تكفون الحقوني

[wssm]

السلام عليكم

عندي ببغاء امزوني يلو كراون اليف له عندي تقريبا 3 سنوات الحمد لله صحته كويسه

فجأه الاحظ عليه يعض رجله اطالع القى لونها احمر مايلل للاسود الرجل اليمنى بس خفت عليه قلت يمكن طاح او شي وكان رجله محتبس فيها الدم

حطيت عليها مرهم خاص للبشر قلت انشالله تخف
بس الي قلقني رجله الثانيه صارت نفس لونها وتألمه بعدها بساعتين

والله اني خايف عليه ... ومادري وش الحل ليتكم تفيدوني لاهنتم

واسف ع الاطاله.

[أبو رآكان]

نزل لنا صورة لرجله نششوف ...

احتمال يكون التهااب ..

[wssm]

IMG-20121211-00609

[wssm]

كيف احط الصوره

[أبو رآكان]

خش موقع تحمميل الصور ..

وحدد الصورة اللي بجهازك ..

واضغط رفع ..

وبعدين لمن ينتهي التحمميل ..

انسخ رابط تحميل الصورة المباشر ..

وحطه هننا

[wssm]

http://im16.gulfup.com/7sIh1.jpg (http://www.gulfup.com/?NrgXrw)

[wssm]

هاذي صورة رجله

[أبو رآكان]

اخوي متى بدا الاحتباس !!

وهل الطير يقدر يوقف على رجله .. !!

وحرارة الرجل مرتفعهه !!

شهيته للاكل كيف !!

والله يكرمك هل عنده اسهاال !! ..

اتمنى الرد

[wssm]

بدى الاحتباس اليوم تقريبا الساعه 8 اليل يمشي عليها زين شهيته للاكل كويسه بس لاحظت ان خفت الشهيه له اسبوعين تقريبا بس ياكل زين حرارة الرجل زادت على حسب المس

بس احسها تألمه لاني كنت نايم وصحيت من حركته المتكرره داخل القفص ولقيته يعضها ع خفف ف اتوقع تألمه

[wssm]

اما الاسهال ونت بكرامه مادري لان اكله متنوع ف مستحيل ياكل نفس الاكل احيانن سوائل وتنويع ف مقدر احدد اذا هو اسهال او طبيعي

[أبو رآكان]

فيه نززيف !!

[wssm]

ما لاحظت عليه نزيف لمست رجله بس لاحظت فيه زي تقشر الجلد تحت الرجل بس ليش ووش السبب طيب ليش الرجل الاوله وبعدها بكم ساعه الرجل الثانيه ؟؟ هل هو مرض معروف او خطير .

الله يبعد عنه كل ظر

[أبو رآكان]

بصراحه ما اقدر احكم بشكل مباشر ..
لان الاعراض لكثر من مرض ..

لكن ان شاء الل تهوون ..

االي مطلوب منك الحيين ..

1- تاخذ نصف فص ثووم وتهرسه ( تدقه ) ..
وتحطه بماء لمدة ساعه ..
وتحطه بالمشربيه .. .. لمدة 6 ساعات ..

2- حط الطير بمكان دافي ..
3- خذ قطعة قطن وحطاه بماء شوية بارد ..
وامسح فيها رجل الببغاء ..

4- بكره الصبح وده لأقرب بيطري خبيير ..


الله يشفييه ويخلييه لك ..


تحياتي

[wssm]

اتمنى الرد ياشباب ابي مساعدتكم

[wssm]

جزاك الله خير ياخوي ابو راكان ماقصرت والله واذا كانك تعرف بيطري كويس بالدمام ياليتك تعلمني

[أبو رآكان]

واياك يا غلاا ..

ابد تحت امرك باللي تبي ..

بالنسبة للبيطري ..

والله ما عندي خلفيية ..

لكن ممكن تبحث بقوقل عن
اماكن وجود بيطريات خاصه بالببغاوات

والله يعينك ..

عطني خبر باللي يصير لك اذا وديته للبيطري

تحياتي