلقح كل البيضات
بعد ما تشوفي كل دي العلامات
تطرقي على البياضه وتنتظري الجوز يخرج
وتفضلي تدقي الين يخرج
اذا مره ماخرج وقتها تفتحي البياضه من الطرف وتطالعي
اذا واضح معاطي ان فيه بيض خلاص قفليها
اذا الانثى لسه جالسه وكأنها قاعده على شي حاولي تدخلي من الطرف حاجه تحركي بيها الانثى لجهة باب البياضه
وهي راح تخرج اول ما تشوفي فيه بيض تقفلي وتكتبي الموعد بورقه
طول فترة الحضانه تحطي صحن فيه ماء اسفل القفص مع تغييرها بشكل يومي
وتكتفي بوضع الحبوب لان اي شي ممكن يسبب تشحيم لان الانثى راقده على البيض
في فتره الحضانه تحطي الحبوب وماء الشرب مع الصحن اللي اسفل القفص
لا تحاولي ولا بأي طريقه انك تفتحي البياضه معليش كلها فتره بسيطه
لان فترة الحضانه من ١٨-٢٢ يوم
بعد ماتعدي المده المحددة بإذن الله وقتها نبارك لك على الفرووخ
ونقولك وقتها ايش تسوي فيهم^^

موفقه اختي ويارب اكون أفدتك

[relena]

عبود ،اتعبني غلاها ، كل الدلع شكراااااا والله يعطيكم العافيه ماقصرتوا معاي خلاص انا راح اصبر زي ما كنت صابره من البدايه انا راح احاول ما ازعجهم مع انه انا اصفر لهم لو بروح لهم عشان ما يخافو ويفهمو اني راح اجيهم معودتهم على كذا بالذات هذي الايام وان شالله يبيضو ويجيبوا لي فروخ حلوه