سيارة دعست رجل القطة......

[أمير البحر]

السلام عليكم

اليوم وأنا رايح البقالة شفت قطة تبغى تقطع الشارع وجت سيارة والقطة منتبهت للسيارة وهي قاطعَ

الشارع دعستها السيارة في رجلها اليمين:wao: عشان أول ماقربت منها السيارة خافت ورجعت

بسرعة وهي جالس تِلف مابقى إلى رجلها اليمين والسيارة كمان كانت شوي مسرعة فدعستها:(

ووقت الدعسه طلع صوت قوي زي الطقطقا زي لم دق الباب وراحت زحفت تحت سيارة كانت واقفة

وأنا جيت عندها وناديتها طلعت صوت غريب كأن الصوت غليظ جا من جوت الحنجرة... على طول

رحت البيت أخذت أكل وأعطيتها الحين هي أكلت وجالسَ تحت السيارة

سؤالي:- كيف أعالجها؟يعني كيف أخففلها الألم قدر المستطاع....عشان يمكن أهلي ما يوفقون
أوديها البيطري

ملحوظة(القطة أنثى و أتوقع عمرها 4-5 سنين)

[فاتـــو]

لا حول ولا قوه الا بالله
والله ياخوي ما في حل الا انك توديها للطبيب انت الوحيد اللي شفتها وبيدك تساعدها
الحين دخلها البيت حتى ماتندعس مره ثانيه وشوف رجلها اذا في نزيف لازم يوقف
وياريت صوره يمكن اقدر اساعدك
انتظر ردك

[أمير البحر]

ان شاء الله أصورها... بس ما أقدر أدخلها البيت لثلاث أسباب أول شي أهلي مارح يوافقو أدخلها البيت اذا هم ما هم

متقبلين القط ألي في الحوش وفُقها القطة من الشارع يعني يقول أكيد فيها براغيث أو مرض أو أي يشي ثاني...

وثاني شي اذا دخلتها في حوش البيت اكيد بيضربها قطي يعني مرا ماينفع وثالث شي القط ماهي والفتلي بس

ان شاء الله يوفقُ أهلي أوديهَ عند الدكتور البيطري

بس ما في أي طريقَ يخففلها الألم أخاف مايوفقُ وبعدين القطة بتموت عشان مستحيل تسلق الزبالة(الله

يكرمكم) وهي بهاذي الحالة

[فاتـــو]

يا اخي الكريم هذا مؤقت مو على طول
حطها بكرتونه وسكر عليها بالحوش حتى مايضربها قطك بس اهم شي ماتضل بالشرع
ممكن تجوع وتجي تمشي تروح تدعسها سياره لان حركتها الحين مو طبيعيه وبتصير بطيئه جدا
وكل شوي عطها مويه واكل هي الحين شبه عاجزه ويبيلها فتره حتى تستعيد صحتها من جديد
هذي روح وانت اللي بيدك بعد الله تنقذها تعيد لها حياتها ^^
والله يجزاك خير على كل خطوه وفعل تسويه من اجل احياء هذا القط
انتظر الصوره ^6

[أمير البحر]

أهي الصور بس ان شاء الله أصور صور أوضح عشان ماهي راضيَ تخرج من تحت السيارة

http://www.2zoo.org/uploads/13541225651.jpg

http://www.2zoo.org/uploads/13541225662.jpg

http://www.2zoo.org/uploads/13541225663.jpg

[شاهستا]

ياريت تقولنا المشكله فى الارجل الاماميه ولا الخلفيه

وانت بتصورهها ياريت تلاحظ لينا فى ورم فى رجليها ولالا ؟

[بسبس مياو]

انت وين بالسعودية؟

[فاتـــو]

ياقلبي والله شكلها يحزن
شوف فيها ورم ولا لا

[أمير البحر]

مشكوريــــــــن على الردود السريعة

شاهستا المشكلة في الرجل اليمنى الخلفية....فيها ورم وانتفاخ....بس مافي لا دم ولا نزيف

بسبس مياو أنا من جدة

فاتو فيها ورم

ذحين المشكلة أني أعطيتها أكل من البيت لحم وجبنة مثلثة وشويت بطاطس مسلوق وصحن

ثاني فيه حليب ورحت...ورجعت بعد نص ساعة لقيت الصحن حق اللحمة و.. و... نفسُ وصحن

الحليب نفسُ(يعني ما أكلت ولاشيء)..... وبعدين حاولت أأكلها خافت وقامت وبعدين طاحت (يعني

ماتقدر تتوازن)وبعدين قامت مرة ثانية وطلعت من تحت السيارة (يعني فوق عند المكينا والأشياء

الثانية ألي في السيارة) وهي طالعَ ذاك الوقت شفت الورم.

صح نسيت هي أول م أوصيبت على طول جبتلها أكل وأكلت شوي وبعدين أمس الساعة 11ونص

جبتلها أكل وحليب أكلت حاجة بسيطة جداً واليوم ما أكلت ولاشيء.

هي لما تتحرك توقف على أيديها الثنتين ورجلها المصابة تخليها تزحف على الأرض.

