التصفير عند الكاسكو..مساعدة

[عزام الحربي]

السلام عليكم ورحمة الله وبركاتة

اخواني الكاسكو عندي لي شهر اردد علية كلمة بابا

طبعا من اول اسبوع قالها بس قالها بتصفير واضحة انها بابا بس يصفرها ما يقولها

وش الحل معاه ابي خبرتكم

والمشكلة الثانية كل ما رحت عنة قام يصارخ ويتكلم ويحرك جناحينة كنة بيطير ويوم اجلس معاه يخمد

ولا يطلع اصوات اكثير واربع وعشرين ساعة يبيني احك راسة

اتمني تفيدوني اول مشاركة لي بمنتدي تو زوو

[عزام الحربي]

معقولة منتدي زي تو زوو 20 مشاهدة ولا رد

معقولة ما احد عندة خبرة

على العموم يعطيكم العافية على المشاهدة

[wal___eed]

كررها عليه لين ينطقها بمخارج الحروف الصحيحه

اذا قالها بالتصفير معناتها ماستفدت شي

وبالنسبه انك اذا انت عنده يسكت واذا رحت عنه قام يصفر ويتكلم

هاذا الافريقي الغالب مايتكلم قدامك او بوجود احد حطه بمكان جلستكم وكل فتره والثانيه لقنه الكلمه الي تبيها وصفر له وكلمه خله يتعود انه يتكلم بوجودكم علشان يتخطا حاجز الخوف

[عزام الحربي]

يعطيك الف خير حبيبي فيك الخير والبركة

بس اخوي وش السبب الي خلاة ينقها بصغيرة مع اني علمتة البوسة وكلمة ياواد بس يوم جيت عند يا بابا قام يصفرها

هل تلقيني خطا
او هي بداية نطقة للكلمة بس معقولة شهر وهو بداية نطقة للكلمة

[تشآرلي]

وعليكم السلام ورحمة الله وبركاته

شي طبيعي انك ماراح تجد ردود سريعه ( يجب وضع الموضوع في المكان المناسب )

قسم سؤال وجواب هوا القسم المناسب ,,, تم النقل

الاجابه على سؤالك

الطير لما يحرك جناحه ويحاول يطير لما تبعد عنه هذا يبي يروح ويجي معاك

ودامه حاول ينطق الكلمه بالتصفير بادره طيبه وبالمستقبل ان شاء الله بيقولها نطق

استمر معاه بالتلقين وهوا خارج القفص

وراح تسمعه ان شاء الله يحاول ينطقها لما يكون لوحده

ولما يتقنها بيقولها ان شاء الله امامك

هذي التصرفات غالبا تكون بالطيور الي عمرها اقل من سنه

بالتوفيق

[بلاك بيري]

ان شاء الله الطير بيتكلم لكن لقنه وركز على الكلمه اكثر واكثر