ببغاء الامازون / غالي بسعر غير معقول / قصتي القصيره تجدونها هنا / ارجو دخول الكل

[* خالد *]

اهلا بالشباب / ات

كيف حالكم بشرونا عنكم . ان شاء الله طيبين

كتبت هذا الموضوع عشان نتناقش عن اسعار اللبغاوات

صراحة انا كنت امس في محل حيوانات اسمه " ركن الحيوان " في مدينة الرياض

وصراحة استغربت من سعر الببغاوات عندهم

سأروي قصتي :-

امس وبالتحديد الساعه 7 طلعت من البيت رايح لمحل الحيوانات والي اسمه " ركن الحيوان "

طبعاً اول مادخلت المحل اتجهت علطول عند الببغاوات . انا استغربت كثرة الببغاوات عندهم ذاك اليوم لاني اول مره اشوف هذا الكم الكبير من الببغاوات عندهم

طبعا تعرفوني احب ببغاوات الامازون بشكل عام

كان في اكثر من نوع لكن اكثر شيء شد انتباهي هو " اليلو ناب " وايضاً " الدبل يلو هيد "

جت المفاجأه جا واحد يشتغل من المحل وسألته بكم اليلو ناب قالي بعشر الاف !!!

مشيناها ورحنا عند الدبل يلو هيد وقال بعد بعشر الاف !!

الحين الي ابيه منكم هل السعر مناسب او رخيص

لاني كنت ناوي اشتري ببغاء امزون من هذا النوعين بس يوم شفت الاسعار هذي غسلت يدي :D

وتكفون ياناس لاتدخلون الموضوع وتطلعون بدون ردود . ابي الموضوع شعل وردوده كثيره

[D.Abu_mansor]

بعشر الاف !!


لا إله إلا الله


المحلات هذه ما ادري متى بتترك النصب عنها

اتوقع علشان ما يجيهم إلا ناس مطخطخين مرة

على العموم اخوي انصحك تروح لسوق الحمام في العزيزية اذا كنت من سكان الرياض

بتحصل اللي تبغاه وسعل معقول

لكن هذا لا تشتريه ولا ياخذون منك ولا ريال


يعطيك العافية اخوي خالد

:eek: :eek: :mad:

[Mr. MeMo]

اخي الكريم


الاسعار التى ذكرتها مرتفعه شي ما و ليس كثير

فسعر الطيور التي ذكرت ارتفعت كثيرا بعد حظر استيراد الطيور

و هذه اسعارها حتى في الدول الاوربيه ايضا

و خصوصا اليلوناب و الدبل يلو هد اسعارهم مرتفعه لندرتهم في السوق
في الوقت الحالي

و ان شاء الله تتوفق في الطير المناسب

[مشاكس]

[SIZE="5"]اقول اخوي خالد لا تشتري من عندهم ولا شي

عطهم ركبة بس

رح سوق العزيزية بجانب سوق المواشي

مثل ما قالك اخونا (D.Abu_mansor )

انا رحتله قبل اسبوع حوالي

والله اني لقيت الأفريقي ومدرب ويقلد صوت الديك بـ الف إلى الفين وبعد الكوكاتو قاعد خارج القفص

بـ الف وشوي عاد مثل ما تبي انت][/COLOR]

[إحساس نادر]

كثيييييييييييير

لا تستعجل دور بتلاقي بأقل
أبتعد عن المحلات الكبيرة واللي بالأحياء الهاي هاي


بتلاقي أقل



مودتي

[panda]

اسعار اليلو ناب والدبل يلو من 7 الاف وفوق في الحراج او في محلات سوق الطيور والي يتكلم مستحيل تلقاه بقل من 8 الاف الا اذا فيه بلا او راعيه غشيم في الطيور

والمحلات الي في الرياض مثل الي ذكرت بحدود 9 الى 12 الف حسب الطير وصحته والكلام

وفي الوقت الراهن اذا حصلت على فرخ يلو ناب ادفع فيه 8 الف ولا اترداد

[MLoOoK]

والله انك حبيب بعد مصدك هذا المحلات ام النصب لو تروح سوق الحمام اللي بالرياض بس بعد غالي 7000 ريال يعني نفس القصه بس سوق الحمام ارخص شوي

[SharkSoftware69]

يلو ناب هذا طير ولا سيارة

هههههههههههههههههههههه

الله يعينكم لهذه الدرجة الاسعار ارتفعت؟؟؟؟؟

[هيبه اسد]

والله شوف هذا المحل بالذات اكبر نصابين عيني عينك اجل دره االيفه بـ 2000 ريال!!!

وسوق الحمام بالكثير اذا هي اليفه 300 ريال

يارجال صارت الحياه والطبيعه ارخص منهم

[هاوي المكاو]

جت المفاجأه جا واحد يشتغل من المحل وسألته بكم اليلو ناب قالي بعشر الاف !!!

مشيناها ورحنا عند الدبل يلو هيد وقال بعد بعشر الاف !!

الحين الي ابيه منكم هل السعر مناسب او رخيص؟؟؟؟؟!!




