استفسار عن السلاحف

[وتر حساس]

السلام عليكم

انا اشتريت اليوم سلحفاة برية وراجعت الموضوعي المثبته

بس عندي كم سؤال

1 _ هل هذا البيت مناسب طبعا هذا داخل المنزل الجو في خارج بااارد ؟؟

2_هل صحيح لازم اضاءة ولا تعريضها للشمس يكفي؟؟

3_ كم مره انظيفها؟؟

http://im25.gulfup.com/BSzj1.jpg (http://www.gulfup.com/?Q4VRZr)

[WORLD OF ANIMAL]

بالنسبة للبيت اخوى فهو مناسب ولكن يفضل لو كان اوسع ومفروش رمال مش نشارة خشب .
بالنسبة للاضاءة فاعتقد لو انت كل يوم عرضتها للشمس لو عندك جنينة او شرفة او اى منطقة معرضه للشمس ووضعتها فيها فى الصباح شوى فبيكون افضل وبيحافظ على صحتها ونشاطها ويغنى عن الاضاءة .
بالنسبة للتنظيف مش عارف بس اعتقد عشان احنا فى الشتاء يمكن تنظفها مرتين بالاسبوع ويكون بماء دافئ وبعدين تنشفها جيدا وترجعها منزلها اما بالصيف ما اوصيك بق كل يوم ممكن تروشها .
تقبل مرورى

[COUGAR]

السلام عليكم

عليكم السلام ورحمة الله وبركاته
انا اشتريت اليوم سلحفاة برية وراجعت الموضوعي المثبته

بس عندي كم سؤال

1 _ هل هذا البيت مناسب طبعا هذا داخل المنزل الجو في خارج بااارد ؟؟من بعض النواحي مناسب لكن من نواحي اخرى مو مناسب
مناسب: فــي وجــود مـخـبــئ وصـحــن للمــاء وانــه لـيــس مـن الزجــاج
غير مناسب: في حجمه , وفي الفرش(النشارة) , وفي عدم وجود اضاءة او مصدر حرارة
الحجم "على الاقـل" يكون: الطول 100 سم , العرض 60 سم , وكل ما كان اكبر افضل وافضـل
الفرش يكون تراب او رمل او احجار طبيعية صغيرة او تربة زراعية , والتربة الزراعية افضل شيء
وحط صخور واخشاب متحجره+صحن للماء+اضاءة+مخبئ(مو مهم لكن افضل تحطه) ...
اما حجمه هذا صـغـيييـر جــدا والنشـارة مـا تـنـفــع ابــدا والمخبئ ماخذ نص المساحة !!!
2_هل صحيح لازم اضاءة ولا تعريضها للشمس يكفي؟؟
الشمس هي الاسـاس وكل يوم لاااااازم تشمسها لمدة ساعتين "على الاقل"

بس الاضاءة توفر: 1-الضوء 2-الحرارة

((لكن تقدر تستغني عن الاضاءة اذا وفرت مصدر ثاني للحرارة مثل الدفّايات او غيرها))
3_ كم مره انظيفها؟؟

كل ما توسخت ... لكن انتبه عليها من البرد ^^

[وتر حساس]

شكرااا على الرد

غريب انا لما اشتريتها حطينها في نشارة خشب !!

2_زمان اشتريت سلحفاة وكنت احطها في رمل بس ماتت بتاكل الرمل ويدخل في عيونها

3_ان شاءالله اقدر احصل صندوق اكبر من هذا <<<<ماتوقع ^^

[COUGAR]

اغلب المحلات ما يهتمون بالحيوانات اللي عندهم , همهـم الوحيد هو الربح والكسب المادي

فيه خيارات كثيرة غير الرمل لكن النشارة ابدا ماهي كويسة

وحــاول انــك تـاخــذ شــيء اكـبــر لان هــذا صـغـيـــر جـدا عليــهـا

[وتر حساس]

شكرااا على الرد

سؤال سلحفاتي دايما تدخل في المخبى وتحفر وتنام وحركتها قليله هل هذا هو البيات الشتوي

؟؟

[COUGAR]

نعم , هذا لانخفاض درجة الحرارة , وهي تستعد للدخول الى السبات الشتوي

عشان كذا انا قلت لازم توفر لها مصدر حرارة

درجات الحرارة اللازمة في اليوم:

فـــي الــنــهـــار 25-29

وقت التشميس 30-35

فـــي الـلـيـــــل 23-25

اما السبات الشتوي يحتاج متطلبات دقيقة واشياء كثيرة

واللي ما يعرف معلومات كافية عنه ولا عنده خبرة لا انصحه ابدا بادخال السلحفاة الى السبات الشتوي

لازم تكون السلحفاة سليمة تمااااااما وصحتها ممتازة وعمرها كبير ولازم تكتسب وزن قبل الشتاء ........ الخ

