تكفون لا تطنشون ضروري

[دلعي يتعبك]

ببغائي الكاسكو


يسعبل اول مره اشوفه كذا عطيته فول الا سعبوله وش كبرها نازله مثل الخيط عادي يتحرك ويصفر بس مدري هو زكام والا وش لاني فاتحه الدريشه وفي برد خفيف


بيلز قولولي وش السالفه :(

[بكاتشو]

طيب هو يهز راسه فوق وتحت وبعدها اخرج ههههههههههه السعبوله على قولتك ؟؟؟؟؟؟؟؟؟

[دلعي يتعبك]

اهئ اجل وش تسميها انت اكيد سعبوله


مدري حاليا مايتحرك ولا ياكل وودي اعرف اذا فلونزه والا لا لاني اخاف يعدي البيت

وفلونزه الطيور معروفه بخطورتها


لا مايهز راسه اصلا بس نايم وينزل من فمه سعبوله والاكل من الصبح حطيت له حب للحين مااكله



بلييييييييز ردوو علي علشان اذا فيه شئ بوديه الصباح للبيطري

[سلطان بالبيد]

اللحق بسرعة ودية قبل لايموت ذي انفنونزا
سعبووولة ؟؟؟؟؟؟؟؟؟؟؟؟؟ظ
بس يطحك الاسم ههههههه

[دلعي يتعبك]

ردو تكفون

احد عنده خبره والا شئ تصفحت النت مالقيت اي شئ عن ان ببغاء يسعبل

المشكله بكثره ينزل من فمه

[دلعي يتعبك]

شكرا على الي شافو ولا ردو

بس حبيت اقولكم وديته بيطري للاسف قالي تسمم من الاكل وعطاني ادويه

وقالي حطي له في الماي 5 قطرات من الاثنين حطيت له

ودعواتكم يارب يشفيه

[دلعي يتعبك]

سلطان فلونزه اجل هاه

شكلك ماتدري عن الدنيا اول مره اشوف فلونزه يسعبل اخبر الفلونزه بالخشم

بس توقعت فلونزتهم يسعبلون تعرفون مبتدءه

على العموم الي عنده خبره عن تسمم الببغاء يعطيني من خبرته

ولكم جزيل الشكر

[كاسكـــو]

كم عمر الطير + صوره للطير توضح المشكله

لي رجعه لموضوعك

[دلعي يتعبك]

عمره سنه ومثل ماقلت رحت للبيطري قالي تسمم وعطاني ادويه وقالي حطيهم بالماي

وانا بصراحه خايفه يموت لان لاياكل ولا يصفر وبس نائم وينزل من فمه سعابيل

واشوي واحط له صوره

[تشآرلي]

دلعي يتعبك

انا ماقد مرت علي مثل هذي المشكله ,, شاهدت موضوع اليوم .. وسألت احد البيطرين

وكان جوابه انه تسمم ويحتاج مطهر معوي أو اللتهاب شديد بالبطن .

كيف تفرق بين الالتهاب والتسمم , التسمم تصدر ريحه كريهه من الفم عكس اللتهاب

البيطري سبق واعطاك الدواء , لو رفض الطير الشرب نهائيا لازم تستخدم اسلوب الاجبار

تمسك الطير بالمنشفه وتحاول تحط الدواء بفمه ( اذا كان الطير مايشرب ابدا )

وان شاء الله يقوم بالسلامه ,, ولا تستغرب من عدم ردود الاعضاء قد تكون الحاله جديده عليهم

ولا احد يحب يطرح لك جواب عشوائي وتكون النتائج غير مرضيه او غلط بالتخصص .

بالتوفيق

[دلعي يتعبك]

تشارلي شكرا الله يوفقك
اي يشرب الماي وبكثره بعد ماياكل صاير ريحته علاج بس انا ابي اعرف وقت معين يشربه والا لا

لاني حطيت له علاج وخليته وكل شوي يشرب احسه من الالم يحس بالم يشرب ويهدى

وبعدين في شئ تحت منقاره برقبته انتفخ مدري من كثر الشرب مدري من التسمم


قسم بالله فيني صيحه تكفون ردوو علي الي عنده خبره


اخاف يموت وانا حييل متعلقه فيه

[دلعي يتعبك]

لا وصار يطلع صوت مدري كيف المهم خخخخخخ كذا :(

[تشآرلي]

لاحول ولا قوة الا بالله

ادعي له بالشفاء وهدي من قلقك

الحمدلله انه باقي يشرب المويه , والعلاج ريحته كريهه لانه عباره عن مطهر وقاتل للبكتيريا ( والله اعلم )

لو تقدر اكتب لنا اسم العلاج ..

