التهاب الجهاز التنفسي ....ارجو المساعدة

[H.A.S]

السلام عليكم
امس شريت 3 حيايا
ريد تيل بوا
جرانيت بورميس بايثون
فرخ البينو بورميس


فتحت حلج الجرانيت و الألبينو لاحظت وجود فقاعات اهني عرفت ان التهاب بالجهاز التنفسي

ابي اسرع حل عشان تتعالج و مبين المشكلة توها ببدايتها ياريت تساعدوني بسرع وقت
و الي من الكويت يقولي عن دوة و يقول بأي بيطري يبيعونة

و شكرا

[H.A.S]

جيكت ع الثالث و هم في

[|| PyTHoN ||]

قلل الرطوبه و ارفع الحراره و شمسهم ..
ماله داعي اي أدويه لكن لو تبي ممكن تاخذ بودر تترا سايكلين
تحط نص قفشة جاي الصغيره لبطل ماي العادي

بالتوفيق

[jassim99]

^
100%

+

لا تشمسهم اكثر من 10 دقايق باليوم

لا تفكر تعطيهم اكل بهالفتره لين يتعالجون 100%

اذا لاحظت ان الفقاقيع وايد نظف حلجهم بعود الاذن الي فيه قطن مرتين باليوم

بالتوفيق

[H.A.S]

يعطيكم العافية و الله يخليكم حق المنتدى ما صرتو بس تترا سايكلين من وين ايبة

[H.A.S]

ما قصرتو*

[H.A.S]

الحين الشمس مو حارة مثل اول و الجو بارد اقدر اشمسها الظهر ؟
و بالنسبة حق اتترا سايكيلين. احطة ببطل و افضي البطل كلة مرة وحدة و لا كل مرة احطلها. ابدل الماي احط لين تنترس الطاسة

[|| PyTHoN ||]

الحين بدال ما تحاتي الحر شوف البرد
هالجم يوم الجو دافي مافي مشكله خلهم بره ثلث ساعه عادي ,

ماله داعي التترا سايكلين من الحين
بس كيفك لو حاب تحط مو مشكله بالنهايه هو مضاد ..

اخوي الماي مع التترا سايكلين هذا تحطه لهم بماعون الماي ,
يعني ما تحطلهم ماي عادي نظيف , بس ماعون واحد و فيه تترا سايكلين
و كل يوم تبدله ..

و ما تشوف شر انشالله و يتربون بعزك ,

[H.A.S]

يعطيك الف عافية دام ما يحتاج ماراح احط لأن المضاد الحيوي يقتل نوع من انواع الخلايا بالجسم
و مرة ثانية يعطيكم الف عافية ماقصرتو طول عمركم موجودين للمساعدة و ان شاء الله نشوفك اكبر خبير حيايا بالخليج او حتى بأسيا (:
يا بايثون و انت يا جاسم. تصير الي ابالك ان شاء الله



THiiinXx

[H.A.S]

الالبينو الصغيرة تطلع فقاعات من خشمها و حلجها.
احطلها المضاد ولا هم مايحتاج

[|| PyTHoN ||]

يعني اهو قاعد يزيد فيها ولا ؟

اذا ما يزيد أكتفي بتنظيف حلجهم و مثل الي قلنالك اياه
بتقول شلون تنظف اخذ قطن اذون و خله بالعرض بحلجها
بتفتح حلجها و اضغط عالفك عشان ما تسكر و نظف شوي شوي

لو انه قاعد يزيد معاها حط مره المضاد و اتأكد من الحراره و الرطوبه خل تكون منخفضه
انتبه هالفتره خصوصاً الجو برد ..

[H.A.S]

يعطيك العافية ماقصرت و جاري العلاجو وحدة فيهم تشافت
كلة بفضل الله و بفظلكم
يعطيكم العافية