فصلت حضان جديد عند النجار

[تووتـي0510]

السلام عليكم

انا اليوم كلمت النجار وقلت له يسويلي صندوق خشب عشان يكون حضان للكتاكيت وفي نفس الوقت اقدر اخليه فقاسه
وقلت له يسوي لي العرض والطول 70سم والارتفاع 60 سم والباب يفتح على فوق وفي فتحه في الباب من الوسط 10 سم وتكون شبك عشان لما تكون حضان اخلي فيها الشبك ولما ابيها تكون فقاسه اسكر الفتحه وقلت حق الكهربائي يسوي لي لمبه بالاسلاك طول السلك 2 متر ولها مفتاح براا الصندوق ويجيب لي ترمو متر الي زي الساعه ويركبه لي براا الصندوق وان شاء الله الصندوق يجهز بكراا وبيجيبه واللمبه والترمو متر براا بعد بيجيبه الكهربائي ويركبهم بالصندوق ويضبطهم لي ^_^ :88: :12: وقلت للنجار بعد يجيب لي كل النشاره اللي عنده ..~ْ

وان شاء الله لما يوصل بكرا بحط لكم الصور..~ْ..

شو رايكم بالقياسات مناسبه والا لا ؟؟

وطبعا الصندوق فيه قفل عشان لا يلعبون الاولاد الصغار بالبيض او بالكتاكيت

وقالي الصندوق 110 درهم واللمبه والترمو متر 55 درهم يعني ماكلفني كثير

[تووتـي0510]

نسييت سؤال بعد

الحين هالقياسات توسع لكم كتكوت ؟؟؟

[bird96]

القياسات مناسبه نعم ... وتكفي ل 10 الى 20 صوص . :)

[الطرقي1]

الله يباركلك فيها وتغقس لك صيصان

[Qussay]

مشكور اخي لكن بالصور افضل

[تووتـي0510]

السلام عليكم

هذه صور الصندوق طبعا الصندوق ماضبطه النجار مثل ما انا ابيه خربه شوي يعني من تحت الخشب فيه فراغات يدخل منها الهواء وبعد الشبك اللي سواه مو مثل ما أنا ابي وبعد لما حطيت اللمبه درجة الحراره ما ارتفعت يعني اذا ابيها ترتفعع لازم اقربها من البيض وقربتها وصلت فقط 33 مارضت ترتفع بعدين فرشت ارضية الصندوق بألمنيوم عشان اغطي الفتحات اللي يدخل من ها الهواء وبعدين جبت كرتونه وغطيتها من الداخل كله بألمنيوم وحطتها بداخل الصندوق وحطيت البيض بداخلها وجبت الترمومتر وحطيته عند البيض عشان اعرف كم درجة حراره البيض بالضبط وطبعا الصندوق ماراح ينفع لا حضان ولا فقاسه للبيض ألا اذا زدت عدد اللمبات أو خليتها مثل الحين بالكرتونه لانه بالكرتوبه درجة الحراره قدرت اضبطها 38 وأترككم مع الصور


http://im16.gulfup.com/vDfj1.jpg
http://im16.gulfup.com/G6pg2.jpg
http://im16.gulfup.com/QqPA3.jpg
http://im16.gulfup.com/NfE04.jpg
http://im16.gulfup.com/e13J5.jpg
http://im16.gulfup.com/z85p6.jpg
http://im16.gulfup.com/Odgz7.jpg
http://im16.gulfup.com/guU28.jpg
http://im16.gulfup.com/iQ7j9.jpg
http://im16.gulfup.com/xF0i10.jpg
http://im21.gulfup.com/cAKp1.jpg
http://im21.gulfup.com/6KGn2.jpg
http://im21.gulfup.com/XmlQ3.jpg

[تووتـي0510]

القياسات مناسبه نعم ... وتكفي ل 10 الى 20 صوص . :)

شكرا لك الله يعطيك العافيه

[تووتـي0510]

الله يباركلك فيها وتغقس لك صيصان

امين يارب

شكرا على مرورك

[تووتـي0510]

مشكور اخي لكن بالصور افضل

العفو
خلاص الصور الحين موجوده

[هكذا اذن]

حلو الصندوق

عند منو فصلته اي نجار ؟

[تووتـي0510]

حلو الصندوق

عند منو فصلته اي نجار ؟


عند واحد نجار اول واخر مره افصل عنده بصراحه شغله مو حلوو ونصاب بعد كم مره افصل عنده سلاكات ولو اشتريهم من السوق جاهزين ألاقيهم بنص القيمه اللي عنده .. حتى تركت التفصيل عنده لانه اكتشفت انه يكذب عليه

طبعا شكل الصندوق حلو بس فيه عيوب مثل انه فيه فراغات كبيره يدخل منها الهواا مو مضبطه عشان جي حطيت دخله كرتونه

[HAMZA_07]

عند واحد نجار اول واخر مره افصل عنده بصراحه شغله مو حلوو ونصاب بعد كم مره افصل عنده سلاكات ولو اشتريهم من السوق جاهزين ألاقيهم بنص القيمه اللي عنده .. حتى تركت التفصيل عنده لانه اكتشفت انه يكذب عليه

طبعا شكل الصندوق حلو بس فيه عيوب مثل انه فيه فراغات كبيره يدخل منها الهواا مو مضبطه عشان جي حطيت دخله كرتونه
السلام عليكم يا اختى صندوق جميل ينفع يكون حدانة وفقاصة في نفس الوقت لهدا انا حبعتلك رسالة على خاص فيها شيئ حيساعدك

[raiedsindi]

اخي العزيز لابد لك من وضع زبدية ماء ممكن الاستعضه بعلب الجبنة التي تباع بالسوبر ماركت وملأها بالماء وأيضا لابد من مروحه لتوزيع الرطوبه والحراره بالتساوي من جميع الجهات حتى يتم تهيأت الظروف الطبيعية لفقس البيض وبالتوفيق

[الطرقي1]

مررررر ه حلوه ...مبروكه عليكي..

[الطرقي1]

مررررره حلو مبروك عليكي..

[هكذا اذن]

عند واحد نجار اول واخر مره افصل عنده بصراحه شغله مو حلوو ونصاب بعد كم مره افصل عنده سلاكات ولو اشتريهم من السوق جاهزين ألاقيهم بنص القيمه اللي عنده .. حتى تركت التفصيل عنده لانه اكتشفت انه يكذب عليه

طبعا شكل الصندوق حلو بس فيه عيوب مثل انه فيه فراغات كبيره يدخل منها الهواا مو مضبطه عشان جي حطيت دخله كرتونه

حصل خير

ممكن اتيبين صندوق بلاستيك من ايكيا الكبير

انا جي بسوي .