بشتري ببغاء افريقي اول مره ومحتاجه مساعدتكم

[دلع بحريني]

قوووووووووووة


انا بالصدفه تعرفت على هالمنتدى واللي صراحه واااااااااااااايد استفاديت وتعلمت منه وايد اشياء راح تفيدني ان شاءالله

لاني ناويه اشتري لي كاسيكو( ببغاء افريقي رمادي ) من نوع جامبو

وانا رحت السوق من فتره وبالتحديد رحت سوق واقف وجفت السوق ما شاءالله متروووووس طيور كا سيكو واغلبهم عمرهم 7 شهور

انا صراحه مادشيت الا محل واحد ومن اول نظره دش مزاجي كاسيكو عمره سبع شهور واليف ولا يعض المسه ولا يقول شي ودايم يتعلق على القفص ويمشي

وساومته على السعرر قالي 50 دينار


صراحه سعر معقول


بس الحين يالسه افكر واقول يعني هل الطيور اللي عندهم مطعمين !!

ولا يعني لين شريته انا بروحي اوديه البيطري يفحص عليه

وانا لاحظت بعد في المحل انه الاكل اللي حاطينه لهم بس حب شمسي ما شفت فواكه ولا شي من هالقبيل

يعني انا لين خذته وديته البيت ابي اعرف شنو اهي الاكلات اللي يحبونها الكاسيكو عشان نبي ندلعه من اول يووووم


خخخخخخ على الله يحبنها ويتعود علينا


وبعد ابي اعرف شلون اسبحه انا قريت من المنتدى انه نرش عليه ماي من مرش مال ماي مرتين بالاسبوع

هل هاي المعلومه صح !!


وبعد عندي سؤال انا لين شريته الحين بوديه في بيتنا وبحطه في غرفتي وانا غرفتي بارده لانه الحين حر ولازم اشغل ايسي ولا بموووت من الحر

خبركم جو البحرين ما شاءالله اوروبي خخخخخ


المهم يعني عادي يتحمل جو الايسي ولا بيموووت علي من البرد >_<

وانا مابي يموت لانه اذا مات واانا توني شاريته خلاص بكره شي اسمه اربي طيور

واخاف اخليه في الصاله ولا شي ينونه اخواني ولا شي عقب يصير عصبي ويعض موبي يصير شراني




ااااااااااااااسفه طولت عليكم بأسالتي بس عذروني لاني اول مره اربي طير

وابي اربيه اااااااااااااحسن تربية ^____^



انتظر تعليقاتكم وارائكم

[aimmh]

السلام عليكم اختي
اولا مبورك عليكي الكاسكو اختي
ثانياً المعلومات الباقيه كلها ما متاكد منها لاكن بالنسبه للبرد اعتقد يضر
لانه اصله افريقي يعني من الحر
واسمحيلي

[دلع بحريني]

مشكووووووووور اخوي aimmh

على ردك السريع


عيل وين تشور علي احط الببغاء مالتي ؟؟

على فكره انا للحين ما شريتها ^_^

[كاسكو البحرين]

العمر : 7 شهور سعر مناسب جداً +الألفه
الطيور اختي مو كلهم يجون مطعمين مجرد تاخذي الطير تقدرين
زيارة البيطري وهذه نقطة جيدة ( التطعيم )

بالنسبة الى إهتمام المحلات بالطيور فهذا شي في اغلب الاماكن ماكو إهتمام
لانه الهدف هو البيع والربح ولايريد الخسارة طبعاً لانه ارخص وجبة الحب الشمسي
وبعض الاحيان نجوف محلات مطورة تغذي الطيور بالذرة لانه الذرة السحاره ابدينار :D
عموماً هذا رابط مفيد جداً يخص هذا الشأن

http://www.2zoo.com/vb/showthread.php?t=20272

وعن جو المكيف مافي ضرر لكن خفضي على مستوى البروده وغطي القفص ابغطاء
جيد يحافظ على الجو في القفص وطريقة الترويش ( سباحة الطير ) مثل الصورة

http://www.pusup.com/uploads/2d2d86b10f.jpg

واهم شي عقب الترويش ماتخلين الطير في جو فيه تيار هوائي قوي سواء كان حار او بارد
وعدم ادخال الطير الى غرفة مكيفة او تجفيف الطير بستخدام مجفف هوائي خلي الطير على راحته يجفف ويعدل ريشة ويفضل ترويش الطير وقت الصباح او بعد الظهيره بماء فاتر ومناسب