و اي غلط بسيـط او اي شيء ما سويتـه على الوجه الصحيح احتمال كبير جدا ان السلحفـاة تمـوت اثناء السبـات

التـزم بتدفئتـها وحافـظ علـى درجات حـرارة مـناسبـة وشمـسـها

[وتر حساس]

اوك راح اوفر مصدر حراره (لمبه)

بخصوص التشمس تعرف نحنا في فصل الشتاء بعض الحيان يكون الجو بااارد وهواء قوي اتوقع لو اطلعها امكن تتجمد

مافي حل ثاني ؟؟

[وتر حساس]

اخوي لما رفعت السلحفاة تفاجت تحتها بيضة :wao:ايش اسوي؟؟

[COUGAR]

كلامك صحيح

اذا كان الجو بااارد جدا وكان الهواء قوي لا تشمسها

لكن اذا جاء يوم وكان البرد خفيف نسبيا ومافي هواء شديد شمسها لكن جنبها الجو البارد قدر الامكان

وفي حل ثاني لكن صعب شوية

انك توفر لها لمبة UV الخاصة بالزواحف , وهي ماهي متوفرة وقليل اللي يبيعونها لكن اذا لقيتها شيء طيب

بس اهم شيء في الوقت الحالي واهم من الشمس هو الحفاظ على السلحفاة دافئة وفي درجة حرارة مناسبة

[COUGAR]

اخوي لما رفعت السلحفاة تفاجت تحتها بيضة :wao:ايش اسوي؟؟


:wao::wao::wao::wao:

متأكد انها بيضة ؟؟؟؟؟ !!!!!!

اولا هذا ماهو موسم تكاثر والسلحفاة ما تجيب بيضة واحدة فقط

بس اوصف لي هي وحط صور ضروري

:wao::wao::wao::wao:

[وتر حساس]

طيب بخصوصة البيضة ؟؟

[وتر حساس]

هذي الصور بيضه !!
http://im17.gulfup.com/yFA71.jpg (http://www.gulfup.com/?2cN4d8)

[وتر حساس]

الغريب ماعندي ذكر !!

امكن كانت مع ذكر في المحل

[COUGAR]

والله شيء غريب جدا !!!!!

موسم التزاوج و وضع البيض بعد السبات الشتوي يعني بداية الصيف

ممكن كان معاها ذكر , وسمعت ان التزاوج ممكن يحصل مرة واحدة وتضل الانثى مخصبة لاربع سنوات

يعني لو تزاوج معها ذكر يمديها تبيض لاربع سنوات بدون ما تحتاج ذكر , بس ماني متأكد من صحة هذه المعلومة

المهم شوف الى بكرة تجيب غيرها والا لا ...

اذا فعلا هذه بيضتها وفي بطنها بيض اكثر وعندك استعداد , تقدر تحتفظ بالبيض وتحضنه الى ان يفقص

صراحة هذه حالة غريبة واذا احد عنده فكرة عنها ان شاء الله يفيدك

[وتر حساس]

غريب اول مره اشوف بيضة سلحفاة قدامي

بس لو تبي تحضن البيض تحتاج مكينة فقاسة صح

او احفر في تراب وادفنه ؟؟

و وفرت مصدر حرارة الحين صارت تاكل ونشيطه صح كذا؟؟

[COUGAR]

غريب اول مره اشوف بيضة سلحفاة قدامي

بس لو تبي تحضن البيض تحتاج مكينة فقاسة صح

او احفر في تراب وادفنه ؟؟

تحتاج فقاسة (طبعا خاصة بالزواحف) وعلبة يكون فيها تراب

تحط البيض في التراب وتدفنه الى حد معين وتحط العلبة داخل الفقاسة , وتنتظر الى ان يفقس

^^^ هذا لو عندك فقاسة

اذا ما عندك فقاسة >>ممكن<< تنجح عملية الحضانة اذا حطيت علبة فيها تراب ودفنت البيض

وحافظت على درجة حرارة معينة ونسبة رطوبة

((بس حضانة البيض ماهي سهلة))

و وفرت مصدر حرارة الحين صارت تاكل ونشيطه صح كذا؟؟

صح , لازم تحافظ عليها في جو مناسب عشان تاكل وتتحرك وباذن الله تبعدها عن امراض كثيرة

[وتر حساس]

شكرااا على الرد

واسف على ازعاجك من كثرة الاسئلة

ماعندي فقاسة وشكلي راح ارمي البيض حتى احصل حل

[COUGAR]

شكرااا على الرد

واسف على ازعاجك من كثرة الاسئلة

ماعندي فقاسة وشكلي راح ارمي البيض حتى احصل حل

العفو ...

لا اخوي ولا يهمك هذا واجبي ^^