شلون اسافر مع كلب بالطياره الى الكويت

[Bleeding_Love]

السلام عليكم

انا حاليا باوروبا .. وراجع الكويت يوم الأحد ...
شنو اهي طريقه السفر مع الكلب .,, وانا مسافر بالقطريه
والكلب وزنه خفيف لأنه زينه
وشنو الاوراق الي بالكويت لازم يسوونها

وارجو بو جاسم ترد علي لأنك من الكويت . وانا مستعيل وايد
وياريت احد يعررف شلون الطريقه

مشكورين

[ابن سورية]

اخي الغالي انا والله مادري عن الشروط والامور المطلوبة بالكويت اكيد اخي جاسم يفيدك

[Musab Pro]

شوف الاجرائات هذي تحديدا ما اعرفها لكن بدلك على طريقة ثانيه .

اولا كلم اي احد من قرايبك يروح للجهه المختصه عندكم واعتقد انها وزارة الزراعه .. يبيلك تبحث بالنت و تتاكد .

بعدين يطلع اذن استيراد كلب من النوع اللي عندك و تعطيه بيانات كلبك كامله من ضمنها شهادة التطعيمات .

ولااازم يكون اخذ تطعيم الريبز بمدة لا تقل عن شهر و لاتزيد عن ٦ اشهر .

و انت تروح اي ايجنسي تصدير حيوانات و تقولهم ابيكم توصلونها لهالشخص بالكويت و هم

عندهم الخبره الكامله بهالمواضيع .. وبيقولون لك شالمطلوب تحديدا .

وانت امسك رحلتك و ريح راسك والكلب يوصلك معزز مكرم .

باقي الاجرائات يخلصها صاحبك بالمطار لما يجي يستلم الكلب .

هذا حل مستعجل فقط .

موفق خير

[Bleeding_Love]

يعطيك العافيه اخوي لكن انا طيارتي الاحد وماتوقع في وقت اني اطرشه قبلي .
ويعطيك العافيه

[jassim99]

كلام اخوي مصعب 100% سليم

تطلع من عندك اذن تصدير و خل احد بالكويت يطلع اذن الاستيراد من الثروه الحيوانيه

والاذن لازم يروح منطقة الري ماعرف العنوان بالظبط اهم يدلونك و يسوونلك برنت رسمي وترجع بالبرنت الثروه الحيوانيه

يوقعون عليه ويختمون

هذي الاجراءات الي بالكويت و الي بالديره الي انت فيها اسألهم من وين تطلع اذن التصدير

يبقى عندك اخر نقطه

وهي الطيران...

من طيران لي طيران تختلف الشروط

لكن اذا كان مسموح بكل الطيرانات لازم تبلغهم قبل 48 ساعه عالاقل

وتكون حاط الكلب بعلبه مخصصه للسفر والرحلات

و بنصحك بشغله

حط كيس دراي فود صغير عالصندوق و لزقه بلزاق

من المتعارف عليه ان الموضفين الي يتعاملون مع الصناديق الي فيها حيوانات حيه يعطونهم سناك بين فتره وفتره

وخصوصا انك راح تتأخر بالترانزيت بقطر

تحياتي لك وتوصلون بالسلامه

[choosy]

من طيران لي طيران تختلف الشروط

لكن اذا كان مسموح بكل الطيرانات لازم تبلغهم قبل 48 ساعه عالاقل



+ 1

الخطوط القطرية لا تحاتي ممتازة جدآ و متوفر حجرة تهوئية للحيوانات 100 %

كل اللي تحتاجه شهادة صحية بهيئة دفتر أو جواز سفر

موضح التطعيمات و مثبت سلامته الصحية عامه و السعار خاصة

و يجب عليك تحضر للمطار قبل موعد الرحلة ب6 ساعات عـ الأقل

بعد البلاغ اللي افادك فيه استاذي jassim99

أنا مو بالكويت لكن انت بس سوي ماخبرتك و ماجاك عندي على مسئوليتي

توصل داركم بالسلامة يارب