[دلع بحريني]

مشكور اخوي كاسكو البحرين على ردك السريع ولو اني زعلانه ليش انك نقلت موضوعي حق السؤال والجواب

مو عشان شي بس لانه مهجور وماكو احد يدش الا اثنين او ثلاثه وانا ابي استفيد من اللي عندهم خبره اكثر

تامهم تسلم لي على النصايح اللي قدمتها بس طريقه الرش بالماي يعني مافهمت عدل من الصوره !!

يعني تقصد اطلع الطير من القفص وارش عليه ماي ؟؟

ههههههههههههه احسه بيشرد وانا الاحق وراه بالمرش >>> والله شكلي بيصير نكته

وعن البيطيري بعد انا يعني كلش ماعندي فكره وين في بيطيرين في البحرين يعني اذا ماعليك كلافه تعلمني على مكان لو واحد بس لاني ماعرف ولا بيطيري في البحرين !!!


وبعد بغيت اسافسر في مره قريت موضوع عن واحد يقول يعطي الكاسيكو ماله عسل

شلون اعطيه عسل ؟؟؟


يعني احط في صبعي واخليه لحسه يعني ؟؟ اخاف يعضني ولا شي >_<

ولا في عصا احطه ؟؟

صراحه فكرت العسل عجبتني ^______^


بعد عندي سوال هههههه

مسامحه وايد اسال بس الافكار فكره تدش وفكره تطلع انا نفسي مب قادره الحق عليها خخخخ

انزين شلون اعرف انه الطير يحتاي اقلقلصه ولا لا ؟؟

اخاف يطير ولا شي ولا اخاف تطقه البانكه عقب يعورني قلبي >_<


يعني شلون اعرف اذا يبيله تقلقص ولالا ؟؟


ومسامحه على الاسئله الوايد

[D.Abu_mansor]

هذا الموضوع راح يفيدك اختي
http://www.2zoo.com/vb/showthread.php?t=1752

[دلع بحريني]

مشكور اخوي D.Abu_mansor

على الرابط اللي حطيته بس انا شفته من قبل وقريته واستفدت منه والحمدالله ومشكورين على جهودكم في هذا المنتدى

بس انا في بالي اسئله اللي فوق وان شاءالله تجاوبوني عليها ^_^

[D.Abu_mansor]

طيب اختي اسمعي

اولا : بما انكي ذكرتي انه عمره 7 شهور وأليف

فهذا أنجاز عظيم جدا

فالبداية ضعيه في مكان مناسب ليس بارد جدا

وإنما درجة حرارة متوسطة بين 25 -30

ثانيا : الطير بيستغرب المكان شوي ويمكن يجعر فلا تستغربي

ثالثا : اهم نقطة الصبر

رابعا : بالنسبة للأكل عليكي بتغير الماء والأكل في اليوم مرتين او ثلاث

وتنظيف القاعدة السلفية ، فقط ولا تدخلي يدك ولا شي لمدة اسبوعين او ثلاثة

ومن بعدها ابدأي بالكلام على خفيف وضعيه على يديك ...الخ

اتمنى اكون افدتك

[دلع بحريني]