بالله قولولي ايش أسويلها:(:(

[فاتـــو]

اهلين اخي
حالتها تزداد سوء ولازم تروح للطبيب
والورم دليل على وجود كسر بالرجل ولازم يتجبس حتى ماتتعفن الرجل ومانقدر نسوي لها شي
والواضح من كلامك انها تخاف منك حاول تروضها وتعودها عليك حتى تقدر تشيلها وتوديها للطيب
والله يجزلك خير على اللي بتسويه
.........

[شاهستا]

لاسف رجليها اتكسرت لو تقدر توديها للدكتور ياريت

ويكون فى ميزان حسناتك اكيد

[أمير البحر]

الحمدالله أهلي وافقُ أوديها للدكتور البيطري.....بس المشكلة أنها ما تبغى تخرج 24ساعة تحت

السيارة.....وعلى فكرة القطة لها يوم كامل ما أكلت شي أمس حاولت أأكلها بس م هي راضيه رميتلها

الأكل ألين عند فمها برضو ما هي راضيه...... حطيت الأكل عندها ورحت ....طيب هي القطط كم يوم

تستحمل بدون أكل؟؟....و ان شاء الله اذا قدرت أمسكها على طول أوديها للبيطري

[بسبس مياو]

اذا في جمعيات للقطط في جدة استعين فيها وهم يساعدوك ويمكن يرسلون احد يطلعها ويعالجونها،انا ما اعرف جمعيات جده بس اعرف الرياض،وبحاول ادور لك في النت

[فاتـــو]

اهلين اخي
شوف ممكن تسوي طريقه الاخ بسبس مياو
او انك تروضها بنفسك
هذا الموضوع راح يفيدك
http://www.2zoo.com/vb/showthread.php?t=248046

[شاهستا]

اكيد القطه بتتألم وحرارتها عاليه عشان كدة رافضه الاكل

[بسبس مياو]

تصرف بسرعه الله يخليك انا مش لاقيه ارقام جمعيات بجده،ياليت اللي يعرف يرسله للأخ عالخاص او حاول تطلعها انت بسرعة ارجوك

[أمير البحر]

القطة ما شاء الله تحسنت أكثر بكثير...أصلاً لها يومين ما لقيتها واليوم شفتها جوت عمارة... دخلت وإلى

و ألقيها تتحرك وتدعس على رجلها المصابة بشويش مش زي أول تخلي رجلها المصابة تزحف في

الأرض....ما عني ما وديتها عند دكتور بيطري ولا جبرتلها ولاشي.... خرجتها من العمارة بالأكل ألين

الشارع عشان أأكلها عشان ممنوع أحد يأكلها في العمارة والحارس لو شاف لا طردها..... وبعد ما

أكلت دخلت العمارة ثاني مرة

وهذي الصور

http://up.arabseyes.com/uploads/07_12_1213548898993.jpg

http://up.arabseyes.com/uploads/07_12_1213548899004.jpg

http://up.arabseyes.com/uploads/07_12_1213548899005.jpg

الحمدالله تعافت لوحدها....ذحين تقدر تعتمد على نفسها:88:....سبحان الله...ربنا معاها

في سؤال صغير:هي كيف تعافت لوحدها؟ لها من يوم الحادث عشرة أيام وكانت أبداً ما تاكل إلا

اليوم و أول أيام الإصابة الأول والثاني بس.... يعني نقول 3أيام أكلت و7أيام ما أكلت...يعني بأمكانها

تستحمل 7أيام بدون أكل؟:confused:

[فاتـــو]

اهلين اخي
بصراحه مانقدر نقول انها تعافت تماما يعني ممكن تكون لسه تحتاج جبر وعلاج
واي قفزه ممكن تأذيها من جديد
اذا مو بايدك انك توديها للطبيب حاول تغذيها وتهتم فيها والله يتولاها برحمته
وبالنسبه لقدرتها على المكوث بدون اكل فهذا مستحيل لانها ماشاء الله مليانه بالصور
وباين انها كانت تاكل ي مكان ثاني

[Octopus]

اهلين اخي
بصراحه مانقدر نقول انها تعافت تماما يعني ممكن تكون لسه تحتاج جبر وعلاج
واي قفزه ممكن تأذيها من جديد
اذا مو بايدك انك توديها للطبيب حاول تغذيها وتهتم فيها والله يتولاها برحمته
وبالنسبه لقدرتها على المكوث بدون اكل فهذا مستحيل لانها ماشاء الله مليانه بالصور
وباين انها كانت تاكل ي مكان ثاني



اعتقد ان اليومين الذي ما شفت يمكن كانت تاكل في مكان اخر و انت ملاحظتها
اما كيف شفيت ما ادري كيف وحتى انا ما صدقت و لكن يمكن بقدرة الخالق عز وجل

[dooodo]

ياحياتي والله حرااام البسس دي تعيش في الشارع :(

لسه انا اليوم لقيت وحده صغنونه

كانت تبغى تقطع السكه على طول اخذتها

ولها 5 ساعات نايمه عندي مدري اشبها الله يستر حتى ماتبغى تاكل بس نووووم

والله انا اتمنى يكون عندنا ملجئ للبسس دي بجده
:(