الانتفاخ هذا اللتهاب , بيروح ان شاء الله مع الوقت

:(

[كاسكـــو]

الانتفاخ هذا علاجه بسيط جدا محتاج بيطري شاطر

ولازم عمليه جراحيه لازاله الكيس الموجود تحت المنقار بالرقبه ملاحظه هل هو زي الكيس صغير

وانا طلبت صوره عشان احاول اقدر اساعدك والشفاء بيد الله

[دلعي يتعبك]

اسفه كاسكو ع التاخير هذي الصور

هذا الانتفاخ الي تحت منقاره


http://up.arab-x.com/May12/YOf41352.jpg

http://up.arab-x.com/May12/9nQ41351.jpg

وهذا العلاج الي عطاني اياه الدكتور

http://up.arab-x.com/May12/mZF41351.jpg

يشرب ماي كثير خاصه لما احط له العلاج وبعدين ينام العاده ببغائي اذا تحركت يفتح عينه وهو نائم الحين اقرب

جنبه ولا يحس فيني حتى

:( :(

ان شاء الله تعرفون وش فيه

شكرا تشارلي يعطيك االعافيه ويحقق امانيك

وانت بعد كاسكوو مشكوره ع الاهتمام
واعذرني تاخرت بالصور لاني قاعده معااه ومشغول بالي انسى من الخوف عليه :(

[A3z_ansan]

إللهه يشفيه يا رب ويخليه لكك واعرفي أن الموت رح يجئ يوم من الأيام غلئ كل مخلوق ؤما يجوز أنو إذا مات تقولين يا ليتني وديته بيطري أحسن كان رح يعيش لأنه اعتراض غلئ القدر ومجد يعترض غلئ القدر لأنه بيد الرحمن الرحيم العفور الجبار إللهه سبحانه وتغالى


وشككرا إخوك عبدالغزيز

[دلعي يتعبك]

عبدالعزيز لا ان شاء الله شئ بسيط ويروح لاتفاؤل عليه

بس لو ياكل ويريحني سهرانه اليوم كله علشانه

ان شاء الله يردون علي اهل الخبره معقول محد عارف حالته ولا قد مرت عليكم

انتظر ردكم ياليت في دكتور بالمنتدى نتواصل معاه

[كاسكـــو]

مثل ماتوقعت ، لازم تزال بعمليه جراحيه

وعلى يد بيطري شاطر ،، وممكن هي تروح مع الوقت والعلاج ويمكن لا ، ازالتها افضل عشان لاتسبب مضاعفات

والحافظ هو الله

[دلعي يتعبك]

لا مرات تنتفخ ومرات تنفش بس قولي وش اضرارها وش اسبابها
بس السعابيل ماوقفت والاكل ماياكل

انا لو ياكل برتاح لان الاكل بيزيده قوه وحيويه وبيشفيه بس مو راضي

وبالنسبه للعمليه انا بالموت لقيت بيطري يفهم حالته


انا بالدمام الي يعرف محلات تعالج يقوول لي

[ابراهيم الردادي]

السلام عليكم

الله يشفيه ان شاء الله
الحين الدواء يشفيه ان شاء الله لكن انتبه من الخمول انتبه الخمول
انت لازم تسوي اشياء مهمه عشان تحاوي تنشط الطير عشان ياكل:
مثل انك تطلعه برى القفص و تخليه يمشي ولا يطير بالغرفه.
او انك تخليه بالقفص و تطلعه الحوش عشان ينضف جسمه من الديدان والبكتيريا
و حاول انك تطلعه برى القفص داخل الغرفه
و تقشر حبوب دوار الشمس و تأكله
ولا تخليه امم تيار هوائي
و نوع له بالاكل يعني حط له خضار او فواكه مثل الكمثرى العنب
و ان شاء الله يرجع زي اول واحسن
اي خدمات انا موجود ان شاء الله

[دلعي يتعبك]

يسلموو برهووم

حاليا قاعده اسوي له كذا أنوع له بالأكل واخليه يتحرك كثير وبدا الحمدلله ياكل :88:

واحط له عسل بالماي وليمون ;)

واحس انه احسن من قبل بالنسبة الانتفاخ للحين مرات تنتفخ مرات تنفش :D


الله يعطيكم العافيه على الاهتمام:shy:

[kh2kh]

هذا موضوع نفس اللي مع طيرك .. نفس الشي قاله الدكتور عملية وبعدين راح لبيطري ثاني واعطاه مضاد موضعي

وتحسنت حالته .. ياليت تقرا الموضوع هو بالانقليزي تقدر تستعين بصديق او ترجمة قوقل :)

http://www.parrotforums.com/congo-timneh-greys/15581-lump-under-african-gray-beck.html