مشكور اخوي D.Abu_mansor

على مجاوتك معاي على اسئلتي ^_^

واستفدت منك في اني ابدل له الاكل والماي مرتين باليوم معلومه يديده علي ^_^

بس ما جاووبتني على باقي الاسئله ؟؟

طريقه اكل العسل ؟؟

وشلون اعرف انه يحتاج تقلقص ولا لا ؟؟


ومشكور اخوي على وساعه صدرك وياي ^___^

[كاسكو البحرين]

طريقة الترويش لازم طبعاً اول شي تتأكدين ان الاجنحه مقصوصين والطير مايقدر يطير
والمغزى من قص الاجنحه معروفه لعدم الهرب منك او ابعاده عن الطيران والاصطدام بالمراوح
او المرايا ............ إلخ

يفضل يكون عندج ستاند (مجثم) مثل هذا او تقدرين اتسوين بمساعدة أحد

http://www.pusup.com/uploads/dd3dac7577.jpg

او قفص يكون تقدرين تفتحينه من فوق وتخلين عصا مثل لستاند

http://www.pusup.com/uploads/ccea844a92.gif

هذا بالنسبة الى وقت اللي تبين تروشين الطير وهو مهم يكون الطير يت خروجه من القفص
في اليوم ساعتين الى 3 ساعات عشان يقدر يحرك الاجنحه ويسوي تمارين للجسمه

اما بخصوص الاجنحه فيا دلع البحرين خلي واحد يعرف يقص الاجنحه ويفضل ماتكونين مع الطير
وقت اللي يقصون جناحه والمغزى الكاسكو حساس وذكي وتفكيره يقول انتي معاهم في قص الاجنحه وهذا طبعاً مكروه عند الطير لانه في تجاوز على ممتلكاته الخاصه :D فيعني خلج بعيده عن الطير والقص يكون عند واحد يفهم مو اي كلام ويكون يقص الريش مرتب دون اي تشويه يعني بعد استلام الطير تجوفين الطير المفروض مايكون يبين عليه ان مقصوص وهذه طبعاً يعتمد على الخبره

http://www.pusup.com/uploads/632772726b.jpg

وسالفة العسل لي عودة ان شاء الله
ونقلي للموضوع في قسم الاسئلة كون الموضوع أسئلة نقلت الموضوع في مكانه الصح
للترتيب والنظام فعذراً هذه قوانين وان شاء الله الاخوان والاخوات مابقصرون معاج ابداً وبجوفين هالشي :cool:

تحية

[دلع بحريني]

مشكور اخوي كاسكو البحرين على الشرح بالصور ^_^

بس بعد مارديت على سؤالي الاصلي ^__^

اوكي فهمت عليك يعني اذا بسبح الكاسيكو اطلعه برع القفص يعني ما اسبحه واهوه داخل القفص

بس المشكله يعني عادي اذا رشيت عليه الماي ما بيطير ؟؟ يعني بيتم في مكانه وانا ارش عليه !!!!

واذا طار اتم الاحق وراه بالمرش !!!!

هههههههههههههههههه والله السالفه تضحك

والسؤال الثاني شلون اعرف انه يبيله تقلقلص ؟؟؟

يعني مادري بين كل جم شهر اقصهم له ولا شلون ؟؟

اخاف يطير علي وعقب اتوهق +____+


وان شاءالله ناطرتك تجاوب لي ن سالفه العسل ^___^


مشكور اخوي تعبتك وياي

[عاشقة الطيور]

اختي انا اسبح سيكو (الكاسيكو الي عندي) واهو في القفص بس افصل القاعده عشان مايتلعوز اذا نزل تحت وانا افضل داخل القفص لانه مايقعد وفي الاخير الخيار لج طبعا:)

شلون تعرفين انه يبي له تقلقص طلعيه واذا طار قلقصيه:D

والله انا بعد ماادري بس يبين ان ريش جناحه بدى ينمو

وان شاءالله باقي الاعضاء والخبراء يفيدونج
وبالتوفيق ان شاءالله

[دلع بحريني]

