قطوتي المريضه

[محبة الروز]

السلام عليكم ورحمة الله وبركاته..
شخباركم؟؟
عندي قطوه مريضه..
اول يوم اشوفها كله نايمه ما تقعد ابد..
واحين صار اليها ثلاثة ايام دايم تستفرغ..:(
وما تاكل ابد بس تشرب مويه..
البارح عطيتها زبادي ..
احسها صارت اشوى من قبل ..
بس اليوم عودت نفس قبل..:(
شنو الحل معاها ..
وعمرها صغير ..بعد يومين تكمل اربعه شهور..:confused:

[شاهستا]

وعليكم السلام ورحمه الله

اهلا بيكى

ياريت تشوفى درجه حرارتها كام ؟

والاستفراغ عباره عن ايه اكل ولا سائل ولا رغاوى

[محبة الروز]

ما عندي مقياس حراره
الاستفراغ عباره عن رغاوى

[شاهستا]

رغاوى يبقى القطه متسممه

كلت اكل فاسد او لحست من المنظفات او الديتول

او حتى خدت جرعه علاج زياده

لازم تاخد حاجه مضاده للتسمم وديها للدكتور النهاره على طول

[محبة الروز]

اللي ترجعه مثل الرغوه لونه اصفر سائل

[شاهستا]

طيب حاولى تاكليه زبادى دافى

ولو حتى بالسرنجه واديله 1 سم موتيليوم لاطفال

وشوفى النتيجه

[بسبس مياو]

كل مره تستفرغ ينزل رغاوي ولا مره وحده؟ والقطوة تطعمت ولا لسه؟

[artos]

اكليها زبادي ووديها اليوم لدكتور

[محبة الروز]

لا مو كل مره تستفرغ رغاوى في البدايه
كانت تستفرغ اكل وبعدين سائل وامس في الليل بدا الرغاوى
واليوم استفرغت بس مره
وما اخدت ولا تطعيمه

[بسبس مياو]

اتوقع انها الحمدلله مش متسممه...مادام الاستفراغ اصفر ومافي اسهال
شوفي الافضل تودينها البيطري علشان تتأكدي من حرارتها لان احيانا تكون سخونه وماتدرين عنها
خصوصا الجو هاليومين بارد...وعلى الالرجح انه برد في المعدة..او فايروس لانها ماتطعمت
شوفي حاليا لاتعطيها اكل صوميها احسن لان معدتها تعبانه وجيبي موتيليوم للأطفال من البشرية
ضروري وعطيها نص ملم وبعد ساعة جيبي بيتاموكس من البيطري او ايموكس من البشرية وعطيها نص القطاره (بيتاموكس) او 2 سم لو بالسرنجة ...وبعد ثمان ساعات اعطيها زبادي دافي بالعسل
وخلي المويه قريب منها... وبس يصير بكرة اعطيها شوي دجاج مهروس
بس ضروري اول تتأكدي من حرارتها ,اذا تبين ادلك على بيطري ممتاز في الخبر

[محبة الروز]

بس اذا جوعتها بتموت
لان صار اليها ثلاثه ايام ما اكلت ولا شئ غصبتها شوي على الزبادي

[بسبس مياو]

خلاص انتي عطيها الموتيلوم وبعده بساعه الايموكس وبعدين اكليها زبادي بالعسل بس لاتثقلي على معدتها لان اهم شي يوقف الاستفراغ، واتأكدي من الحرارة ضروري

[جاسيكا]

لااااااا انصحــــك مرااا ماتتهاوني خصوصا بدي الشغله الاستفراغ لانو لو رغاوي بيكون نسبة كبييره تسمم


أنا كنت زيــك ريسكي بيرجع وكل مرا اقول بيتحسـن وآخر شي طلع متسمم ومات :(

افحصيها عند البيطري بأقرب وقت ولاتعطيها علاجات قبل ماتعرفي حالتها يمكن تتنكـس أكثر معاها

وطمنينا عليها

[محبة الروز]

الحمدلله وقف الاستفراغ
بس الى احين ما تاكل شئ

[بسبس مياو]

وقف لأنها ماتاكل...عطيتيها الدوا؟ ترى ضروري علشان لو ما اخذت الدواء حتى لو اكلت بترجع تستفرغ
ودرجة الحرارة بعد لازم تتأكدي والإيموكس
اذا انتي في الخبر او الدمام برسلك عنوان عيادة ممتازة

[محبة الروز]

هلا ..
شربتها الدواء ..
الحمدلله احين ما تستفرغ
بس الاكل ما تاكل وصرت احاول اغصبها تاكل..
واليوم واني ااكلها ..
شفت اللسانها ملتهب كانه..
صاير احمر من الجوانب ..
يعنو تتوقعو ما تاكل بسبب اللسانها ؟؟
وشنو الحل ..؟؟

[شاهستا]

اه ممكن يكون عندها التهاب

كدة هتحتاج مضاد حيوى