اولاً حياك الله اخوي الغالي,,,,, *خالد*
في احلى منتدى***>---------------------------------------------------------------------------->>2zOO


هو الكلام هنا<<السعر$$$$ !!!>>

هل هوه يستاهل السعر هذا ولا لا:

طريقته في الكلام .;)
ايش الكلام الي يقوله.:)
هل يتكلم جمل متواصله.:eek:
هل يربط اشيئاً بالجمل "مثلاًعندما تدق الباب ويقول مين,,:eek:



يطلع على اليد ,, يطلع على الكتف.:rolleyes:
يتكلم وهوه فيدك:cool:
يراددك في الكلام:p
طير حار:cool:
مايعض:D


اذا هاذي المواصفات فيه ,, انا بالنسبه ليا اقول انه يستاهل السعر ذا >------------------>>
>------------------>>باختصار اخوي الحبيب* خالد *

هل الطير*****محترف*,*متوسط*,*مبتداء*


بالنسبه للي مدربه



وانا اسف اسف على الاطاله اخوي ,,, :)


ومشكوووووووووووووور*الف **على مشاركتك**الحلو5 5:)

[زحزوح]

السلام عليكم

حياك الله معاااااناااا في المنتدى اخوي : خااااااااااالد

انا كلامي مثل كلام اخوي هاوي المكاو كلامه صحيح 10000&#37;

والقرار الاخير في ايدك
لا تستعجل

بالتوفيق
تحياتي

P.S Has got acquainted with the girl, http://cyberblady.com, how it to you? Only it is fair!

P.S Has got acquainted with the girl, http://cyberblady.com, how it to you? Only it is fair!

[الجااارح]

هلا والله أخوي خالد

أولا بما أنك من عشاق الأمازون زي ما تفضلت المفروض إنك تكون من أكثر العارفين بالسعر ...

عموما يالغالي :
اسعار الطير هذا مرتفعة فوق ما تتخيل وقد يوصل سعره أكثر من ما ذكرت في حالت إنه يكون مدرب ومتكلم درجة أولى وكن على علم إن الأمازون الدبل يلو هد غالي غالي إلى حد ما يوصف أنا أول مرة أعرف أسعاره عندما كان واحد من الأعضاء عارض الطير حقه في قسم البيع وكان على ما أفتكر بــ :eek:11.000 ريال والآخر بــ :eek:30.000 الأول متكلم ومدرب ووالف وعلى كيفك والثاني على كلام راعيه طبعا يقول حافظ الأذان كامل من الله وأكبر إلى لا إله إلا الله وبصوت الملا وغيرها الكثير والكثير من الجمل ويمكن لو سوبت بحث للمواضيع السابقة راح تلاقيه إذا ما كان ا نحذف نتيجة الخلل السابق بالمنتدى ....

بس سعره غالي وإنت يوم تقول غسلت ايدك أنا قد غسلتها قبلك بالموية والصابون والفلاش وجميع أنواع المنظفات لأنه في الأخير يبقى طير يالغالي ولكن الهاوي الله يعينه على دفع الثمن ..

ومن ناحية المحل اللي ذكرته نصب × في نصب وبالمعادلة الرياضية:

نصب × نصب × 100 ضحك على الدقون ÷ قلة حيا = اسحب سيفون عليهم وانت مغمض يالغالي ...

وعلى فكرة أنا قد رحت لمحل الظاهر اسمه فيفا في حي الضباط ولقيت ببغاوات والله اسعارها مبالغ فيها الا حد كبير وشيء مو معقول ولا يصدق ولكن لا تروح لهم روح زي ما تفضل الأخوان من قبل لسوق الحمام اللي في العزيزية فهناك الأسعار معقولة وجيدة ....
بس على فكرة /
تعبت وأنا أدور على محل يبيع الدبل يلو هد وما لقيت ليومك هذا والسبب زي ما ذكر الأخوان من قبل هو الحظر من استيراد الطيور ...


وأنا أنصحك انك تشتري نوع من أنواع الأمازون آخر يكون سعره أرخص وأفضل يالغالي وإذا عجزت عن الدبل يلو هد ففي أنواع والله حلوة ومسلية ومتكلمة ووليفة بأسعار أرخص بكثير يالغالي ...



ختاما :

أعذرني عن الإطالة ولكن والله تحمست مع الموضوع بقووووووة ههههههههه :D:D:D..
ووفقك الله العلي القدير على شراء طير يكون وليف ومتكلم وجيد وترتاح له آآآآآمين ..

[السكرااان]

معلش انت رحت لكبر نصابين ولي اشوا منهم شوي تحسين مافي اختلاف بسوق انتر نت دقيت على واحد يبيع ببغانات وشتريت منه 1300ريال وبعد فتره طلبت منه ببغاء نفس الي شتريته وطلب مني 1800ريال قلت ليه سعره غالي قال الناس تسوم منه 2000ريال ونت زبون شف الافرق مو رخيص طبعن اليف

[الكوكاتو]

بصراحة اضم صوتي مع صوت هاوي مكاو

[Gipsy Kings]

عشرة آلاف!!!!!!!!!!!!!!!!!!!!!!!!!!!!!!!!!!!!!!!!!!! سعر خيالي وغير معقول ,وشكل البائع(الحرامي) يبي له كف

[كوكتيل نعوم]

هلا

اخوي انا اعرف ركن الحيوان هو جنب بيتنا تقريبا وهذا المحل اكبر نصاب في التاريخ وكل طيورة تعبانه :( انا للحين شريت منهم يمكن خمس مرات وما عاش عندي للحين الا واحد وانا اللي عالجتة جاني وهو حالته حااااالة :eek: الطيور اللي عندهم اما عين مفقوعة والا اصبع مقطوع والا رجل مكسورة عاهاااات والله واحب اعطيك معلومة كل المحلات اللي داخل الرياض تكون غالية والبعض البعض منهم نصاب واحسن لك روح لسوق الحمام :D,,