قووووووووووة


مشكوره حبيبتي عاشقة الطيور على ردج


هههههه والله ضحكتيني في سالفه التقلقص اذا طار قلقصيه هههههههههههههههههههههه

فديتج والله


وعن سالفه السبوح شكله ما يبيله الا هلون داخل القفص احسن من انه يطير وانا الاحق وراه بالماي ههههههههه


ومشكوره حبيبتي

بس ما قلتي لي اللي عندج سيكووو ذكر ولا نثيه ؟؟

وجم عمره وشكثر صار لج تربينه >>> حشه تحقيق مب اسئله *____^

[عاشقة الطيور]

لا شكر على واجب اختي;)

والله ماادري بس على الحظ واتمنى يطلع ذكر:D


والله عمره يوم اشتريه على مااظن اقل من سنه

انا شريته من تاريخ7\4\2007 عاد انتي حسبيها:p

[دلع بحريني]

قوووووووووووووة


شباب اليوم شريته الكاسيكو بس مو نفس اللش شفته من قبل ذاك شروه راح مني >_<


لكن مو مشكله الله كريم شريت واحد غير بس كلش مب اليف شري ويجاااعر

مادري شلون اتصرف وياه ذي


وعمره صغير 6 شهور يمكن خمس شهور في هالحدود يعني


شنو تشورون علي اسوي ؟؟؟

انا مخليته الحين في الصاله بس انا احسه مضايق لانه الاهل كل ساعه اللي يصفر له واللي مادري شنو يسوي حركات غصب زور يوترون الطير >_<


شكلي بخليه في غرفتي اسبوع على الاقل يبرد قلبه ويتعود علي انا


ولا انتو شنو تشورون علي ؟؟؟

[دلع بحريني]

لييييييييش محد يرد علي ؟؟؟


محتاجه مساعدتكم >____<

[عاشقة الطيور]

اختي عادي خليه في الصاله بس في زاوية الصاله وتأكدي من رفع القفص مترين اومترين ونص على الارض عشان يحس بالامان

واختي الكاسيكو دايما جذي توها البدايه اصبري عليه

ومااوصيح عطيه مالذ وطاب من الاكل

ومبروك على الكاسيكو اليديد ... والله يخليه لج يارب

[عسوله جدة]

مبررررررررررررررررروك عليكي اختي اهم شي الصبررررررررررررر


حتي انا عندي واحد ويصارخ وكل شي بس اصبر عليه شوي شوي بيتعود عليك


واهم شي طلعي بر القفص عشان يولف عليك


بس طبعا تكون الاجنحه مقصوووصه


تحياتي لك يالغلا

[دلع بحريني]

قووووووووة


مشكوره حبيبتي عاشقه الطيور على وساعه بالج وياي فددددددددديتج والله


واختي عسوله جدة مشكوره على النصيحه

بس انا ذاك الكاسيكو المتوحش رجعته للدكان خذيت واحد احسن منه ما يصارخ وايد وااذا اجرب من القفص ما يقول شي ^____^


بس للحين ما يخليني المسه وهاي اللي قاهرني

وما ياكل فواكه ولا شي ويا ويه ما ياكل الا بس حب شمسي


مب عارفه شلون اتعامل وياه

يقولون يوعي ايوعه انا بس ما ياكل شي

مره عطيته تفاح يقرم فيه ويفلته ما ياكله +_____+


وباجر بسبحه احسه وصخ لانه باجر بيكمل عندي اسبوع


وللحين محد رد علي عن سالفه العسل ؟؟؟

[Gipsy Kings]

درجة حرارة الغرفة لازم ماتكون اكثر من 35 واذا بتخلينه في غرفتج لازم تقعدين وياه باستمرار.......علشان مايتملل ترى هو ذكي :) واذا بتخلينه في الغرفة خفضي شوي على درجة برودة المكيف.واذا عندج اخت او اخو صغير (متخرع) لاتخلينه يمهم علشان مايمللونه.وانتي اشتري الطير وتوكلي على الله.100 تحية اختي